ناوه‌نده‌كانی نوێكردنه‌وه‌ی تۆماری ده‌نگده‌ران ده‌كرێنه‌وه‌ ...
ده‌نگه‌كانی یه‌كێتی له‌ سلێمانی وه‌ك خۆی ماوه‌ته‌وه‌ ‌ ...
كورسی لایەنەكان لەپەرلەمانی توركیا ئاشكرا كرا ...
سه‌رجه‌م ده‌نگه‌كانی كه‌ركوك دروست ده‌رچوون ...
كاندید بۆ هەڵبژاردنی هەرێمی كوردستان تۆمار دەكرێت ...
ئەردۆغان بردیەوەو هەدەپەش سنووری مەرگی بەزاند ...
عیراق له‌ ده‌ره‌وه‌ی نوێنه‌ران و ده‌سه‌ڵاتی گه‌لدایه‌ ...
تۆماركردنی كاندید بۆ پەرلەمان دەستپێدەكات ...
كۆمسیۆن واده‌ی ھه‌ژماركردنه‌وه‌ی ده‌ستی ده‌نگه‌كانی راگه‌یاند ...
هەموو دەنگەکان بە دەست ناژمێردرێنەوە ...
ھەدەپە ٦٧ کورسیی پەرلەمانی بەدەستھێناوە ...
پرۆسەی دەنگدان بۆ سەرۆك كۆمار و پەرلەمانی توركیا دەستیپێكرد ...
دەزگای هەڵبژاردن: لە ئەژماركردنەوەی دەنگەكاندا دەنگمان زیاد دەكات ...
38 قەوارە بۆ هەڵبژاردنی پەرلەمان پەسەندكران ...
یه‌كێتی.. ئه‌و هێزه‌ی بێمنه‌ته‌ له‌ هه‌ژماركردنه‌وه‌ی ده‌نگه‌كان ...
عه‌بادی: سوتاندنی سندوقه‌كانی ده‌نگدان پیلانه‌ بۆ لێدانی وڵات ...
(٦/١) یادی شكاندنی ته‌وقی ترس و تۆقاندنی ڕژێمێكی خوێن ڕێژه‌ ...
43 ساڵه‌ یه‌كێتیی نیشتمانیی كوردستان خوێن ده‌به‌خشێت ...
ئەنجامی هەڵبژاردنی ئەنجومەنی نوێنەرانی عیراقی 2018 ...
ئەنجامی هەڵبژاردنی پەرلەمانی عیراق 2018 راگەیەندرا ...
وەفدی یەكێتی ناوەرۆكی كۆبوونەوەكانی بەغدا ئاشكرادەكات ...
وادەی تۆماركردن بۆ هەڵبژاردنی پەرلەمانی كوردستان دیاریكرا ...
رێژه‌ی بەشداری لەباشوری كوردستان كەم بووە ...
ئه‌نجامی ده‌نگی لایه‌نه‌كان له سلێمانی و هه‌ولێر ...
بەرنامەی هەڵبژادنی لیستی یەكێتیی نیشتمانیی كوردستان ژمارە 162 ...
بەرنامەی هەڵبژادنی لیستی یەكێتیی نیشتمانیی كوردستان ژمارە 162 ...
دروشمەكانی لیستی 162 ...
په‌یامی لیستی 162 بۆ هه‌ڵبژاردنی ئەنجومەنی نوێنەرانی عێراق ...
پەیامی دەزگای هەڵبژاردن ...
ئه‌مڕۆ یه‌كێتی سلێمانی ده‌خرۆشێنێت ...
بەدەستهێنانەوەی ئایندەمان ...
بیست و چوارەمین ساڵڕۆژی "الانصات المركزی" پیرۆزبێت ...
وردەكاری ئەم خولەی پەرلەمان ...
هەڵبژاردنی ئەنجومەنی پارێزگا کەرکوکیش دەگرێتەوە ...
تورکیاو ئێران دۆستن یان دوژمن؟ ...
12/22 هەڵبژاردنی ئەنجومەنی پارێزگاكانە ...
یەكێتی بە ژمارە (162) و بە(210) كاندید بەشداری هەڵبژاردن دەكات ...
دەستەی كارگێر لەگەڵ دەزگای هەڵبژاردن كۆبۆوە ...
162 ژمارەى یەكێتيی نیشتمانيی كوردستانە ...
162 ژمارەی یەكێتيی نیشتمانيی كوردستانە ...
ناوی كاندیدانی یه‌كێتی بۆ هه‌ڵبژاردنی په‌رله‌مانی عیراق ...
تەئكید لەبەستنی كۆنگرە دەكرێتەوە ...
یاسای هەمواركراوی هەڵبژاردنی ئەنجومەنی نوێنەران ...
كاندیدەكانی یەكێتی ئامادەن ...
ئیسپانیا لە دیکتاتۆرییەوە بۆ دیموکراسی ...
كاتی هەڵبژاردنەكانی هەرێم دیاریدەكرێت ...
مانۆڕی هەڵبژاردنی عێراق دەستیپێكی قۆناغی دابەشبوونی حزبە گەورەكان ...
زۆرترین رێژەی نوێكردنەوەی تۆمار دەنگدان لە پارێزگای "دهۆك"ە ...
زیاتر لە 200 پارت و قەوارەی سیاسی بەشداری هەڵژاردنەكانی عێراق دەكەن ...
"سیسی" جارێكی تر خۆی بۆ سەرۆكایەتی میسر كاندید كردەوە ...
كۆمسیۆنی هەڵبژاردن پێویستی بەكارمەندە ...
كوردستانی نوێ‌ بناغەیەكی بەهێزی دیموكراسییە لەناوچەكەدا ...
"پۆتن و سیسی" لە هەڵبژاردنەكانی 2018 پۆستەكانیان مسۆگەر دەكەنەوە ...
كوردسات هەوێنی رۆشنبیركردنی جەماوەری كوردستانە ...
جودایخوازەكان زۆرینەی پەرلەمانی كەتەلۆنیایان مۆسگەر كرد ...
هەڵبژاردنی پەرلەمانی كەتەلۆنیا بەڕێوەدەچێت ...
كوردو سوننە داوای گەڕانەوەی بودجە دەكەن ...
سۆسیال دیموكراتەكانی یۆنان خۆیان نوێ دەكەنەوە ...
هەوڵەکانی پێکهێنانی حکومەتی ئەڵمانیا شکستی هێنا ...
ئه‌نجومه‌نی پارێزگای كه‌ركوك: به‌زووترین كات پارێزگار دیاری بكرێت ...
دەزگای هەڵبژاردن لەسەر بەستنی كۆنگرە لەگەڵ مەڵبەندەكان كۆبۆوە ...
دادگای فیدراڵی: ریفراندۆم نادەستورییە ...
میراڵ ئه‌كشینار،״ژنه‌ ئاسنینه‌״کەی‌ رەوتی توندڕەوی نەتەوەیی تورك ‌ ‌ ...
به‌رپرسانی که‌ته‌لۆنیا رووبه‌روی دادگاییکردن ده‌بنه‌وه‌ ‌ ...
کاردانه‌وه‌ی ئیسپانیا و جیهان به‌رامبه‌ر به‌که‌ته‌لۆنیا ‌ ...
تیمی ریفراندۆم هه‌ڵاتن ...
په‌رله‌مان دابه‌شكردنی ده‌سه‌ڵاته‌كانی سه‌رۆكایه‌تیی هه‌رێمی په‌سه‌ندكرد ‌ ...
هەڵبژاردنەكانی عیراق 12 رۆژ دوادەخرێت ...
پێدەچێت كۆنسەرڤاتیڤەكانی نەمسا براوەی یەكەم بن ...
بانگه‌شه‌ی‌ هه‌ڵبژاردن له‌ 15ی‌ ئه‌م مانگه‌وه‌ ده‌ستپێده‌كات ...
سه‌رۆك مام جه‌لال ماڵئاوایی كرد ...
لە90%ی دەنگەجیاكراوەكانی كەتەلۆنیا بەڵێیە ...
ئەنجامی راپرسی بۆ سەربەخۆیی راگەیەندرا ...
م.س: گه‌له‌كه‌مان سه‌ربه‌رزه‌ له‌حزوری یاده‌وه‌ری شه‌هیدانی رێی مافی چاره‌نووس ...
%72.16ی دەنگدەران بەشداری ریفراندۆمیان كردووە ...
پرۆسه‌ی‌ ده‌نگدان بۆ ڕیفراندۆم ده‌ستیپێكرد ...
یەكەمین راپۆرت لەبارەی راپرسی-یەوە بڵاوكرایەوە ...
شۆڕش ئیسماعیل: دەنگمان بەڵێ‌ بوو بۆ سەربەخۆیی كوردستان ...
پارتەكەی ئەنگیلا مێركڵ براوەیە ...
چین و ریفراندۆمی هەرێمی کوردستان ‌ ...
هه‌ڵبژاردنه‌ په‌رله‌مانییه‌كه‌ی ئه‌ڵمانیا ده‌ستیپێكرد ...
وردەكاری هەڵبژاردنەكانی رۆژئاوای كوردستان ...
ریفراندۆم.. سووربوونی كورد و توندبوونی هه‌ڵوێستی نێوده‌وڵه‌تی ...
نه‌وه‌یه‌كگرتووه‌كان داوایه‌ك ئاراسته‌ی‌ هه‌رێم و به‌غدا ده‌كات ...
23ی مانگ دەنگدان بۆ ریفراندۆم دەستپێدەكات ...
ماوه‌ی تۆماری قه‌واره‌ سیاسییه‌كان درێژكرایەوە ...
ژنێك بووە سەرۆك كۆماری سەنگاپورە ...
بروسكەی پیرۆزبایی بۆ ساڵیادی تەلەفزیۆنی گەلی كوردستان (تەلەفزیۆنی دایك) ...
ئەمڕۆ هەڵبژاردنی پەرلەمانی نەرویج بەڕێوە دەچێت ...
ئەنجومەنی باڵای ریفراندۆم ژنان بێ بەشدەكات ...
چەمکی بانگەشەی هەڵبژاردن و تایبەتمەندیەکانی ...
بارزانی: خۆم كاندید ناكه‌مه‌وه‌و رێگه‌ به‌كه‌سه‌ نزیكه‌كانیشم ناده‌م ...
نوێكردنەوەی تۆماری دەنگدەران دەستیپێكرد ...
مێركڵ و هاوپەیمانەكانی له‌ پێشه‌وه‌ن ...
پەرلەمان نوێنەرایەتی گەلی لەدەستداوە ...
تەیموری رۆژهەڵات و سەربەخۆیی ‌ ...
کۆمسیۆن ئامادەنیە بۆ ئەنجامدانی هەڵبژاردن لەكەركوك ...
دەزگای هەڵبژاردن لەگەڵ مەڵبەندەكان كۆبۆوە ...
مەكتەبی سیاسی تەئكیدی لەباشكردنی گوزەرانی خەڵك كردەوە ...
حەكیم لەمەجلیسی ئەعلا جیابۆوە ...

ئێواره‌ی‌ رۆژی‌ یه‌كشه‌ممه‌ (14/9/2015) به‌رنامه‌ی‌ (تاوتوێ)ی‌ كه‌ناڵی‌ NRT  دیدارێكی‌ له‌گه‌ڵ هه‌ڤاڵ مه‌لا به‌ختیار، لێپرسراوی‌ ده‌سته‌ی‌ كارگێڕی‌ مه‌كته‌بی‌ سیاسی‌، یه‌كێتیی‌ نیشتمانی‌ كوردستان كرد، كه‌ تێیدا راشكاوانه‌ وه‌ڵامه‌كانی سه‌باره‌ت به‌مه‌سه‌له‌كانی په‌یوه‌ست به‌پرسی‌ سه‌رۆكایه‌تی‌ هه‌رێم، هه‌ڵوێست‌و هاوكێشه‌ سیاسییه‌كان، ئاینده‌ی‌ كوردستان‌و پرسی‌ ده‌ستوورو سیستمی‌ په‌رله‌مانی‌، هاوسه‌نگیی‌ له‌به‌ڕێوه‌بردنی‌ حكومه‌ت‌و ده‌سه‌ڵات، یه‌كێتیی‌ ناو یه‌كێتی‌و چه‌ند بابه‌تێكی گه‌رمی دیكه‌ خسته‌ڕوو، به‌هۆی ئه‌وه‌ی له‌دوای رۆژی چاوپێكه‌وتنه‌كه‌وه‌ ده‌شێت چه‌ند پێشهاتێكی دیكه‌ هاتبێته‌ ئاراوه‌، بۆیه‌ وه‌ڵامه‌كان په‌یوه‌ستن به‌و مێژووه‌وه‌.  ئه‌مه‌ش ده‌قی چاوپێكه‌وتنه‌كه‌یه‌:  

*كاك به‌ختیار، حه‌زده‌كه‌م له‌كۆبوونه‌وه‌كه‌ی‌ ئه‌مڕۆوه‌ ده‌ستپێبكه‌م، ئه‌وه‌ی‌ ئه‌مڕۆ له‌نێوان لایه‌نه‌كاندا باس كرا چی‌ بوو؟ وابزانم وه‌كو كۆبوونه‌وه‌ی‌ حه‌وته‌می‌ پێنج قۆڵی‌ بێ ده‌رئه‌نجام بوو و بڕیاره‌ سبه‌ی جارێكی‌ تر كۆببنه‌وه‌؟

-نه‌خێر به‌ده‌رئه‌نجام بوو، جارێ سوپاس بۆ چاوپێكه‌وتنه‌كه‌تان. داوای‌ لێبوردنیش ده‌كه‌م، كه‌ جه‌نابت له‌مانگی‌ دووه‌وه‌، واته‌ حه‌وت مانگی‌ ره‌به‌قه‌، داواتان كردووه‌ ئه‌م گفتوگۆیه‌ ئه‌نجامبده‌ین. ناڵێم ده‌رفه‌ت نه‌بوو، به‌ڵام بابه‌تێكی‌ هه‌ستیارو وه‌ڵامێكی‌ تازه‌و گرنگ، یان رووداوێكی‌ زۆر گرنگ نه‌هاتبووه‌ پێشه‌وه‌، كه‌ ئه‌و داخوازییه‌ی‌ جه‌نابت جێبه‌جێ بكه‌م.

*راستر بڵێین، شتێك نه‌بوو دڵی‌ خه‌ڵكی‌ پێخۆش بكه‌ین؟

-نه‌خێر، به‌غیلی‌ نابه‌م به‌و كه‌سانه‌ی‌ كه‌ هه‌موو شه‌وێك له‌سه‌ر ته‌له‌فزیۆنن.

*ئێوه‌ زیاتر خۆتان ده‌پارێزن له‌ته‌له‌فزیۆن؟

-به‌ڵێ خۆم ده‌پارێزم، له‌وه‌ زیاتر هیچ هۆكارێكی‌ تری‌ نییه‌.

*به‌ڵام سوپاس كه‌ ئێستا ئاماده‌ن.

-هه‌ر چوار وه‌فدی‌ لایه‌نه‌كان به‌ته‌نها له‌گه‌ڵ یه‌كێتیی‌ كۆنابنه‌وه‌، هه‌ر ئه‌مڕۆ له‌گه‌ڵ بزووتنه‌وه‌ی‌ گۆڕان، له‌گه‌ڵ به‌ڕێزان مامۆستا محه‌مه‌د فه‌ره‌ج‌و مامۆستا عه‌لی‌ باپیریش كۆده‌بنه‌وه‌. كۆی‌ ئه‌و قسانه‌ی‌ له‌كۆبوونه‌وه‌كانداو دوا پێشنیازێك كه‌ له‌حه‌وته‌مین كۆبوونه‌وه‌ كراوه‌، هێنایه‌ كۆبوونه‌وه‌كه‌ی‌ ئه‌مڕۆی‌ مه‌كته‌بی‌ سیاسی‌، وه‌كو یه‌كێتی تاوتوێمان كردو رای‌ خۆمان خسته‌ڕوو، له‌سه‌ره‌نجامدا، له‌م كۆبوونه‌وه‌یه‌ی‌ یه‌كێتی‌‌و له‌كۆبوونه‌وه‌كانی‌ دواتریشدا زیادو كه‌می‌ ده‌بێ، دوو ستوون وه‌كو پێشنیاز بۆ چاره‌سه‌ركردنی‌ ئه‌و گرفته‌ی‌ كه‌ هه‌یه‌، بۆ ئه‌وه‌ی‌ پڕۆژه‌كان بڕوات‌و له‌پاڵ پڕۆژه‌كانیشدا سازانی‌ له‌سه‌ر بكرێ، ئه‌م هه‌ڤاڵانه‌ له‌دانوستاندنه‌كاندان، دوو ستوون گه‌ڵاڵه‌ ده‌كه‌ن‌و رۆژی‌ پێنج شه‌ممه‌ ده‌یخه‌نه‌ به‌رده‌م برایانی‌ به‌ڕێزی‌ پارتی‌، بۆئه‌وه‌ی‌ سه‌رپشك ببن‌و یه‌كێك له‌م ستوونانه‌ هه‌ڵبژێرن‌و ئه‌وی‌ تر بۆ ئێمه‌ به‌جێبهێڵن. ئایا هه‌ڵیده‌بژێرن، یان هه‌ڵینابژێرن، زیادی‌ ده‌كه‌ن، یا كه‌می‌ ده‌كه‌ن له‌كۆبوونه‌وه‌كه‌، ئه‌وانیش ده‌رفه‌تیان ده‌بێ بۆئه‌وه‌ی‌ لێكۆڵینه‌وه‌ له‌ستوونه‌كان بكه‌ن، ئه‌مه‌یان په‌یوه‌ندیی‌ به‌پارتییه‌وه‌ هه‌یه‌و پڕ به‌دڵ ئومێده‌وارین كه‌ ئه‌مه‌ دوا پێشنیازی‌ هه‌رچوارلامان بوو، باوه‌ڕیشمان وایه‌ هاوتا‌و به‌ڕێكوپێكی‌ ستوونه‌كانمان داڕشتووه‌. ئومێده‌وارین برایانی‌ پارتی‌ بڕیارێكی‌ ئیجابی‌ بده‌ن، بۆئه‌وه‌ی‌ ئه‌م گرێ كوێره‌یه‌ بكه‌ینه‌وه‌.

*كۆبوونه‌وه‌ی‌ سبه‌ینێش، هه‌ر ته‌واوكارییه‌ بۆ ئه‌وه‌ی‌ ئه‌مڕۆ قسه‌ی‌ له‌سه‌ر كراوه‌؟ به‌ڵام له‌گه‌ڵ بزووتنه‌وه‌ی‌ گۆڕان ده‌بێ. واته‌ وه‌فدی‌ هه‌ر چوارلایه‌نه‌كه‌ كه‌پێكه‌وه‌ن، ده‌بێ بچنه‌ لای‌ هه‌ر چوار لایه‌نه‌كه‌؟ چونكه‌ له‌وه‌ به‌باشی‌ تێنه‌گه‌یشتم.

-به‌ڵێ، هه‌روا ده‌بێ، وه‌فدی‌ هه‌ر چوار لایه‌نه‌كه‌ ده‌چنه‌ لای‌ لێپرسراوانی‌ باڵای‌ هه‌ر چوار لایه‌نه‌كه‌.

*له‌سه‌ر پرسی‌ سه‌رۆكایه‌تی‌ هه‌رێم، ده‌مه‌وێ رای‌ خۆتان بزانم. له‌ماوه‌ی‌ رابردوودا له‌ڕێگه‌ی‌ نووسین‌و وتاره‌وه‌، كه‌ به‌شێوه‌ی‌ بیره‌وه‌ریی‌ هه‌ندێك بابه‌ت ده‌نووسیته‌وه‌، یان بڵێن یاده‌وه‌رییه‌كانی‌ خۆت ده‌نووسیته‌وه‌و له‌پاڵیشدا له‌سه‌ر بابه‌ته‌ هه‌نوكه‌ییه‌كان رای‌ خۆشتان ده‌نووسن. بۆیه‌ ده‌مه‌وێ بزانین رای‌ تایبه‌تی‌ مه‌لا به‌ختیار چییه‌ له‌سه‌ر پرسی‌ سه‌رۆكایه‌تی‌ هه‌رێمی‌ كوردستان؟ ئه‌م بابه‌ته‌ی‌ كه‌ ئێستا ناكۆكی‌ له‌سه‌ره‌؟

-بیره‌وه‌رییه‌كان، ئه‌وه‌ی‌ كه‌باسی‌ ده‌كه‌یت، به‌ڵێ هه‌موو رۆژێك یادێكی‌ مێژوویی‌ تاوتوێ ده‌كه‌م. یاده‌كه‌ ته‌نها وه‌كو یاداشت بڵاوناكه‌مه‌وه‌. چونكه‌ هه‌موو یادێك بۆخۆی‌ دێڕێكه‌، به‌ڵام من بۆ هه‌ر یادێك سی‌ بۆ سیوپێنج دێڕی‌ له‌سه‌ر ده‌نووسم، بۆ نه‌وه‌ی‌ فه‌یسبووك. بۆ نه‌وه‌یه‌ك كه‌ ده‌بێ كه‌مترین دێڕی‌ پێشكه‌ش بكه‌یت. له‌وێدا شرۆڤه‌ی‌ رووداوێكی‌ مێژوویی‌ ده‌كه‌م، كه‌ تائێستا (138) رۆژیادم هه‌ڵبژاردووه‌و لێكدانه‌وه‌م بۆ كردووه‌. چوار بۆ پێنج رۆژ له‌مه‌وبه‌ر بوو، ئه‌و یاده‌یه‌ كه‌ جه‌نابی‌ مام جه‌لال سه‌ردانێكی‌ كاك مه‌سعودی‌ كردبوو، له‌دوای‌ ئه‌و سه‌ردانه‌ بۆ مه‌سیف، دانیشتنێكی‌ هه‌ردوو جوامێر روویدابوو. بێگومان به‌ده‌ستپێشخه‌ریی‌ مام جه‌لال. ئه‌و پێشینه‌ پڕ له‌كێشه‌و خوێنڕشتن‌و یه‌ك كوشتتن‌و دوو ئیداره‌ییه‌ (ماخۆلانه‌كانمان)، ماخۆلانه‌كانی‌ مێژوو كه‌ له‌نێوانماندا هه‌بوو، سه‌ره‌نجام به‌سه‌ردانێكی‌ جه‌نابی‌ مام جه‌لال، بۆلای‌ جه‌نابی‌ كاك مه‌سعود، هه‌ردوولایان له‌ئاستی‌ رووداوه‌كانی‌ مێژوو توانیبوویان بڕیار بده‌ن، خۆشتان بینیوتانه‌ له‌وكاته‌وه‌، له‌(2002)ه‌وه‌ به‌ره‌و رێڕه‌وێكی‌ تری‌ مێژوویی‌ رۆیشتووین.

من.. ئه‌مه‌م بیری‌ جه‌نابی‌ كاك مه‌سعود خسته‌وه‌. بۆئه‌وه‌ی‌ بڵێم: ئێستا خوێن له‌نێوانماندا نییه‌، شه‌ڕی‌ ناوخۆ له‌ساڵی‌ (1997-1998) له‌نێوانماندا كۆتایی‌ پێهاتووه‌. كێشه‌ی‌ ئێستا كه‌ په‌یوه‌ندیی به‌دیاریكردنی‌ ده‌سه‌ڵاته‌كانی‌ سه‌رۆكی‌ هه‌رێم‌و ئه‌و بیروبۆچوونانه‌وه‌ هه‌یه‌ كه‌ پارتی‌ هه‌یه‌تی‌، زۆر زۆر كه‌متره‌ له‌و كێشانه‌ی‌ كه‌ له‌ڕابردوودا هه‌بوو، هه‌ردوو جوامێر له‌سه‌ری‌ رێككه‌وتوون. به‌ڵام به‌داخه‌وه‌ ئێستا جه‌نابی‌ مام جه‌لال نه‌خۆشه‌، هه‌موومان روومان له‌كاك مه‌سعوده‌.

*له‌به‌رامبه‌ر كاك مه‌سعوددا، یان ئه‌وه‌ی‌ ده‌توانێت له‌غیابی‌ مام جه‌لال له‌پڕۆسه‌ سیاسییه‌كه‌دا، ده‌توانێ رۆڵی‌ ئه‌و بگێڕێ. بۆم روون نه‌بۆوه‌، ئایا مه‌به‌ستت له‌كاراكته‌رێكی‌ سیاسییه‌، یان پێتوانییه‌ هیچ كه‌سێكی‌ تر بتوانێ ئه‌و رۆڵه‌ بگێڕێ؟ 

-ناتوانم ئه‌وه‌ بڵێم كه‌ هیچ كه‌سێكی‌ تر نییه‌ ئه‌و رۆڵه‌ بگێڕێ. نه‌ته‌وه‌ی‌ كورد نه‌ته‌وه‌یه‌كی‌ زیندووه‌. له‌ڕۆژگاره‌ هه‌ره‌ ره‌شه‌كانی‌ بیسته‌كان‌و سییه‌كاندا، عیراق مه‌لیكێكی‌ ده‌ستنه‌كه‌وت، به‌ڵام له‌كوردستاندا مه‌لیك مه‌حمودمان هه‌بوو، دواتر حزبی‌ هیوا دامه‌زرا، پاشان شۆڕش، دواتر رزگاری‌، دوای ئه‌ویش پارتی‌، پاشتر لقی‌ حزبی‌ شیوعی‌، هه‌میشه‌ سه‌ركرده‌ له‌ناو حزبه‌كانی‌ ئێمه‌دا هه‌ڵكه‌وتوون، خۆشتان ده‌زانن، له‌ناو ئه‌م شۆڕشه‌دا، به‌تایبه‌تی‌ یه‌كێتی‌و پارتی‌، چه‌ندین ره‌مزی‌ گه‌وره‌ گه‌وره‌، ناودار هه‌یه‌، كه‌ كاریگه‌رییان له‌سه‌ر گۆڕه‌پانه‌كه‌ هه‌یه‌. به‌ڵام ئێستا، جه‌نابی‌ كاك مه‌سعود سه‌رۆكه‌و كێشه‌كان دوولایه‌نه‌یه‌، لایه‌نێكی‌ ئه‌وه‌یه‌ هه‌ڤاڵانی‌ پارتی‌ ته‌قدیریان ئه‌وه‌یه‌ كه‌ دوو ساڵ به‌ته‌واوی‌ ده‌سه‌ڵاته‌كانییه‌وه‌ متمانه‌ بدرێته‌وه‌ به‌كاك مه‌سعود، ئێمه‌ی‌ چوار لایه‌نه‌كه‌ش، به‌هه‌موو فه‌لسه‌فه‌و ئایدیۆلۆژیایه‌كی جیاوازمانه‌وه‌، به‌هه‌موو ئه‌و مێژووه‌ پڕ له‌ناكۆكییه‌ی‌ له‌نێوانیشماندا هه‌بووه‌، پڕۆژه‌یه‌كی‌ هاوبه‌شمان هه‌یه‌. ئه‌م دوو دیده‌، ئه‌م دوو جیهانبینییه‌ بۆ چۆنێتی‌ دیاری كردنه‌وه‌ی‌ سه‌رۆكی‌ هه‌رێم، تائێستا ناكۆكین له‌سه‌ری‌، كێ ده‌توانێ ئه‌و ده‌ستپێشخه‌رییه‌ مێژووییانه‌، له‌مێژوویه‌كی‌ تردا، له‌زه‌مان‌و زه‌مینه‌یه‌كی‌ تردا، ده‌روازه‌یه‌كی‌ تر له‌مێژوودا بكاته‌وه‌؟ ئێستا هه‌موومان روومان له‌كاك مه‌سعوده‌. هه‌موو نه‌ته‌وه‌كه‌ به‌كاك مه‌سعود ده‌ڵێن، هه‌موو حزبه‌كان‌و ده‌وڵه‌تانیش به‌كاك مه‌سعود ده‌ڵێین، لێره‌شه‌وه‌ ئه‌مه‌ په‌یامێكی‌ تره‌ به‌كاك مه‌سعود ده‌ڵێم: (كاك مه‌سعود، تۆ ده‌ته‌وێ ئێمه‌، ئه‌م چوار حزبه‌ هه‌موو جه‌نابت‌و پارتی‌ چیده‌ڵێن به‌قسه‌تان بكه‌ین، به‌ڵام ئێوه‌ هیچ گوێیه‌ك له‌ئێمه‌ نه‌گرن؟).

*ئه‌وه‌ی‌ تێگه‌یشتووم له‌كۆبوونه‌وه‌كان، ئاوها بووه‌..

-به‌ڵێ.. پارتی‌ هه‌ر ئه‌وه‌ دووباره‌ ده‌كه‌نه‌وه‌، كه‌ ده‌یانه‌وێ ئه‌م دوو ساڵه‌ بۆ كاك مه‌سعود به‌ته‌واوی‌ ده‌سه‌ڵاته‌كانییه‌وه‌ درێژ بكرێته‌وه‌. كه‌ ئه‌مه‌مان كرد، ئینجا دوایی‌، له‌سه‌ر ده‌سه‌ڵاته‌كانی‌ سه‌رۆكی‌ هه‌رێم له‌یاسا، له‌ناو په‌رله‌مان، له‌سه‌ر ورده‌كاریی‌ رێكبكه‌وین.

*ئه‌وه‌نده‌ی‌ من تێگه‌یشتم، ته‌نانه‌ت له‌نووسینه‌كه‌ی‌ تۆش، گرفتتان نییه‌ له‌گه‌ڵ دووساڵ درێژكردنه‌وه‌ بۆ مه‌سعود بارزانی‌، یاخود دووساڵی‌ تر سه‌رۆكی‌ هه‌رێمی‌ كوردستان بێ. كاتی‌ خۆی‌ له‌(30)ی‌ حوزه‌یران یه‌كێتی له‌به‌رامبه‌ر گه‌ڕانه‌وه‌ی‌ ده‌ستوور رازیبوون، واته‌ رێكه‌وتنه‌كه‌ به‌وجۆره‌ بوو كه‌ ده‌ستوور بگه‌ڕێته‌وه‌ بۆ په‌رله‌مان‌و ئێوه‌ش له‌به‌رامبه‌ردا دووساڵ بده‌نه‌وه‌ به‌كاك مه‌سعود. ئێستا له‌به‌رامبه‌ر چیدایه‌؟

-ئێستاش له‌به‌رامبه‌ر ئه‌و پڕۆژه‌ چوار قۆڵییه‌دایه‌. جارێ سه‌باره‌ت به‌مه‌سه‌له‌ی‌ دوو ساڵه‌كه‌ی‌ كاك مه‌سعود، ده‌مه‌وێ ئه‌وه‌ بڵێم، له‌حه‌قیقه‌تدا لامان گرنگه‌، پێش ئه‌وه‌ی‌ كاره‌كه‌ شه‌خسه‌نه‌ بكه‌ین، یان بڵێین كاك مه‌سعود بمێنێته‌وه‌...

*به‌ڵام پارتی‌ دیموكراتی‌ كوردستان، به‌ئاشكرا ئه‌وه‌ ده‌ڵێت كه‌ ویستیانه‌، مه‌سعود بارزانی‌ بۆ دوو ساڵی‌ تر سه‌رۆكی‌ هه‌رێم بێت!

-به‌ڵێ ئه‌وان وا ده‌ڵێن. ئێمه‌ش ئه‌مڕۆ كۆبوونه‌وه‌مان هه‌بوو. بۆیه‌ ده‌مه‌وێ روانگه‌ی‌ چوار حزبه‌كه‌ دیسانه‌وه‌ ساغ بكه‌مه‌وه‌. ئه‌ویش ئه‌وه‌یه‌، پێش ئه‌وه‌ی‌ مه‌سه‌له‌كه‌ شه‌خسه‌نه‌ بكه‌ین، ده‌ڵێین: پڕۆژه‌یه‌كی‌ چوار قۆڵیمان هه‌یه‌، پێشكه‌شمان كردووه‌و پاشه‌كشه‌ش ناكه‌ین. ئه‌مڕۆش جه‌ختمان كردۆته‌وه‌، كه‌ هیچ لایه‌ك له‌و پڕۆژه‌یه‌ پاشه‌كشه‌ ناكات. ئه‌م په‌یامه‌، په‌یامێكی‌ شه‌فاف‌و روونه‌، هاوكات گفتوگۆمان له‌سه‌ر سازانیش هه‌یه‌. ئه‌م سازانه‌ سیاسییه‌ ده‌بێ به‌جۆرێك بێت كه‌ له‌گه‌ڵ ئه‌و پڕۆژه‌یه‌و دیاریكردن‌و چه‌سپاندنی‌ ده‌سه‌ڵاته‌كانی‌ سه‌رۆكی‌ هه‌رێم بگونجێت. هه‌م له‌گه‌ڵ ئه‌م پڕۆژه‌یه‌، هه‌م له‌ئایینده‌شدا له‌گه‌ڵ ده‌ستووری‌ كوردستاندا بگونجێت. تا ئه‌م ساته‌ كه‌ ئه‌مه‌ ده‌ڵێم، ده‌بێ ئه‌وه‌ش بۆ مێژوو بڵێم له‌هیچ كۆبوونه‌وه‌یه‌كدا، له‌هیچ لایه‌كمان نه‌بیستووه‌و یه‌كێتیش له‌هیچ كۆبوونه‌وه‌یه‌كدا ئه‌مه‌ی‌ نه‌وتووه‌، بۆیه‌ تكا ده‌كه‌ین بینه‌ری‌ ئازیز، به‌دیقه‌ت گوێ له‌م قسه‌یه‌ بگرێت‌و نه‌شیكات به‌شه‌ڕی‌ فه‌یسبووك، نه‌یه‌كێتییه‌كان بیكه‌ن به‌شه‌ڕی‌ خۆیان له‌فه‌یسبووك به‌رامبه‌ر لایه‌نه‌كان، نه‌لایه‌نه‌كانیش به‌رامبه‌ر ئه‌و شه‌ڕی‌ فه‌یسبووكه‌ بكه‌ن، چونكه‌ تا ئه‌م چركه‌ساته‌ هیچ لایه‌ك، له‌چوار لایه‌نه‌كه‌، به‌هیچ شێوه‌یه‌ك‌و له‌هیچ كۆبوونه‌وه‌یه‌كدا نه‌مانوتووه‌ كاك مه‌سعودمان قبوڵ نییه‌، به‌ڵام وتومانه‌ پڕۆژه‌مان هه‌یه‌و پارتی‌ ده‌بێ بێت‌و بزانێت ئه‌م چوار لایه‌نه‌ پڕۆژه‌یه‌كیان بۆ سه‌ره‌تای‌ وه‌رچه‌رخانێكی‌ مێژوویی‌ هه‌یه‌. پارتی‌ له‌به‌رامبه‌ردا ده‌ڵێت: بگه‌ڕێینه‌وه‌ بۆ خه‌ڵك. بۆ راپرسی‌، بۆ هه‌ڵبژاردن.

*بۆچی‌ ئه‌مه‌ قبوڵ نییه‌؟

-نه‌مانوتووه‌ قبوڵ نییه‌، دیاره‌ براده‌رانی‌ پارتی‌، له‌به‌رامبه‌ر ئه‌وه‌ی‌ كه‌ نایانه‌وێ پڕۆژه‌ چوار قۆڵییه‌كه‌ وه‌كو خۆی‌ قبوڵ بكه‌ن، ده‌یانه‌وێ ده‌رچه‌یه‌كی‌ تر، ده‌ربازییه‌كی‌ تر بدۆزنه‌وه‌ بۆئه‌وه‌ی‌ وا پیشان بده‌ن، كه‌ گوایه‌ ئێمه‌ ناوێرین بچینه‌ ناو خه‌ڵك. ئه‌مه‌شیان وانییه‌. چونكه‌ ئه‌م چوار لایه‌نه‌ له‌دواهه‌مین هه‌ڵبژاردنی‌ كوردستاندا، كه‌ هه‌ڵبژاردنی‌ پارێزگاكان بوو (424) هه‌زار ده‌نگمان له‌پارتی‌‌و له‌هه‌موو ئه‌و حزبانه‌ی‌ كه‌ (13) حزبن‌و له‌گه‌ڵ پارتین زیاتر بووه‌. ئه‌گه‌ر مه‌سه‌له‌كه‌ خه‌ڵكه‌، ئه‌وا (424) هه‌زار ده‌نگمان زیاتره‌.

*ئه‌ی‌ بۆچی‌ به‌بژارده‌یه‌كی‌ باشی‌ نازانن؟

-ناڵێن باش نییه‌، به‌ڵكو له‌كۆبوونه‌وه‌ی‌ حه‌وته‌می‌ پێنج حزبه‌كه‌دا، هه‌ڤاڵ سه‌عدی‌ ئه‌حمه‌د پیره‌ به‌ناوی‌ یه‌كێتییه‌وه‌، پێشنیازی‌ كرد كه‌ یه‌كێتی له‌گه‌ڵ هه‌ڵبژاردنی‌ پێشوه‌خته‌.

*كه‌ ده‌ڵێن هه‌ڵبژاردنی‌ پێشوه‌خت مه‌به‌ستان چییه‌؟

-كاتێك ده‌ڵێن هه‌ڵبژاردنی‌ پێشوه‌خت، مه‌به‌ستمان هه‌موو جومگه‌كانه‌، ده‌بێ له‌دواییدا لێكۆڵینه‌وه‌ی‌ له‌سه‌ر بكرێ. چونكه‌ هه‌ڵبژاردنی‌ پێشوه‌خت كۆمه‌ڵێ جومگه‌ی‌ جیاواز جیاوازی‌ هه‌یه‌.

*مه‌به‌ست له‌وه‌ چییه‌، حه‌زده‌كه‌م وردی‌ بكه‌یته‌وه‌؟

-سه‌رۆكایه‌تی‌ هه‌رێم، هه‌مواركردنی‌ ده‌ستوور، مه‌سه‌له‌ی‌ راپرسییه‌. ته‌نانه‌ت وه‌كو یه‌كێتی هیچ رێگرییه‌كمان نییه‌، كه‌ هه‌ر له‌وكاته‌دا راپرسی‌ له‌سه‌ر ده‌وڵه‌تی‌ سه‌ربه‌خۆی كوردستانیش بكه‌ین. با پاكێجێكی‌ ته‌واومان هه‌بێ له‌سه‌ر گه‌ڕانه‌وه‌ بۆ میلله‌ت. نه‌ك به‌ته‌نها راپرسی‌ بكه‌ین بۆئه‌وه‌ی‌ سه‌رۆكی‌ هه‌رێم له‌ناو خه‌ڵك هه‌ڵببژێرین یان له‌ناو په‌رله‌مان هه‌ڵبژێرین. وه‌كو وتم: ئه‌م چوار حزبه‌ (424) هه‌زار ده‌نگ له‌براده‌رانی‌ پارتی‌ زیاترین. ئه‌گه‌ر براده‌رانی‌ پارتی‌‌و حزبه‌ دۆسته‌كانی‌، ئه‌وانه‌ی‌ كه‌ ئێستا له‌گه‌ڵیدان، هیچ رێگرییه‌كمان نییه‌و له‌گه‌ڵ ئه‌و حزبانه‌ش هه‌ر دۆستین. به‌ڵام له‌و حزبانه‌ ئه‌ندام په‌رله‌مانی‌ وا هه‌یه‌ (64) ده‌نگی‌ هێناوه‌، كه‌ ئێستا بۆته‌ ئه‌ندام په‌رله‌مان. به‌ڵام ئه‌مه‌ هیچ مانایه‌كی‌ نییه‌ كه‌ ئێمه‌ له‌خه‌ڵك ده‌ترسین. ئه‌مه‌ تاقیكراوه‌ته‌وه‌ كه‌ له‌ناو خه‌ڵكدا ئه‌م چوار حزبه‌ چه‌ند ده‌نگیان هه‌یه‌. هیوادارم ئه‌مه‌ نه‌گاته‌ ئه‌وه‌ی‌ میلله‌ت بكه‌ینه‌ مه‌حه‌ك‌و خۆمان له‌به‌رده‌م بڕیارێكی‌ مێژوویی‌ بۆ سازان نه‌گه‌ینه‌ ئه‌نجام. به‌ڕاستی‌ ئه‌مه‌ بۆ ئێمه‌ مانان، دوا وێستگه‌یه‌. به‌ڵام ئه‌گه‌ر هیچ چاره‌یه‌ك نه‌ما، ئه‌وا بێگومان ده‌گه‌ڕێینه‌وه‌ بۆ میلله‌ت‌و هیچ كێشه‌یه‌كمان نییه‌.

*باشه‌.. لێكدانه‌وه‌یه‌ك هه‌بوو له‌لایه‌ن پارتی‌ دیموكراتی‌ كوردستانه‌وه‌ بۆ ئه‌وه‌ی‌ ئه‌م چوار لایه‌نه‌ ده‌یكه‌ن. به‌جۆرێك له‌جۆره‌كان ئه‌مه‌ سه‌نگه‌رگرتنه‌ له‌پارتی‌ دیموكراتی‌ كوردستان، ته‌نانه‌ت یه‌كێك له‌ئه‌ندامانی‌ سه‌ركردایه‌تی‌ پارتی‌ دیموكراتی‌ كوردستان، به‌ده‌ق وتی‌: ئه‌وان گومانیان هه‌بووه‌ له‌م پرۆژه‌یه‌، یاخود ئه‌گه‌ر ئه‌م پرۆژه‌یه‌ سه‌ر بگرێت چوار لایه‌نه‌كه‌ ره‌نگه‌ دواجار باس له‌وه‌ بكه‌ن، كه‌ ده‌بێ ده‌سه‌ڵاتی‌ سه‌رۆكی‌ حكومه‌تیش له‌پارتی‌ بسه‌ننه‌وه‌! واته‌ تێگه‌یشتنه‌كه‌ ئاوهایه‌ كه‌ ئه‌مه‌ هه‌وڵێكه‌ ئه‌م چوارلایه‌نه‌ خه‌ریكن، بۆئه‌وه‌ی‌ پارتی‌ دیموكراتی‌ كوردستانی‌ پێ بچووك بكه‌نه‌وه‌. بۆخۆی‌ رێككه‌وتن له‌نێوان یه‌كێتی‌و بزووتنه‌وه‌ی‌ گۆڕان‌و دوولایه‌نی‌ ئیسلامی‌، به‌جۆرێك له‌جۆره‌كان لۆژیكی‌ ئه‌مه‌ نیشان نادات؟ یاخود ئه‌وه‌ی‌ ده‌یبینین جۆرێك له‌لۆژیكی‌ تێدا نییه‌؟

-له‌به‌رامبه‌ردا نه‌پێویست به‌سوێندخواردن، نه‌پێویست به‌زۆر قسه‌كردنیش ده‌كات. به‌كورتی‌ ده‌ڵێم: دوورو نزیك نه‌له‌لایه‌نه‌كانمان بیستووه‌، كه‌ بۆ ده‌ست شكاندنی‌ پارتی‌ بێ، نه‌ ئێمه‌ش وه‌كو یه‌كێتی هه‌رگیز ده‌چینه‌ ژێر لێپرسراوێتی‌ وه‌هاوه‌، خوانه‌خواسته‌ پیلان له‌پارتی‌ یا له‌هیچ لایه‌ك بگێرین. یه‌كێتیی‌ دژی‌ هیچ لایه‌ك ئه‌مه‌ ناكه‌ین. بۆ ویژدانیش ده‌ڵێم كه‌ له‌هیچ لایه‌كیش ئه‌وه‌مان نه‌بیستووه‌. به‌ڵكو بابه‌ته‌كه‌ یاسای‌ دیاریكردنی‌ ده‌سه‌ڵاته‌كانی‌ سه‌رۆكی‌ هه‌رێمه‌. وه‌كو ئیستحقاقات‌و ئیملائاتی‌ ئه‌م قۆناغه‌ ده‌بینین. هه‌موو ناوچه‌كه‌ له‌گۆڕانكاریدایه‌، سه‌یری‌ خۆرهه‌ڵاتی‌ ناوه‌ڕاست بكه‌. سه‌یری‌ پێنج زائید یه‌ك زائید یه‌ك (5+1+1) بكه‌. من ئه‌م ناوه‌م لێناوه‌، چونكه‌ پێنجه‌كه‌ ده‌وڵه‌تانی‌ ئه‌ندامی‌ هه‌میشه‌یی‌ ئاسایشه‌، یه‌ك ئه‌ڵمانیایه‌و هه‌موو ئه‌م شه‌ش ده‌وڵه‌ته‌ له‌گه‌ڵ ئێران دانیشتوون. ئێران وڵاتێكی‌ ئه‌وه‌نده‌ گرنگه‌ ئه‌م شه‌ش ده‌وڵه‌ته‌ (24) مانگ له‌گه‌ڵیدا دانیشتوون. بۆئه‌وه‌ی‌ ته‌نها رێككه‌وتننامه‌ی‌ له‌گه‌ڵ مۆر بكه‌ن. ئه‌وه‌ لوبنان له‌سه‌ر سه‌رۆكی‌ وڵات كێشه‌ی‌ گه‌وره‌ گه‌وره‌ی‌ هه‌یه‌. ئه‌وه‌ سوریا، ئه‌وه‌ توركیا، سه‌رقاڵی‌ هه‌ڵبژاردنی‌ پێشوه‌خته‌یه‌. ئه‌مه‌ش عیراق بزانه‌ چی‌ به‌سه‌رهات. ده‌بێ شتی‌ تریش چاوه‌ڕوان بكه‌ین. باشه‌.. به‌شه‌كه‌ی‌ ئێمه‌ ئه‌وه‌یه‌ كه‌ میلله‌ته‌كه‌مان به‌رگه‌ ده‌گرێ، به‌رگه‌ی‌ برسێتی‌، نه‌بوونی‌، شه‌ڕی‌ داعش، كاره‌با‌و سوته‌مه‌نی‌ كه‌م ده‌بێ‌و به‌رگه‌ی‌ هه‌موو ئه‌مانه‌ ده‌گرێ. به‌ڵام خۆ ده‌بێ ویژدانی‌ میلله‌ته‌كه‌مان بۆ مێژوو ئاسوده‌ بكه‌ین، بۆ ئه‌وه‌ی‌ كه‌ ئیستحقاقاتی‌ یاسایی‌‌و خه‌باتی‌ دیموكراسی‌‌و ئه‌زموونه‌ دیموكراسییه‌كه‌مان وا ببه‌ینه‌ پێشه‌وه‌، كه‌ ئه‌م میلله‌ته‌ دڵنیابێ له‌نه‌وه‌كانی‌ ئایینده‌ی‌. به‌ڵێ ئه‌مه‌ پشكی‌ ئێمه‌یه‌ له‌م گۆڕانكارییانه‌، بۆ سه‌رۆكی‌ هه‌رێم، بۆ هه‌مواركردنی‌ ده‌ستوورو سیستمی‌ په‌رله‌مانی‌. ئه‌مه‌ پشكی‌ ئێمه‌یه‌و ده‌بێ بیكه‌ین. ده‌بێ ئه‌م حكومه‌ته‌، له‌م یاسایانه‌، به‌ده‌سه‌ڵاته‌كانی‌ سه‌رۆكی‌ هه‌رێم‌و به‌چۆنێتی‌ دیاریكردنی‌ سه‌رۆكی‌ هه‌رێمه‌وه‌، دڵنیابن، بێ ئه‌م گۆڕانكارییانه‌ش مه‌حاڵه‌ گه‌نده‌ڵی‌ له‌م كوردستانه‌ كۆتایی‌ پێبێت. دڵنیابن مه‌حاڵه‌ مه‌سه‌له‌ی‌ دوو ئیداره‌ییه‌كه‌ كۆتایی‌ پێبهێنین. لای‌ یه‌كێتی یه‌كگرتنی‌ هێزی‌ پێشمه‌رگه‌ كۆتایی‌ پێبێت. ده‌بێ دڵنیاییه‌كی‌ ره‌ها به‌م میلله‌ته‌ بده‌ین، كه‌ ئیتر باشتر ده‌چینه‌ ناو بازنه‌ی‌ شارستانییه‌تی‌ مێژوو. ده‌چینه‌ سه‌ر رێچكه‌ مێژوییه‌كان، به‌ره‌و گۆڕانكارییه‌كی‌ زۆر باشتر.

*ئه‌وه‌ی‌ ئێستا ده‌ستتان پێكردووه‌، ئه‌گه‌ر سه‌ر بگرێ، ئه‌مانه‌ دێنه‌دی‌؟

-بڕوامان وایه‌.. جارێك چووینه‌ كۆبوونه‌وه‌ له‌گه‌ڵ برایانی‌ یه‌كگرتوو، له‌گه‌ڵ جه‌نابی‌ مامۆستا محه‌مه‌د فه‌ره‌ج دانیشتین، كه‌ هاتینه‌ ده‌ره‌وه‌ له‌كۆبوونه‌وه‌كه‌، له‌وه‌ڵامی‌ رۆژنامه‌نووسان، وتم: ئه‌مه‌ سه‌ره‌تای‌ وه‌رچه‌رخانه‌. سه‌ره‌تای‌ وه‌رچه‌رخانیش دیاره‌. ئه‌ركمان زۆر زۆر ماوه‌ بچینه‌ سه‌ر ئه‌و رێچكه‌ مێژوییه‌.

*ئه‌وه‌نده‌ی‌ سه‌رنجمداوه‌، له‌پاش كۆبوونه‌وه‌كانه‌وه‌، ئه‌و ئومێده‌ زۆره‌م تێدا نه‌بینیووه‌، كه‌ له‌قسه‌كانی‌ تۆدا ده‌یبینم. هه‌ستده‌كه‌م تۆ ئومێدت هه‌یه‌، به‌وه‌ی‌ ئه‌وه‌ی‌ ئێستا ده‌ستتان پێكردووه‌ ده‌رئه‌نجامی‌ هه‌بێ. مه‌به‌ستم كۆی‌ لایه‌نه‌كانه‌، یاخود كۆبوونه‌وه‌كانی‌ داهاتووتان. به‌ڵام كۆبوونه‌وه‌ پێنج قۆڵییه‌كان‌و كۆتایی‌ هاتنیان ئه‌وه‌مان پێناڵێن. ته‌نانه‌ت كه‌ دواتر ئه‌ندامانی‌ وه‌فده‌كان دێن قسه‌ بۆ میدیاكان ده‌كه‌ن، دیسانه‌وه‌ ئه‌وه‌مان پێناڵین! ئه‌م ئومێده‌ت له‌چییه‌وه‌ هێناوه‌، ته‌نها ده‌تانه‌وێ خه‌ڵك توزێك دڵی‌ خۆش بكه‌یت، ته‌نها له‌به‌رئه‌وه‌ی‌ ده‌زانی‌ نائومێدییه‌كی‌ زۆر هه‌یه‌ له‌سه‌ر ئه‌م بابه‌ته‌ له‌لایه‌ن خه‌ڵكییه‌وه‌؟ یان ئه‌وه‌ی‌ ده‌یڵێیت‌و پێته‌وه‌ دیاره‌ واقیعییه‌؟

-نیگه‌رانی‌ هه‌یه‌، به‌ڵان ناتوانم بڵێم گه‌یشتۆته‌ نائومێدی‌.

*هێشتا نائومێد نیت؟

-نیگه‌رانی‌‌و ناڕه‌زایی‌ هه‌یه‌. به‌ڵام نه‌گه‌یشتۆته‌ نائومێدی‌ به‌ده‌لیلی‌ ئه‌وه‌ی‌ ئه‌گه‌ر ئێستا سه‌یری‌ ئه‌م به‌رنامه‌یه‌ بكه‌یت‌و بزانیت چه‌ند هه‌زار لایك‌و كۆمێنتت بۆ هاتووه‌، بۆ ئه‌وه‌ی‌ بزانن ئێمه‌ چی‌ ده‌ڵێین. سه‌یری‌ ئه‌و كۆبوونه‌ چوار قۆڵی‌، پێنج قۆڵیی‌و حه‌ڤده‌ قۆڵییه‌ بكه‌یت، سه‌یری‌ ئاماری‌ بینیی‌ هه‌واڵه‌كانتان بكه‌، بزان 10 بۆ 20 به‌رامبه‌ر خه‌ڵك سه‌یرناكه‌ن، كه‌ چاوه‌ڕێی‌ بریاڕێك ده‌كه‌ن.

*له‌لای‌ ئێمه‌ هه‌ر زۆر زۆر ته‌ماشا ده‌كرێ؟

-ئه‌مه‌ش به‌ڵگه‌ی ئه‌وه‌یه‌ كه‌ خه‌ڵك، به‌نیگه‌رانییه‌وه‌، به‌ڵام به‌ئومێده‌وه‌ سه‌یر ده‌كات، بۆ ئه‌وه‌ی‌ بگه‌ینه‌ سازان له‌سه‌ر ئه‌و پرسانه‌.

به‌ڕاستی‌ «به‌خونچێكی به‌هار ناهێنم»* به‌ڵام ده‌ڵێم ئێمه‌ی‌ ئه‌م حزبانه‌، ئه‌م پێنج حزبانه‌و حزبه‌ تێكۆشه‌ره‌كانی‌ تریش، به‌شێكی‌ زۆرمان قاڵ‌و قوڵبووی‌ خه‌باتین. ئاوا به‌ڕێككه‌وت ئه‌م حزبانه‌ دروست نه‌بووین‌و ئه‌م مێژووه‌ دورو درێژه‌مان نییه‌. ده‌ڵێم: هه‌موولایه‌كمان، ئه‌م پێنج لایه‌نه‌ له‌ده‌ره‌وه‌ی‌ ئه‌م پێنج لایه‌نه‌ش، لایه‌نه‌كانی‌ تر‌و هه‌موومان ده‌زانین لێپرسراوێتییه‌كی‌ مێژوویی‌ گه‌وره‌مان له‌سه‌ر شانه‌ بۆ سازان. سووربوون له‌سه‌ر ئه‌وه‌ی‌ كه‌ ته‌نها به‌ئاراسته‌یه‌ك بڕۆین بۆ هه‌ر لایه‌ك بێ، مه‌ترسیداره‌. ئێستا یه‌كێتی بۆ ده‌چێته‌ كۆبوونه‌وه‌ پێنج قۆڵییه‌كان، له‌چوار قۆڵییه‌كان بۆ داده‌نیشین، بۆ به‌رده‌وام ده‌بین له‌كۆبوونه‌وه‌كان، كه‌ وا كۆبوونه‌وه‌ی‌ هه‌شته‌میش دێته‌ پێشه‌وه‌. ئه‌گه‌ر بابه‌ته‌كه‌ی‌ ئێمه‌ به‌ته‌نها هه‌ر ئه‌وه‌نده‌بێ، كه‌ پڕۆژه‌مان پێشكه‌ش كردووه‌، پڕۆژه‌مان پێشكه‌ش كردو بڕایه‌وه‌. لیژنه‌ی‌ یاسایی‌ راپۆرتی‌ خۆی‌ ته‌واو كرد، په‌نجاو حه‌وت كه‌سیشمان برده‌ په‌رله‌مان‌و كۆتاییهات. ئیتر بۆ داده‌نیشین. ئه‌گه‌ر بابه‌تی‌ ئێمه‌ به‌ته‌نها ئه‌وه‌بێ. به‌ڵام ئه‌ركی‌ ئێمه‌ له‌دوای‌ ئه‌وه‌ هه‌وڵدانه‌ بۆ سازان.

*ئه‌ی‌ بۆ پێش ئه‌وه‌ بیرتان له‌و سازانه‌ نه‌كرده‌وه‌، ئه‌وه‌ی‌ پارتی‌ داوای‌ ده‌كات؟ 

-پێش ئه‌وه‌ش بیرمان له‌وه‌ كردۆته‌وه‌.

*ببوره‌ بۆ ئه‌وه‌ی‌ قسه‌كانت ته‌واو بكه‌یت، له‌یه‌كێك له‌وتاره‌كانتدا سه‌رنجمدا، بۆخۆشت پێشتر هه‌ر باوه‌ڕت وابووه‌، كه‌ په‌رله‌مان ناتوانێ ئه‌م پرسه‌ یه‌كلایی‌ بكاته‌وه‌و ده‌بێ دواجار هه‌ر به‌سازان ئه‌م بابه‌ته‌ یه‌كلایی‌ بكرێته‌وه‌؟

-كاك كارزان، به‌ڵێ.. ئێستاش هه‌روا ده‌ڵێم، چه‌ند جار په‌رله‌مان دوای خست بۆئه‌وه‌ی‌ بوار بدات به‌حزبه‌كان. خۆ په‌رله‌مان، له‌په‌رله‌مان هه‌ڵنه‌گه‌ڕاوه‌ته‌وه‌. به‌ڵكو په‌رله‌مان ده‌زانێت كۆڵه‌گه‌ی‌ سه‌ركه‌وتنی‌ یاساو پڕۆژه‌كانی‌ سازانی‌ سیاسی‌ بڕیاری‌ حزبه‌ سیاسییه‌كانه‌. بۆ مێژووش پێتان ده‌ڵێم: سێ مانگ‌و نیو پێش كۆبوونه‌وه‌ی‌ (23)ی‌ حوزه‌یران، كه‌ پڕۆژه‌كانمان پێشكه‌ش كرد، من‌و برایانی‌ خۆشه‌ویستم عومه‌ر فه‌تاح‌و قوباد، میوانی‌ كاك نێچیرڤان بارزانی‌ بووین. جار جاره‌ داده‌نیشتین، بۆ هه‌ندێ گرفت كه‌ هه‌بوو چاره‌سه‌رمان ده‌كرد. كۆبوونه‌وه‌ی‌ دۆستانه‌ بوو. ئومێده‌وارم دوای‌ سازانیش به‌رده‌وام بێ. له‌وێ له‌كۆتایی‌ كۆبوونه‌وه‌كه‌ وتم «هه‌ڤاڵانی‌ پارتی‌، سێ مانگ بۆ سێ مانگ‌و نیوی‌ تر، پرسی‌ سه‌رۆكایه‌تی‌ هه‌رێم دێته‌وه‌ پێشه‌وه‌، دوو ساڵه‌كه‌ ته‌واو ده‌بێ، خۆشتان ده‌زانن له‌سه‌رچی‌ رێككه‌وتنمان كرد. تكایه‌ با ئه‌مه‌ش نه‌بێته‌ گرێ كوێره‌، ئێوه‌ چ بڕیارو به‌رنامه‌یه‌كتان هه‌یه‌، ده‌تانه‌وێ چی‌ بڵێن؟ بۆیه‌ شتكێمان پێبڵێن بۆئه‌وه‌ی‌ له‌گه‌ڵ حزبه‌كانی‌ تریش ئه‌م قسانه‌ بكه‌ین، تا كارێك بكه‌ین، چاره‌سه‌ری‌ كێشه‌كان بكه‌ین؟».

*چ وه‌ڵامێكت ده‌ستكه‌وت؟

-وتیان مه‌منونتانین، ئه‌مه‌ له‌په‌رۆشیتانه‌ بۆئه‌وه‌ی‌ رووبه‌ڕووی‌ كێشه‌یه‌ك نه‌بینه‌وه‌، وه‌ڵامتان ده‌ده‌ینه‌وه‌. حه‌زده‌كه‌م ئه‌مه‌ هه‌ڤاڵانی‌ پارتی‌ ئه‌مه‌ به‌ڕه‌خنه‌ی‌ دۆستانه‌ تێبگه‌ن. به‌ڵام  تاشه‌وی‌ (22\23)ی‌ مانگی حوزه‌یران، كه‌ رۆژی‌ (23)ی‌ مانگ ئێمه‌ پڕۆژه‌كان پێشكه‌ش ده‌كه‌ین، وه‌ڵامیان نه‌داینه‌وه‌. ئه‌م بێباكییه‌، بێگومان ده‌مانخاته‌ ته‌نگژه‌ی‌ ئاوه‌هاوه‌.

*بێباكی‌ بۆ ئه‌وه‌بوو كات له‌ده‌ستبدرێ؟ 

-بێباكی‌ بۆ كات له‌ده‌ستدان. بێگومان پارتی‌ كات له‌ده‌ستده‌دات، سه‌رۆكی‌ په‌رله‌مان كات له‌ده‌ستده‌دات. جه‌نابی‌ كاك مه‌سعود، كه‌ی‌ رێكه‌وتننامه‌كه‌ی‌ نارده‌وه‌ بۆ په‌رله‌مان‌و وتی‌ «حزبه‌كان لیژنه‌ پێكبهێنن‌و بابه‌تی‌ هه‌مواركردنه‌وه‌ی‌ ده‌ستوورو سه‌رۆكایه‌تی‌ هه‌رێم چاره‌سه‌ر بكه‌ن». چه‌ند به‌سه‌ر ئه‌و نامه‌یه‌دا تێپه‌ڕیوه‌. سه‌رۆكایه‌تی‌‌و فراكسیۆنه‌كانی‌ ناو په‌رله‌مان، نه‌خێر هه‌ڤاڵانی‌ پارتی‌، ئه‌م هه‌موو كاته‌یان بۆ له‌ده‌ستدا؟

*بۆچی‌ یه‌كێتی خۆی‌ نه‌یویست ئه‌م بابه‌ته‌ له‌په‌رله‌مانه‌وه‌ بجوڵێنێ؟ چونكه‌ به‌شێكی‌ گه‌ڕانه‌وه‌ی‌ ده‌ستوور كه‌ په‌یوه‌ندیی‌ به‌سیستمی‌ حوكمڕانییه‌وه‌ هه‌یه‌، له‌سه‌ر داوای‌ یه‌كێتیی نیشتمانیی‌ كوردستان بووه‌، كه‌ تائێستا نه‌نێردراوه‌؟ بۆچی‌ زووتر مشوری‌ نه‌خورا؟

-له‌دوا وتارم به‌ناوی‌ (به‌رپرسیارێتی‌ له‌سه‌رده‌می‌ فه‌یسبووكدا) كه‌ به‌مه‌به‌ست ئه‌م ناونیشانه‌و فه‌یسبووكم هه‌ڵبژاردووه‌، له‌وێدا ده‌ڵێم: به‌ئه‌رشیفی‌ هه‌موو لایه‌نه‌كاندا بگه‌ڕێن، یه‌كێتی زۆر زیاتر له‌هه‌موو حزبه‌كان باسی‌ ئه‌مه‌مان كردووه‌، به‌ڵام گوێگرمان كه‌مبووه‌ له‌ناو حزبه‌كان. ئیتر هه‌ر حزبێكیش‌و پاساوێكی‌ هه‌یه‌ بۆ گه‌رم نه‌بووه‌ له‌سه‌ر ئه‌م پرسه‌.

*باوه‌ڕت وایه‌ كه‌ پارتی‌ دیموكرات به‌مه‌به‌ست ئه‌مه‌ی‌ كردبێ، ویستبێتی‌ كاته‌كه‌ دره‌نگ بكه‌وێت بۆئه‌وه‌ی‌ بگاته‌ ئێستا‌و به‌مجۆره‌ بێ؟

-پارتی‌ پێشبینی‌ نه‌ده‌كرد، كه‌ چوار حزب به‌م شێوه‌یه‌، له‌كاتی‌ زیادكراودا، هه‌روه‌كو چۆن له‌فوتبۆڵێن‌و وه‌رزشدا (وقتی‌ چائیع) دێته‌وه‌ پێشه‌وه‌، پێشبینی‌ نه‌ده‌كرد، ئه‌م چوار حزبه‌ گه‌یشتبنه‌ بڕیار له‌سه‌ر ئه‌وه‌ی‌ پڕۆژه‌یه‌كی‌ له‌م چه‌شنه‌، به‌هاوبه‌شی‌ پێشكه‌ش بكه‌ن. ئه‌وان وایان مه‌زنده‌ ده‌كرد، كاته‌كه‌ بایی‌ ئه‌وه‌ ده‌بێ، به‌پانزه‌ بۆ بیست رۆژ دیسان رێككه‌وتنی‌ سیاسی‌ له‌گه‌ڵ لایه‌ك، له‌گه‌ڵ یه‌كێتی یان لایه‌نێكی‌ تردا بكه‌ن. به‌ڵام ئێمه‌ش پێشتر پێمان وتبوون، نه‌ك ئه‌وه‌ی‌ پارتیمان دووچاری‌ بڕیارێكی‌ له‌ناكاو كردبێ. چونكه‌ پێشتر دوو بابه‌تمان به‌ڕۆشنی‌ پێ وتبوون. 

*ئایا پارتی‌ خۆیان بێباك بوون؟

-پێمان وتوون، كه‌ جارێكی‌ تر ببڕای‌ ببڕ (30)ی‌ حوزه‌یرانتان له‌گه‌ڵ دووباره‌ ناكه‌ینه‌وه‌. دووه‌میش یه‌كێتی له‌گه‌ڵ بزووتنه‌وه‌ی‌ گۆڕان رێكه‌وتنی‌ سیاسی‌ ده‌كه‌ین. واته‌ پێش ئه‌م چوارقۆڵییه‌ش ئه‌مه‌مان پێوتوون. دیقه‌تتدا له‌م قسه‌یه‌. كه‌ پێش ئه‌م چوار قۆڵییه‌ش، یه‌كێتی ئه‌وه‌مان وتووه‌ كه‌ (30) حوزه‌یران دووباره‌ ناكه‌ینه‌وه‌و له‌گه‌ڵ گۆڕانیش ده‌یگه‌یه‌نینه‌ رێكه‌وتنی‌ سیاسی‌. ئاگاداربن. ئه‌مه‌ ئه‌وه‌نه‌بووه‌ بڵێیت له‌پێشه‌وه‌ سیناریۆیه‌كه‌مان هه‌بووه‌.

*نه‌تانویستووه‌ موفاجه‌ئه‌ بێ بۆ پارتی‌!

-نه‌خێر نه‌مانویستووه‌. ئێستا‌و له‌ئایینده‌شدا نامانه‌وێ. نه‌ له‌گه‌ڵ هیچ لایه‌ك دژی‌ پارتی‌ یه‌كبگرین‌و نه‌ له‌گه‌ڵ پارتیش دژی‌ گۆڕان، یان دژی‌ هیچ لایه‌كی‌ تری‌ ئیسلامی‌ رێكه‌وتن ناكه‌ین. ئه‌مڕۆش له‌كۆبوونه‌وه‌كه‌ له‌گه‌ڵ لایه‌نه‌كان ئه‌م قسه‌یه‌مان كردۆته‌وه‌.

*هێمنی شاعیر له‌شیعره‌كه‌یدا ده‌ڵێت: 

«به‌هاربوو فه‌سڵی زستان ئه‌گه‌ر یارم له‌گه‌ڵ بایه‌

درۆیه‌ گه‌ر گوتوویانه‌ به‌خونچێكی به‌هار نایه‌»

 *باشه‌، به‌ڵام مه‌سه‌له‌ی‌ دووباره‌ نه‌كردنه‌وه‌ی‌ (30) حوزه‌یران، ئه‌وه‌ی‌ كه‌ لێی‌ په‌شیمانن. ته‌نها له‌زاری‌ سكرتێری‌ یه‌كێتیی‌ نیشتمانی‌ كوردستانه‌وه‌ گوێم لێنه‌بووه‌. ئه‌گه‌رنا هه‌مووتان ئه‌م قسه‌یه‌ ده‌كه‌ن. به‌ڵام ده‌مه‌وێ بزانم مه‌به‌ست له‌مه‌ چییه‌؟ ئایا پێتانوایه‌ ئه‌وه‌ی‌ كردتان هه‌ڵه‌بوو؟ یان زیانتان لێكرد؟

-نازانم له‌چه‌ندت بیستووه‌ په‌شیمانن! به‌ڵام له‌منیشت نه‌بیستووه‌ كه‌ بڵێم په‌شیمانین. به‌ڵام وتومانه‌ (30) حوزه‌یران دووباره‌ ناكه‌ینه‌وه‌. چونكه‌ زه‌مان‌و زه‌مینه‌ی‌ رێكه‌وتننامه‌ی‌ (30)ی‌ حوزه‌یران ته‌واوبوو. هه‌م له‌كوردستان، هه‌م له‌ناوچه‌كه‌، هه‌م له‌سیاسه‌تی‌ یه‌كێتیی‌ نیشتمانیی‌ كوردستانیش ته‌واو بوو. 
 
*هه‌ڵه‌ بوو ئه‌وه‌ی‌ كرا؟
-له‌ناو یه‌كێتی، ده‌توانم بڵێم: به‌شێكی زۆری قه‌واعیدی ئێمه‌، ره‌خنه‌ی له‌ڕێكه‌وتنی (30)ی‌ حوزه‌یران هه‌یه‌. له‌ناو سه‌ركردایه‌تی یه‌كێتیش ره‌خنه‌ هه‌یه‌، به‌ڵام ئه‌وكاته‌ی‌ كه‌ رێكه‌وتنامه‌ی (30)ی‌ حوزه‌یران كراوه‌، من هه‌ر لێره‌ نه‌بووم‌و له‌هۆڵه‌ندابووم. به‌ڵام كه‌ هاتومه‌ته‌وه‌ به‌رگریم لێكردووه‌. چونكه‌ پێموایه‌ ئه‌و رێكه‌وتنه‌ی‌ (30)ی‌ حوزه‌یران نه‌بوایه‌، یه‌كێتی‌و پارتی، هه‌ر ئه‌وكاته‌ به‌ڕێژه‌ی (60% بۆ 70%) لێكده‌ترازاین‌و مه‌ترسیدار ده‌بوو. ده‌پرسم: ئایا ئێستا چۆن ده‌مانتوانی رووبه‌رووی داعش ببینه‌وه‌. بۆئه‌وه‌ی ئه‌و قسه‌یه‌ی من باش ده‌ربكه‌وێت، فه‌رموو بائێستا به‌بێ یه‌كێتی‌ سێ لایه‌نه‌كه‌ی تر، بتوانن له‌گه‌ڵ پارتی شتێكی‌ جیاواز بكه‌ن، یان به‌ته‌واوه‌تی هه‌موو شتێك ره‌تبكه‌نه‌وه‌! ئایا ده‌كرێت؟ ئه‌گه‌ر ده‌كرێت بۆ له‌كۆبوونه‌وه‌كاندا هه‌موومان به‌شدارین بۆئه‌وه‌ی سازانی سیاسی بكه‌ین؟ خۆ ئه‌مه‌ دوو ساڵ‌و دوو سێ مانگیش به‌سه‌ر 30ی‌ حوزه‌یراندا تێپه‌ڕی‌. ئه‌وه‌تا هه‌موومان له‌گه‌ڵ پارتی داده‌نیشین بۆئه‌وه‌ی رێكبكه‌وین، بۆئه‌وه‌ی هه‌م پڕۆژه‌كانمان بچه‌سپێ‌و هه‌م چاره‌سه‌رێك بۆ پڕۆژه‌ی سه‌رۆكایه‌تی هه‌رێم بدۆزینه‌وه‌. باشه‌ له‌دوای دوو ساڵ و دوو مانگ ئه‌مه‌ حاڵمان بێت! كه‌ دوو ساڵ‌و دوو مانگ پێش ئێستا یه‌كێتی‌‌و گۆڕان وه‌كو پێویست په‌یوه‌ندیمان نه‌بوو، یه‌كێتی‌‌و هێزه‌ ئیسلامییه‌كان وه‌كو پێویست په‌یوه‌ندیمان نه‌بوو، یه‌كێتی‌‌و پارتیش (30% تا 40%) كێشه‌ كه‌وتبووه‌ نێوانمان، له‌سه‌رئه‌وه‌ی‌ هاوسه‌نگی له‌حوكمڕانیدا نه‌بوو، له‌حوكمڕانی سیاسی، ئیداری، ئابووری، له‌سیاسه‌تی ده‌ره‌وه‌ی وڵات. وه‌كو یه‌كێتی‌ ناكۆك بووین له‌هه‌ندێك رووه‌وه‌ له‌سه‌ر سیاسه‌تی عیراق. یه‌كێتی‌، له‌گه‌ڵ پارتی ورده‌ ورده‌ له‌سه‌ر باكووری كوردستان، له‌سه‌ر رۆژئاوای كوردستان ناكۆكی كه‌وتبووه‌ نێوانمان، كۆمه‌ڵێك پرس هه‌بوو مه‌ترسیمان لێی هه‌بوو. بۆیه‌ حه‌زده‌كه‌م بۆ مێژوو بیڵێم: یه‌كێتی‌ هه‌میشه‌ له‌چوار پێنج ساڵی رابردوو، وتومانه‌ بارودۆخی‌ كوردستان له‌به‌رده‌م مه‌ترسیدایه‌، مه‌ترسی‌ سه‌له‌فییه‌ت، مه‌ترسی‌ تیرۆریست، مه‌ترسی‌ پیلانگێڕی‌ ناوخۆ، هه‌میشه‌ وامانوتووه‌، بۆیه‌ هه‌میشه‌ توند ده‌ستمانگرتووه‌ به‌وه‌ی هاوپه‌یمانیمان له‌گه‌ڵ پارتی هه‌بێت‌و له‌گه‌ڵ لایه‌نه‌كانی تریش نه‌رم نه‌رم بڕۆینه‌ پێشه‌وه‌، بۆئه‌وه‌ی ریزی یه‌كگرتووی هێزه‌ سیاسییه‌كانی هه‌رێمی كوردستان، ئه‌وه‌نده‌ی ده‌توانین به‌یه‌كگرتوویی بیهێڵینه‌وه‌. با بۆ مێژوو شتێكت پێبڵێم: «جارێكیان جه‌نابی مام جه‌لال، له‌سه‌ر مه‌سه‌له‌ی مالیكی ئێمه‌ی كۆكرده‌وه‌.  مام جه‌لال رایه‌كی هه‌بوو له‌سه‌ر مالیكی، پارتی‌و جه‌نابی كاك مه‌سعودیش رایه‌كی تریان هه‌بوو. مه‌كته‌بی سیاسی كۆكرده‌وه‌‌و وتی: رای خۆتان بڵێن. ئێمه‌ وتمان: به‌شبه‌حاڵی خۆمان كت‌ومت سیاسه‌تی پارتیمان قبوڵ نییه‌و بڕیاره‌كانی‌ پارتی‌و جه‌نابی كاك مه‌سعودمان قبوڵ نییه‌ بۆ كێشه‌كانی‌ به‌غداد‌و مالیكی. به‌ڵام ریزی كورد بۆ خاتری مالیكی تێكناده‌ین. مام جه‌لال قسه‌كه‌ی ئێمه‌ی‌ قبوڵ كرد، سه‌ره‌ڕای‌ ئه‌وه‌ی‌ كه‌ جه‌نابی‌ مام جه‌لال له‌هه‌ندێ رووه‌وه‌ جیاوازیی‌ هه‌بوو له‌گه‌ڵمان. به‌ڵام قسه‌كه‌ی ئێمه‌ی قبوڵكرد، له‌به‌ر یه‌كڕیزیی‌ میله‌ته‌كه‌ قبوڵی كرد. ئێمه‌ ئاوه‌ها مامه‌ڵه‌مان له‌گه‌ڵ رووداوه‌كاندا كردووه‌.
 
*باشه‌، له‌سه‌ر مه‌سه‌له‌ی (30) حوزه‌یران، كه‌ یه‌كێتی نایه‌وێت دووباره‌ی بكاته‌وه‌، به‌ڵام ئه‌وه‌ی ئێستا ده‌گوزه‌رێت‌و ئه‌وه‌ی پارتی داوای ده‌كات، به‌ئاشكراش هه‌مووتان ئه‌وه‌تان ده‌ربڕیوه‌ كه‌ لاریتان نییه‌ له‌سه‌ر درێژكردنه‌وه‌ی ماوه‌ی سه‌رۆكایه‌تی هه‌رێم بۆ ماوه‌ی دوو ساڵی دیكه‌! ئه‌مه‌ هه‌ر دووباره‌كردنه‌وه‌ی (30) حوزه‌یران نییه‌؟
-پێش ئه‌وه‌ ده‌مانه‌وێت پارتی لاری نه‌بێت له‌و پڕۆسه‌ هاوبه‌شانه‌دا.
 
*ئێستا سێ هاوڕێشتان هه‌یه‌، ده‌تانه‌وێت چوار لایه‌ن، له‌گه‌ڵ پارتی، ئه‌گه‌ر بڵێین دووباره‌ كردنه‌وه‌ی (30) حوزه‌یرانه‌، یاخود دوو ساڵی تر درێژكردنه‌وه‌یه‌ بۆ مه‌سعود بارزانی. وانییه‌؟
-به‌ڵێ، ئه‌گه‌ر پڕۆژه‌كه‌، پڕۆژه‌ چوار قۆڵییه‌كه‌ پێیكراو به‌ته‌ندروستی چووه‌ پێشه‌وه‌و چووه‌ خزمه‌تی دیموكراسی له‌م وڵاته‌ی ئێمه‌دا، بێگومان یه‌كێتی له‌كۆبوونه‌وه‌كان بۆیه‌ به‌رده‌وامه‌، بۆئه‌وه‌ی بتوانین چاره‌سه‌رێك بدۆزینه‌وه‌ بۆ كێشه‌ی سه‌رۆكایه‌تی هه‌رێم. به‌بێ ئه‌وه‌ی وه‌كو ئاماژه‌شم پێدا، هیچ لایه‌نێك به‌ڕه‌هایی‌ نه‌یوتووه‌ ئه‌م سه‌رۆكی‌ هه‌رێمه‌، قبوڵمان نییه‌ كاك مه‌سعود بێت. له‌كاتێكدا براده‌رانی پارتی، خۆیان ده‌ڵێن: كاك مه‌سعود له‌ڕووی یاساییه‌وه‌ بۆی نییه‌ خۆی هه‌ڵبژێرێت. ئێ باشه‌، كه‌ خۆتان واده‌ڵێن، ئه‌ی‌ بۆ دێن به‌رامبه‌ر به‌ئێمه‌ ده‌ڵێن: ده‌بێ ویلایه‌تی كاك مه‌سعود بۆ دوو ساڵی ترو به‌هه‌موو ده‌سه‌ڵاته‌كانیشییه‌وه‌ قبوڵتان بێت. به‌رای من، هه‌ر ئه‌مه‌م مانگ‌و نیوێك له‌مه‌وبه‌ر به‌ته‌له‌فۆن به‌برای به‌ڕێز كاك نێچیرڤان بارزانی وتوه‌. وتی: چیمان بكردایه‌ باش بوو، كه‌ ئێوه‌ (23)ی حوزه‌یران ئه‌و پڕۆژه‌یه‌تان پێشكه‌شكردبوو. پێموته‌وه‌: پێش پڕۆژه‌كه‌و دوای‌ پڕۆژه‌كه‌ ده‌بوو كاك مه‌سعود به‌یاننامه‌یه‌ك ده‌ربكات‌و بڵی: تائێستا سه‌رۆكی ئه‌م هه‌رێمه‌ بووم، بۆیه‌ ئه‌گه‌ر ئێوه‌ ده‌توانن چاره‌سه‌رێك بۆ سه‌رۆكی هه‌رێم بدۆزنه‌وه‌و حزبه‌ سیاسییه‌كان بسازێن له‌سه‌ری، ئه‌وا من بم یان من نه‌بم كێشه‌ نه‌بێ به‌لاتانه‌وه‌، به‌ڵام ئه‌گه‌ر ده‌تانه‌وێت من بم، ئه‌وا فه‌رموو بڕیارێكی له‌سه‌ر بده‌ن. ئایه‌ ئه‌وكاته‌ ئاراسته‌ی‌ گفتوگۆكان ئارامترو جوانتر نه‌ده‌بوو؟ نه‌ك بێن بڵێن له‌ڕووی یاساییه‌وه‌ كاك مه‌سعود بۆی نییه‌ خۆی هه‌ڵبژێرێت، به‌ڵام  ده‌بێ دوو ساڵی تری بۆ تازه‌ بكه‌نه‌وه‌ به‌هه‌موو ده‌سه‌ڵاته‌كانییه‌وه‌. براده‌رانی پارتی هه‌میشه‌ ده‌ڵێن: «ده‌یانه‌وێت ئیراده‌ی پارتی بشكێنن»! من ئه‌مه‌ به‌ره‌هایی‌ ره‌تده‌كه‌مه‌وه‌، واتا ئایه‌ ئه‌م بڕیاره‌ی پارتی بۆ دانانه‌وه‌ی دوو ساڵی تر بۆ كاك مه‌سعود به‌هه‌موو ده‌سه‌ڵاته‌كانییه‌وه‌ كاردانه‌وه‌یه‌؟
 
كاردانه‌وه‌ی‌ به‌رامبه‌ر بڕیاری (24)ی حوزه‌یرانی چوار لایه‌نه‌كه‌یه‌؟ یان بڕیاری نه‌گۆڕی پارتییه‌؟! ئه‌گه‌ر كاردانه‌وه‌یه‌، ئه‌وا چاره‌نووسی میلله‌ت له‌سه‌ر بنه‌مای كاردانه‌وه‌ دانانرێت. ئه‌گه‌ر به‌رنامه‌یه‌و به‌ئارامی ده‌مانه‌وێت كێشه‌كان چاره‌سه‌ر بكه‌ین، ئه‌وا پێویسته‌ ئه‌وه‌ لابه‌رن كه‌ ئه‌سڵ‌و ئه‌ساسی نییه‌ گوایه‌ ئێمه‌ ده‌مانه‌وێ ئیراده‌ی پارتی بشكێنین. چونكه‌ له‌وه‌ تێده‌گه‌ین كه‌ ئیراده‌ی پارتی شكاندن، ده‌مانگه‌ڕێنێته‌وه‌ بۆ چوار گۆشه‌ی یه‌كه‌م. یه‌كێتی باش له‌وه‌ تێگه‌یشتوین‌و موزایه‌ده‌ش ناكه‌ین. ناشزانین چ لایه‌نێك موزایه‌ده‌ ده‌كات‌و ئومێده‌وارم هیچ لایه‌نێكیش موزایه‌ده‌یه‌ نه‌كات. چونكه‌ یه‌كێتی‌ نه‌موزایه‌ده‌ له‌پارتی قبوڵده‌كه‌ین، نه‌ له‌گۆڕانیشی قبوڵ ده‌كه‌ین، نه‌ له‌هێزه‌كانی تر‌و نه‌ له‌ئیسلامیه‌كانیشی قبوڵ ده‌كه‌ین، نه‌خۆشمان موزایه‌ده‌ ده‌كه‌ین. یه‌كێتی هه‌میشه‌ ئه‌زموونێكی‌ زۆری‌ وه‌رگرتووه‌ له‌مێژوو، به‌به‌رده‌وامی‌ ده‌مانه‌وێت به‌شێكبین له‌چاره‌سه‌ر، نامانه‌وێت به‌شێكبین له‌كێشه‌. به‌ڵام چاره‌سه‌ر به‌پێی ئیستحقاقاتی مێژوویی، نه‌ك چاره‌سه‌ر هه‌ر نه‌رم نه‌رم. چونكه‌ باوه‌ڕناكه‌م له‌مێژووی خۆرهه‌ڵاتی‌ ناوه‌ڕاستدا، بۆئه‌وه‌ی‌ ئه‌زموونه‌كه‌مان بچێته‌ پێشه‌وه‌، بۆئه‌وه‌ی پڕۆسه‌كه‌مان بچێته‌ پێشه‌وه‌، بۆئه‌وه‌ی له‌ده‌وروبه‌ر كاردانه‌وه‌و بواری‌ پیلانگێڕیی‌ بۆ هیچ لایه‌ك نه‌ڕه‌خسێت، له‌یه‌كێتی نه‌رمتر هه‌بێت له‌حوكمڕانی‌. له‌به‌رئه‌وه‌ی‌ له‌حوكمڕانی نه‌رم بووین، به‌رامبه‌ر به‌پارتی. نامه‌وێ ئێستا زووخاوی ئه‌وه‌ بڕێژم كه‌ له‌كۆبوونه‌وه‌ تایبه‌ته‌كانیشدا چیمان به‌پارتی وتووه‌، كه‌ به‌مجۆره‌ حوكمڕانییه‌ی پارتی، یه‌كێتی‌ له‌م چه‌ند ساڵه‌دا رازی نه‌بووین. ئه‌م چه‌ند ساڵه‌ی‌ پێكه‌وه‌بووین، به‌رده‌وام وتومانه‌ هاوسه‌نگی له‌م حكومه‌ته‌دا نییه‌! به‌رده‌وام وتومانه‌ وه‌زاره‌ته‌كانتان كۆنتڕۆڵ كردووه‌‌و به‌رده‌وام وتومانه‌ پاراستن له‌ناو هه‌موو وه‌زاره‌ته‌كاندایه‌‌و به‌خه‌ڵكیشمان وتوه‌ كه‌ هاوسه‌نگی له‌ناو حوكمڕانیدا نییه‌.
 
*خۆ قه‌ت به‌خه‌ڵكتان نه‌وتووه‌و ئێستاش پارتی هه‌میشه‌ ده‌ڵێت یه‌كێتی شه‌ریكه‌ به‌شمانه‌ له‌حوكمڕانی‌و  به‌ڕێوه‌بردنی حكومه‌تدا! 
-كارزان گیان.. به‌رده‌وام له‌دوو ساڵی رابردوودا وتومانه‌ یه‌كێتی خه‌بات ده‌كات بۆئه‌وه‌ی هاوسه‌نگی بگێڕینه‌وه‌. ئه‌مه‌شمان له‌به‌لاغی كۆتایی كۆبوونه‌وه‌ی ئه‌نجومه‌نی سه‌ركردایه‌تی‌و له‌مه‌كته‌بی سیاسی وتومانه‌‌و له‌دیداره‌كانیشدا وتومانه‌. به‌پارتیمان وتووه‌‌و ئه‌وانیش وتویانه‌ راسته‌‌و لیژنه‌ داده‌نێین‌و تائێستاش كه‌ من قسه‌ده‌كه‌م، هاوسه‌نگی له‌یه‌ك وه‌زاره‌تدا نییه‌، له‌یه‌ك وه‌زاره‌تدا نه‌ هاوسه‌نگی یه‌كێتی‌و پارتی هه‌یه‌، نه‌ پارتی‌و لایه‌نه‌كانی تریش هه‌یه‌. با لیژنه‌یه‌كی نێوده‌وڵه‌تی بێت حه‌كه‌م بێت‌و هه‌ڵسه‌نگاندن بۆ ئه‌م حكومه‌ته‌ بكات، بزانێ هاوسه‌نگی له‌م وه‌زاره‌تانه‌دا هه‌یه‌؟
 
*خۆ به‌زۆر حكومه‌تتان پێ ته‌شكیل نه‌كراوه‌، پارتی دیموكراتی كوردستان هاتووه‌ له‌گه‌ڵتان دانیشتووه‌و خۆتان رازیبوون به‌و به‌شانه‌ی پێتاندراوه‌، ئه‌م قسه‌یه‌ بۆ هه‌موو لایه‌نه‌كان راسته‌؟
 
-یه‌كه‌م یه‌كێتیی‌، حكومه‌ته‌كه‌ به‌هی خۆمان ده‌زانین‌و دامه‌زرێنه‌ری ئه‌م حكومه‌ته‌ین. له‌به‌ر هیچ كێشه‌یه‌ك ده‌ستبه‌رداری نابین‌و هیچ لایه‌كیش ناتوانێت له‌سیسته‌می فیدراڵ، له‌تێزی فیدراڵ، له‌دامه‌زراندنی فیدراڵ، له‌پێشنیازی‌ دروستكردنی‌ وه‌زاره‌ته‌كان‌و له‌فڕێدانی مه‌جلیسی ته‌شریعی‌و مه‌جلیسی ته‌نفیزی، له‌م ستراتیژه‌ تازه‌یه‌ی كه‌ له‌دوای‌ فیدراڵ هاتۆته‌ پێشه‌وه‌، هیچ لایه‌نێك ناتوانێت نكوڵی‌ له‌و راستییه‌ بكات كه‌ یه‌كێتی دامه‌زرێنه‌ره‌، به‌شدار نین. شانازی دامه‌زراندن‌و راگه‌یاندنی‌ فیدراڵ‌و گۆڕینی ته‌واوی چه‌مكه‌كانی ئۆتۆنۆمی هی یه‌كێتییه‌.  له‌به‌رئه‌وه‌ یه‌كێتیی‌ به‌شدارنییه‌، راسته‌ ئارام ده‌گرین، به‌ڵێ یه‌كێتی ته‌حه‌مول ده‌كات. یه‌كێتیی‌ حزبێكی وه‌ها نییه‌ كه‌ ئه‌ندام په‌رله‌مانه‌كانمان به‌(70) ده‌نگ‌و (1000) ده‌نگ له‌و كۆمیته‌و له‌و سوپا بۆ كۆبكه‌ینه‌وه‌‌و ده‌نگی‌ بۆ بهێنین. ئێمه‌ یه‌كێتیین، ئه‌مه‌ یه‌كێتییه‌. به‌رگه‌ی‌ یه‌كێتی به‌هه‌ستێكی لێپرسراوانه‌ی‌ مێژوویی‌ ته‌ماشا بكرێت باشه‌. 
 
*له‌وتاره‌كانتدا به‌دیاریكراوی ئه‌و بابه‌ته‌ی كه‌ باس له‌ڕێكه‌وتنی نێوان مام جه‌لال‌و مه‌سعود بارزانی له‌ساڵی (2002)دا له‌شوێنێكدا، به‌جۆرێك له‌جۆره‌كان داوای ده‌ستپێشخه‌ری له‌مه‌سعود بارزانی ده‌كه‌یت. ئه‌م ده‌ستپێشخه‌ریه‌ چییه‌؟ واتا پێتوایه‌ بارزانی ده‌توانێت چی بكات؟ چونكه‌ بارزانی بۆخۆی له‌گه‌ڵ حزبه‌ بچووكه‌كان وتبووی ئه‌وه‌ی (19) ئاب روویدا  ئه‌وه‌ كوده‌تا بوو! ئه‌گینا ئه‌و خۆی به‌نیازبووه‌ كه‌ ده‌ستبه‌رداری ئه‌م پۆسته‌ ببێت! تۆ خۆت ئاگاداری شتێكی له‌و جۆره‌ بویت؟
 
-ئه‌و قسانه‌ی كه‌ كردم له‌سه‌ر پڕۆژه‌كه‌، له‌سه‌ر سیاسه‌تی یه‌كێتی، له‌سه‌ر هاوسه‌نگی، له‌سه‌ر هه‌یبه‌تی‌ یه‌كێتیی‌‌و ره‌چه‌شكاندنه‌كانی یه‌كێتی. له‌سه‌ر ئه‌وه‌ی یه‌كێتیی‌ له‌سه‌ر پرنسیپی‌ ده‌ستوورو پڕۆژه‌كان تۆزقاڵێك سازش ناكه‌ین، به‌ڵام ئه‌مه‌ رێم لێناگرێت، بڵێم: وه‌كو یه‌كێتی له‌و (17) لایه‌نه‌ كه‌ به‌شداربوون، باوه‌ڕناكه‌م له‌یه‌كێتی‌ باشتر ئه‌همیه‌تی كه‌سایه‌تی كاك مه‌سعود تێبگه‌ن. له‌ئه‌زموونه‌كانی‌ یه‌كێتی له‌ساڵی (2002)ه‌وه‌ تائێستا‌و له‌به‌ره‌ی كوردستانیشه‌وه‌ بیهێنه‌ره‌وه‌، باش باش له‌وه‌ تێده‌گه‌ین، جه‌نابی مام جه‌لال، كه‌ ئه‌ندازیاری ئه‌و په‌یوه‌ندییه‌یه‌ له‌نێوان یه‌كێتی‌‌و پارتی، پارتیش تێده‌گات له‌یه‌كێتی‌ كه‌: یه‌كێتی‌ ئه‌گه‌ر به‌ته‌واوه‌تی‌ له‌پارتی بترازێین، چ مه‌ترسییه‌ك له‌سه‌ر ئه‌م ئه‌زموونه‌ په‌یدا ده‌بێت! ئێمه‌ش تێده‌گه‌ین كه‌ ئه‌گه‌ر پارتی‌ به‌ته‌واوه‌تی بترازێ چ مه‌ترسییه‌ك له‌سه‌ر ئه‌م ئه‌زموونه‌ په‌یدا ده‌بێت. له‌به‌رئه‌وه‌ نه‌ جه‌نابی كاك مه‌سعود، نه‌پارتی باوه‌ڕ ناكه‌م ئه‌و كۆبوونه‌وه‌یه‌ی‌ له‌گه‌ڵ لایه‌نه‌كانی‌ تر كه‌ كردویانه‌ په‌یوه‌ندیی به‌وه‌وه‌ هه‌بێت وای پیشانبده‌ن كه‌ له‌یه‌كێتی‌ باشتر هه‌یه‌، كه‌ له‌ئه‌همیه‌تی ئه‌و په‌یوه‌ندییه‌ تێده‌گات. یه‌كێتی‌ خوێنی‌ داوه‌و ئه‌زموونی‌ له‌و په‌یوه‌ندییه‌ وه‌رگرتووه‌. لای‌ تر هه‌یه‌ له‌دوای‌ راپه‌ڕین دروستبووه‌و لای‌ تریش هه‌یه‌ هه‌مووی‌ سێ ساڵه‌ دروستبووه‌و ئێستا ئه‌ندام په‌رله‌مانه‌. ئه‌مه‌ چی‌ تێده‌گات، چۆن به‌قه‌ده‌ر یه‌كێتی ده‌توانێ له‌م هاوكێشه‌یه‌ تێبگات.
 
*ئه‌م قسه‌یه‌ی‌ تۆ كه‌م بینیی‌ ئه‌و وزه‌ نوێیه‌ نییه‌ كه‌ ده‌یه‌وێ بێته‌ ناو دنیای‌ سیاسه‌ته‌وه‌؟
 
-نه‌خێر.. ئێستا بچمه‌ ده‌ره‌وه‌و یه‌كێكی‌ تر بێته‌ پێشه‌وه‌و ببێ به‌ئه‌ندام په‌رله‌مان، رێزی‌ ده‌گرم. به‌ڵام باسی‌ رووداوه‌كانی‌ مێژوو، باسی‌ ئه‌همییه‌تی‌ په‌یوه‌ندیی‌ یه‌كێتی‌و پارتی‌ ده‌كه‌م. ئه‌م ئه‌زموونه‌ له‌سه‌ر كۆڵه‌گه‌ی‌ یه‌كێتی‌‌و پارتی‌ بنیاتنراوه‌و راگیراوه‌. كۆڵه‌گه‌ی‌ جه‌ماوه‌ر شتێكه‌‌و حوكمڕانی‌ شتێكی‌ تره‌. سه‌نگه‌ره‌كان‌و شه‌هیده‌كانیش شتێكی‌ ترن. ژماره‌ی‌ فه‌رمانده‌كانمان، ژماره‌ی‌ شه‌هیده‌ فه‌رمانده‌كانمان، ژماره‌ی‌ پێشمه‌رگه‌كانمان‌و هه‌ڵمه‌تی‌ قاره‌مانانه‌ی‌ فه‌رمانده‌و پێشمه‌رگه‌كانمان له‌شه‌ڕگه‌كاندا، ئه‌مانه‌ چ په‌یوه‌ندییه‌كی‌ به‌وه‌وه‌ هه‌یه‌، كه‌ حزبێك  كه‌مه‌، یان حزبێك زۆره‌. ئه‌مه‌ په‌یوه‌ندیی‌ به‌پرۆسه‌یه‌كی‌ دورودرێژی‌ مێژووییه‌وه‌ هه‌یه‌. ته‌نانه‌ت ئه‌و حزبانه‌ش شانازیی‌ به‌و قوربانیانه‌وه‌ ده‌كه‌ن، كه‌ یه‌كێتی‌و پارتی‌ ده‌یبه‌خشین. بۆیه‌ ده‌مه‌وێ روونیبكه‌مه‌وه‌، كه‌ گرنگیی‌ په‌یوه‌ندیی یه‌كێتی‌‌و پارتی‌، په‌یوه‌ندیی‌ به‌وه‌وه‌ نییه‌ كه‌ حه‌ڤده‌ حزب یان چوارده‌، حه‌وت یان پێنج حزب كۆده‌بێته‌وه‌. ئه‌مه‌ بونیادنراوی‌ مێژوییه‌، به‌هه‌موو كێشه‌و خوێنه‌كه‌شییه‌وه‌. ئێمه‌ وامانلێهاتووه‌ كه‌ ئه‌م ئه‌زموونه‌، له‌سه‌ر هه‌ردوو كۆڵه‌گه‌كه‌مان بونیادنراوه‌.
 
*له‌به‌رئه‌وه‌ی‌ كاتم كه‌م ماوه‌، ده‌مه‌وێ بیقۆزمه‌وه‌ بۆ ئه‌و بابه‌تانه‌ی‌ تر كه‌ ده‌مه‌وێ باسیان بكه‌ین. ته‌نزنووسێك ده‌نووسێت: له‌پاڵ ئه‌وه‌ی‌ كۆبوونه‌وه‌ی‌ پێنج قۆڵی‌ ده‌كرێت، كۆبوونه‌وه‌ی‌ چوار قۆڵی‌ ده‌كرێت، یان ئه‌و ده‌ڵێت كۆبوونه‌وه‌ی‌ چوار زائید یه‌ك‌و سێ زائید یه‌ك ئه‌نجامده‌درێت، كۆبوونه‌وه‌ی‌ یه‌ك ته‌قسیم سێش هه‌یه‌، كه‌ مه‌به‌ستی‌ یه‌كێتییه‌ كه‌ به‌سه‌ر سێ باڵدا دابه‌شبووه‌و رای‌ جیاوازیان هه‌یه‌. ده‌مه‌وێت لێره‌وه‌ بچمه‌ ناو ئه‌وه‌ی‌ كه‌ كێشه‌ ناوخۆییه‌كانی‌ یه‌كێتیی‌ نیشتمانیی‌ كوردستان، له‌سه‌ر ئه‌م بابه‌ته‌ چۆنه‌؟ هه‌موو ئه‌وانه‌ رای‌ جیاوازه‌، یان باڵه‌كانی‌ ناو یه‌كێتیی‌ هاوڕان له‌پرسی‌ سه‌رۆكایه‌تی‌ هه‌رێمدا؟
 
-دوا كۆبوونه‌وه‌ی‌ ئه‌نجومه‌نی‌ سه‌ركردایه‌تی‌ یه‌كێتی‌ غائیبی‌ تێدانه‌بوو. راگه‌یه‌ندراوی‌ سه‌ركردایه‌تیمان بڵاوكردۆته‌وه‌، خاڵ به‌خاڵ، كه‌ پێنج خاڵه‌، هه‌موویمان بڵاوكردۆته‌وه‌. یه‌كێتیی‌ ئێستا ئه‌و بڕیارانه‌ جێبه‌جێ ده‌كه‌ین. 
 
*به‌ڵام ده‌وترێت، به‌تایبه‌ت مه‌لا به‌ختیار، رای‌ جیایه‌ له‌گه‌ڵ هه‌ندێك له‌باڵه‌كان! بۆیه‌ ناشتوانێ له‌م بابه‌ته‌دا له‌سه‌ر هیچ كام له‌و باڵانه‌ خۆی‌ حساب بكات، یان نزیك له‌و باڵانه‌ ده‌ربكه‌وێ؟ به‌نموونه‌ی‌ ئه‌وه‌ی‌ ده‌وترێ پێشتر له‌زۆر بابه‌تدا، كاك به‌ختیار، به‌جۆرێك له‌جۆره‌كان حه‌ماسی‌ قسه‌ی‌ كردووه‌‌و ده‌سته‌واژه‌كانی‌ قبوڵمان نییه‌و قبوڵی‌ ناكه‌ین، به‌ڵام ئێستا زۆر نه‌رمتر‌و ئارامتر قسه‌ ده‌كات؟
 
-جارێكیان له‌جه‌نابی‌ مام جه‌لالم پرسی‌، وتم: مام جه‌لال ئه‌وه‌ته‌ی‌ بویت به‌سه‌رۆك كۆمار، زۆر ئارام‌و نه‌رمیت! به‌ڵام جاران له‌شاخ ئاوا نه‌بویت؟ وتی‌: مه‌لا به‌ختیار، لێپرسراوێتییه‌كه‌یه‌. لێپرسراوێتی‌ سه‌رۆك كۆمار به‌هه‌موو ئه‌و كێشانه‌وه‌ ناتوانم وه‌كو سكرتێری‌ یه‌كێتی بم، یان وه‌كو فه‌رمانده‌ی‌ هێزی‌ پێشمه‌رگه‌ی‌ كوردستان بم. وتیشی‌: خۆت ده‌زانێت له‌فه‌رمانده‌ی‌ هێزی‌ پێشمه‌رگه‌و له‌سكرتێری‌ یه‌كێتی، له‌كۆمه‌ڵێ مه‌سه‌له‌دا قاتع بووم، به‌هاوڕێیه‌تی‌ ئێوه‌ سه‌ركه‌وتنمان به‌ده‌ستهێناوه‌. به‌ڵام ئێستا سه‌رۆك كۆمارم. هه‌موو چاوی‌ له‌وه‌یه‌ له‌كۆشكی‌ سه‌لامدا چۆن بڕیار ده‌ده‌م. منیش ئێستا لێپرسراوی‌ ده‌سته‌ی‌ كارگێڕی‌ مه‌كته‌بی‌ سیاسی‌ یه‌كێتیی نیشتمانیی‌ كوردستانم. بێگومان به‌شانازیی‌ ده‌زانم، په‌یوه‌ندییه‌كی‌ ئیجابیم له‌گه‌ڵ ئیجابیاتی‌ هه‌موو هه‌ڤاڵانی‌ مه‌كته‌بی‌ سیاسی‌‌و سه‌ركردایه‌تیدا هه‌بێ. له‌به‌رئه‌وه‌ دوای‌ سلبیاتی‌ كه‌سیش ناكه‌وم. به‌یه‌ك ماوه‌ش به‌رامبه‌ر به‌هه‌موو هه‌ڤاڵه‌كانم راوه‌ستاوم‌و خۆم به‌به‌شێك له‌چاره‌سه‌ر ده‌زانم. بۆ یه‌كێتیی‌ ناو یه‌كێتی زۆر نه‌رم ده‌بم. به‌ڵام بۆ به‌رگریی‌ له‌یه‌كێتی هه‌ر مه‌لا به‌ختیاره‌كه‌ی‌ جارانم.
 
*تاكتیكێكی‌ سیاسییه‌ ئه‌وه‌ی‌ كه‌ به‌یه‌ك ماوه‌ به‌رامبه‌ر هه‌موو هه‌ڤاڵه‌كان ده‌وه‌ستیت؟
 
-ئه‌زموونێكی‌ سیاسییه‌ بۆ یه‌كێتیی‌ ناو یه‌كێتی. له‌وتاره‌كه‌مدا كه‌ دیاره‌ خوێندوته‌وه‌، ده‌ڵێم: له‌دوای‌ (45) ساڵ خه‌بات ئه‌گه‌ر نه‌توانم ئه‌م ئه‌زموونه‌ی‌ هه‌مه‌ بۆ په‌رله‌مان، بۆ حكومه‌ت، بۆ یه‌كێتی، بۆ سازان به‌كاری‌ بهێنم، ئه‌ی‌ بۆ كه‌ی‌ هه‌ڵیده‌گرم. تا ماڵ وه‌ستابێ، بۆ مزگه‌وت حه‌رامه‌! ئه‌مه‌ش قسه‌ی‌ ئیسلامییه‌كانه‌‌و ئیدیۆمێكی‌ كوردیشه‌. هه‌موو ئه‌وانه‌شی‌ باوه‌ڕدارن به‌ئیسلام، پێیانوایه‌ تا ماڵی‌ خۆت وه‌ستابێ بۆ مزگه‌وت به‌هه‌موو پیرۆزییه‌كانه‌وه‌ حه‌رامه‌. بۆیه‌ تا یه‌كێتی وه‌ستابێ، بێگومان هه‌موو ئه‌وانی‌ تر مزگه‌وتن.  یه‌كێتی ماڵی‌ منه‌، یه‌كێتی بیلبیلله‌ی‌ چاوی‌ منه‌. 
 
*به‌ڵام هه‌میشه‌ واده‌ركه‌وتووه‌، خۆشت وانیشانداوه‌ كه‌ تۆ له‌خه‌ت‌و باڵی‌ جه‌لال تاڵه‌بانی‌، سكرتێری‌ یه‌كێتیی‌ نیشتمانیی‌ كوردستانیت. به‌ڵام ئه‌مه‌ زۆرجار وا ده‌رناكه‌وێت، به‌تایبه‌تی‌ كه‌ له‌م دواییانه‌دا، نزیك له‌و خه‌ته‌ی‌ كه‌ دكتۆر به‌رهه‌م وه‌ك جێگری‌ دووه‌می‌ سكرتێری‌ گشتی‌ یه‌كێتی، رابه‌رایه‌تی‌ ده‌كات، یان هه‌ر ده‌سته‌واژه‌یه‌كی‌ تری‌ بۆ به‌كاربهێنین، نزیك له‌و یا له‌بۆچوونه‌كانی‌ ده‌ركه‌وتیت!
 
-مام جه‌لال خه‌تی‌ نه‌بوو. خۆی‌ ده‌ڵێت هه‌مووتان به‌خوشك‌و برای‌ خۆم ده‌زانم، له‌هه‌مووتان نزیكم. له‌راستیدا مام جه‌لال خه‌تی‌ نه‌بوو. كاكه‌ ئه‌مه‌ ته‌فسیرات‌و وه‌لائات‌و پاساو هێنانه‌وه‌یه‌. به‌ڵام ئێستاش بچۆ مام جه‌لال دوو وشه‌ بڵێت، ده‌ڵێت «یه‌كێتیی ناو یه‌كێتی». ده‌شڵێت سه‌روه‌ریمان، مانه‌وه‌مان، گه‌شه‌كردنمان، به‌نده‌ به‌یه‌كێتیی‌ نیشتمانیی‌ كوردستانه‌وه‌». شانازیش به‌وه‌ ده‌كه‌م كه‌ ئه‌گه‌ر بتوانم، پێشمه‌رگه‌یه‌كی‌ باشی‌ رێبازی‌ مام جه‌لال بم‌و به‌رده‌وام بم بۆئه‌وه‌ی‌ ئه‌و په‌یامه‌ ستراتیجییه‌ی‌ كه‌ هه‌موو كه‌سێك له‌مام جه‌لال به‌باشی‌ تێنه‌گه‌یشتووه‌ تائێستا، كه‌ هه‌موو كه‌سێك مام جه‌لال ناناسێ وه‌ك مام جه‌لال. خه‌وی‌ مام جه‌لال ناخوێنێته‌وه‌، وه‌ك مام جه‌لال. ره‌نگه‌ هه‌ندێك بڕیارو خوێندنه‌وه‌ی‌ مام جه‌لال هه‌یه‌، 10ساڵی‌ تریش نه‌توانین شیی بكه‌ینه‌وه‌ بۆ خه‌ڵك، كه‌ ئه‌وه‌نده‌ خه‌وی‌ جوانی‌ هه‌بوو له‌مێژوودا. ئه‌وه‌نده‌ لێكدانه‌وه‌و پێشبینی‌ جوانی‌ هه‌بووه‌. بۆیه‌ شانازی‌ به‌وه‌وه‌ ده‌كه‌م كه‌ پێشمه‌رگه‌ بووم له‌گه‌ڵ مام جه‌لال‌و لێشم رازیبووه‌ له‌ژیانی‌ پێشمه‌رگایه‌تیمدا. ئێستاش ئه‌گه‌ر به‌رگریی‌ له‌یه‌كێتیی‌ ناو یه‌كێتی بكه‌م، ئه‌وه‌ قه‌ناعه‌تی‌ پیرۆزی‌ مام جه‌لال بووه‌. ئه‌مه‌ یه‌ك. 
 
دووه‌م، سه‌باره‌ت به‌ برای‌ خۆشه‌ویستم كاكه‌ به‌رهه‌م، ئێستاش ده‌یڵێم‌و حه‌زیش ده‌كه‌م ئه‌وه‌تان بۆ مێژوو پێبڵێم، كاتێك هاته‌ سه‌ر مه‌سه‌له‌ی‌ سه‌رۆكایه‌تی‌ كۆمارو كاندید بۆ سه‌رۆكایه‌تی‌ كۆمار، پێش ئه‌وه‌ی‌ جه‌نابی‌ سه‌رۆك كۆمار، جه‌نابی‌ دكتۆر فوئاد مه‌عسوم خۆی‌ هه‌ڵبژێرێت، من به‌هه‌موو قه‌ناعه‌تی‌ خۆم حه‌زم ده‌كرد دكتۆر به‌رهه‌م بێت. ته‌ڕه‌دودم له‌مه‌ نه‌بوو.
 
*بۆ؟
-له‌به‌ر ئه‌وه‌ كاك به‌رهه‌م توانای‌ ئه‌وه‌ی‌ هه‌بوو، ئه‌زموونی‌ ئه‌وه‌ی‌ هه‌بوو.
 
*كاك فوئاد نه‌یبوو؟
-ده‌ڵێم پێش ئه‌وه‌ی‌ كاك فوئاد خۆی‌ كاندبد بكات. دیقه‌ت له‌قسه‌كه‌م بده‌. به‌هه‌موو بڕوای‌ خۆمه‌وه‌ پشتیوانیی‌ كاك به‌رهه‌مم كردووه‌. ئێستاش باوه‌ڕم وایه‌ قه‌ناعه‌ته‌كه‌م هه‌ڵه‌ نه‌بووه‌. كێش به‌هه‌ڵه‌ی‌ ده‌زانێت‌و ره‌خنه‌ی‌ لێده‌گرێت، ئازاده‌. به‌ڵام ئه‌وه‌ی‌ ره‌خنه‌ له‌و هه‌ڵوێسته‌ی‌ من ده‌گرێ. پێموایه‌ به‌هێنده‌ی‌ من ئه‌زموونی‌ نییه‌ له‌ناو سه‌ركردایه‌تی‌ یه‌كێتی‌و له‌چۆنێتی‌ مامه‌ڵه‌كردن له‌ناو كێشمه‌كێشه‌كانی‌ ناو یه‌كێتی‌. چونكه‌ كۆنترین ئه‌ندامی‌ سه‌ركردایه‌تی‌‌و مه‌كته‌بی‌ سیاسیم‌و ئه‌و هه‌ڤاڵانه‌ی‌ ئێستا هه‌ن، به‌جه‌نابی‌ كاك كۆسره‌ت، جه‌نابی‌ كاك به‌رهه‌م‌و جه‌نابی‌ هێرۆخانیشه‌وه‌، هیچ كه‌سێك له‌م هه‌ڤاڵانه‌ پێش من، ئه‌ندامی‌ سه‌ركردایه‌تی‌‌و مه‌كته‌بی‌ سیاسی‌ نه‌بووه‌و ئه‌و وێستگه‌ چاره‌نوسسازانه‌ی‌ له‌شه‌ڕ، له‌دانوستاندن، له‌گه‌ڵ عیراق، له‌گه‌ڵ لایه‌نه‌كان، له‌هه‌موویاندا منی‌ تێدابووم‌و ده‌زانم كه‌ قوتابخانه‌كه‌ی‌ مام جه‌لال، چۆن قوتابخانه‌یه‌كی‌ هاوسه‌نگییه‌، چۆن قوتابخانه‌یه‌كی‌ چاره‌سه‌ری‌ كێشه‌كانه‌. كاتی‌ خۆی‌ كه‌ پاڵپشتی‌ كاك به‌رهه‌مم كردووه‌، وه‌ك كاك به‌رهه‌م بووه‌ نه‌ك وه‌كو ته‌كه‌تول. به‌ڵكو به‌شێك له‌قه‌ناعه‌ته‌كه‌م بۆ ئه‌وه‌بوو كه‌ ورده‌ ورده‌ به‌ڵكو ئیتر رۆحیه‌تی‌ ته‌كه‌تول له‌ناو یه‌كێتی‌ كه‌م بكه‌ینه‌وه‌.
 
*ئه‌وه‌ی‌ له‌باكور رووده‌دات سه‌باره‌ت به‌بارودۆخی‌ كوردی‌ ئه‌و ناوچه‌یه‌، به‌ڵام بۆچی‌ له‌بوونی‌ حاڵه‌تێكی‌ ئاوادا، یه‌كێتی‌ به‌شداریی ده‌كات له‌كۆنگره‌ی‌ ئاك پارتیدا (پارتی‌ دادو گه‌شپێدان)ی‌ توركیادا، له‌به‌رامبه‌ریشدا له‌باكوور هه‌ڵوێست نه‌بینرا؟
 
-كاتێك یه‌كێتیمان دامه‌زراند، ئه‌وه‌ به‌یاننامه‌ی‌ دامه‌زراندن به‌پێنج زمان هه‌ڵمانواسیووه‌، له‌م رێڕه‌وه‌دایه‌‌و بچن ته‌ماشای‌ بكه‌ن. دروشمی‌ رووخانی‌ سه‌داممان به‌رز كردبۆوه‌. (20/7/1977) كه‌ مام جه‌لال هاته‌وه‌، دوای‌ دوومانگ‌و نیو سه‌دام ناردی‌ بۆ مفاوه‌زات. سه‌دام نامه‌یه‌كی‌ به‌بێ ئیمزای‌ خۆی‌ نوسیبوو. داوای‌ ئه‌وه‌ ده‌كات بچینه‌ به‌غدا بۆ ئه‌وه‌ی‌ بزانین ئه‌م كێشه‌یه‌ چۆن چاره‌سه‌ر ده‌بێ. له‌نامه‌كه‌شدا ده‌نووسێ (یاسنا من المفاوچات)، به‌ڵام ده‌رگای‌ شۆڕش‌و ده‌وڵه‌ت كراوه‌ته‌وه‌ بۆ ئه‌وه‌ی‌ ئه‌و كێشانه‌ له‌گه‌ڵ ئێوه‌ چاره‌سه‌ر بكه‌ین. یه‌كێتیش دروشمی‌ رووخانی‌ به‌رزكردۆته‌وه‌. به‌ڵام مام جه‌لال یه‌كسه‌ر رازی‌ بوو بڕوات. ئه‌مه‌ له‌كاتێكدا له‌سوریاو دیمه‌شق، لێدوانه‌كانی‌، قسه‌كانی‌، گفتوگۆكانی‌ له‌گه‌ڵ ئه‌وكاته‌ی‌ هه‌موو حزبه‌كان‌و ته‌جه‌موعی‌ وه‌ته‌نی‌ عیراقی‌‌و راگه‌یاندن‌و فه‌له‌ستینییه‌كان، كه‌ بۆ روخاندنی‌ سه‌دام خه‌بات ده‌كه‌ین. به‌ڵام راسته‌وخۆ شه‌هید (عه‌لی‌ عه‌سكه‌ری‌) نارد بۆ به‌غداد. (شێخ محه‌مه‌دی‌ لۆلان) كۆپته‌ری هێنا بۆ دۆڵی‌ گۆستێ. كه‌ ئه‌وكاته‌  له‌دۆڵی‌ گۆستێ بووین. كاك عه‌لی‌ سوار بوو چوو بۆ كه‌ركوك. له‌كه‌ركوكیشه‌وه‌ چوو بۆ به‌غدادو له‌وێ گفتوگۆ كرا‌و به‌(خوفه‌ی‌ حنین) هاتیشه‌وه‌. ئه‌وه‌ عه‌ره‌ب قسه‌یه‌كی‌ هه‌یه‌ ده‌ڵێت (خفه‌ی‌ حنین) واتا: هیچ به‌ده‌ستی‌ به‌تاڵ هاته‌وه‌. دوایی‌ له‌مام جه‌لالمان پرسی‌، ئاخر مام جه‌لال ده‌تزانی‌ سه‌دام هیچ نادات، ئه‌مه‌ت بۆ كرد؟ بۆ كاك عه‌لی‌ عه‌سكه‌ریت نارد؟، وتی‌: «بۆئه‌وه‌ی‌ رۆژێك له‌ڕۆژان، گۆڕانكاری‌‌و ده‌وڵه‌تان دێنه‌ پێشه‌وه‌، بۆئه‌وه‌ی‌ بیسه‌لمێنین سه‌دام له‌هیچ حاڵه‌تێكدا هیچ به‌كورد نادات». وتیشی‌: باش باش دڵنیام سه‌دام هیچ به‌كورد نادات. هه‌ر ئه‌وكاته‌ وتی‌: له‌ساڵی‌ (1963)وه‌ سه‌دام ده‌ناسم. ئێستا ئه‌مه‌ بۆ ئه‌وه‌یه‌ یه‌كێتی حزبێكی‌ حوكمڕانین له‌كوردستاندا، له‌ناو هاوكێشه‌كانی‌ ناوچه‌كه‌دا خه‌بات ده‌كه‌ین، په‌یوه‌ندیمان به‌ئاك پارتییه‌وه‌ هه‌یه‌. جه‌نابی‌ مام جه‌لال یه‌كه‌مین كه‌سیش بووه‌ پردی‌ په‌یوه‌ندیی‌ نێوان باكوورو توركیای‌ دروستكردووه‌ له‌سه‌رده‌می تورگۆت ئۆزاله‌وه‌، شه‌ڕ بووه‌و نه‌بووه‌، ئه‌م په‌یوه‌ندییه‌مان نه‌پچڕاندووه‌. به‌ڵكو ئیستیسماریشمان كردووه‌ بۆ ئه‌وه‌ی‌ مافی‌ كورد دابین بكرێت. مانگێكی‌ تر كێ ده‌ڵێ شه‌ڕ ناوه‌ستێت‌و یه‌كێتیی‌ نابێته‌وه‌ به‌ناوبژیكار؟
 
*له‌نووسینه‌وه‌ی‌ بیره‌وه‌رییه‌كانتدا، له‌شوێنێكدا ده‌ڵێت: «هه‌ندێك حه‌قیقه‌ت هه‌ن، هه‌ڵمگرتوون بۆ ده‌رفه‌تی‌ ره‌خساو! ئه‌و حه‌قیه‌تانه‌ چین؟ ئه‌و ده‌رفه‌ته‌ ره‌خساوه‌ كه‌یه‌؟
 
-باوه‌ڕبكه‌، ناتوانم پێشبینی‌ بكه‌م كه‌یه‌. به‌ڵام حه‌قیقه‌تم زۆر لایه‌ كه‌ هه‌ڵمگرتووه‌ بۆ كاتێك ئایا ده‌توانم هه‌مووی‌ بڵێم یان ناتوانم هه‌مووی‌ بڵێم. به‌ڵام میلله‌ته‌كه‌م دڵنیا ده‌كه‌مه‌وه‌، هه‌ر هه‌لێك بێته‌ پێشه‌وه‌، كۆمه‌ڵێك حه‌قیقه‌تی‌ مێژوویی‌‌و ئێستاش هه‌یه‌، بێگومان له‌گه‌ڵ میلله‌ته‌كه‌مدا راستگۆ ده‌بم.
 
*ئه‌ی‌ بۆچی‌ ئێستا به‌میلله‌ته‌كه‌تی‌ ناڵێیت؟
-ناتوانم.. من كه‌سێكی‌ حزبیم. لێپرسراوێتیم هه‌یه‌ له‌م حزبه‌دا. حزبه‌كه‌م له‌ململانێدایه‌، حزبه‌كه‌م له‌ناوچه‌یه‌كی‌ هه‌رێمایه‌تی‌ ئاڵۆزدا سیاسه‌ت ده‌كات. بۆیه‌ سه‌ركه‌وتنی‌ حزبه‌كه‌م زۆر زۆر گرنگتره‌ له‌وه‌ی‌ من حه‌قیقه‌ت ده‌ڵێم یان نایڵێم.
 
*له‌تۆڕی‌ كۆمه‌ڵایه‌تی‌ فه‌یسبوك، كۆمێنتێكی‌ زۆرم بۆ هاتووه‌ له‌سه‌ر لێدوانێكی‌ تۆ له‌سه‌ر كاره‌با، كه‌ كاتی‌ خۆی‌ ده‌ڵێیت: ئه‌گه‌ر ساڵی‌ داهاتوو كاره‌با چاك نه‌بوو، ده‌ست له‌كارده‌كێشمه‌وه‌؟
 
-نا.. نه‌خێر. ده‌ڵێم ئه‌گه‌ر كاره‌با ساڵێكی‌ تر چاك نه‌بوو، ئه‌وا پێویسته‌ حكومه‌ت ئیستقاله‌ بكات. وام وتووه‌. به‌ڕاستی‌ ئه‌و حكومه‌ته‌ش هه‌وڵێكی‌ باشیدا‌و به‌شێكی‌ زۆری‌ كێشه‌كه‌ی‌ چاره‌سه‌ركرد. به‌ڵام نه‌یتوانی‌ هه‌موو كێشه‌كه‌ چاره‌سه‌ر بكات. ئه‌وه‌نه‌بێ، بڵێین حكومه‌ته‌كه‌ ده‌سته‌وئه‌ژنۆ دانیشتبێ. منیش هیچ كاتێك له‌حكومه‌ت نه‌بووم.
 
*هه‌ر سه‌رنجێكت هه‌بێ، ده‌توانن لێره‌وه‌ رایبگه‌یه‌نن.
-ته‌نها ئه‌وه‌نده‌ ده‌ڵێم: ئومێده‌وارم بسازێین. كه‌ ئه‌م میلله‌ته‌ به‌م برسێتی‌‌و نه‌هامه‌تییه‌، چاوی ئومێدی‌ بڕیوه‌ته‌ ئێمه‌ بۆ سازان. ئومێده‌وارم، جه‌نابی‌ كاك مه‌سعود، پارتی‌، هه‌موو ئه‌م حزبانه‌، بتوانین بسازێین‌و میلله‌ته‌كه‌مان بۆ قۆناغێكی‌ باڵاتری‌ دیموكراسی‌ بگوازینه‌وه‌.
 
*مه‌لا به‌ختیار، لێپرسراوی‌ ده‌سته‌ی‌ كارگێڕی‌ مه‌كته‌بی‌ سیاسی‌ یه‌كێتیی‌ نیشتمانیی‌ كوردستان، سوپاس بۆ ئه‌م ده‌رفه‌ته‌، سوپاس بۆ ئه‌وه‌ی‌ كه‌ میوانی‌ تاوتوێ بوون.


9/30/2015 11:14:11 AM Read Count [2570] Big Font Small Font

بیروڕاکان


بیروڕای‌ خوت بنێره‌
ناو :  
ئیمه‌یڵ :    
کۆمێنت :  
   


  1   

له‌ په‌ڕه‌ی 1 له‌ 1 ( 15 چاوپێكه‌وتن )