هاونیاز سامی
هاشو هوشی دۆڕاوەكان
 محه‌مه‌د عه‌لی
ئه‌نجامه‌كانی هه‌ڵبژاردنی توركیا ده‌رفه‌تێكی تر بۆ په‌كه‌كه‌
 عومەر ئەحمەد مەرگەیی
پاش هەورە بروسکەی هەڵبژاردن…
 دەزگای هەڵبژاردن
یه‌كێتی بۆ هاوخه‌باتی ناوخۆیی‌و هاوخه‌باتی و ناوکۆیی
 عەتا كەریم
سانتلیگۆ شۆكێكی دیكەی قەوارەكان
 عه‌داله‌ت عه‌بدوللا‌
سیناریۆی پۆستەكان ..!
 نەریمان مەجید
بە شی بیستەم و كۆتایی
 نەریمان مەجید
ئەنجام دانی هەڵمەتەكە
 نەریمان مەجید
*دەنگ بدە..!
 نەریمان مەجید
پەرەپێدانی پلانەكە بۆ پەیوەندیكردن بە دەنگدەران
 نەریمان مەجید
قۆناغی چوارەم : پەیامی هەڵمەت
 نەریمان مەجید
بەشی پانزەیەم
 نەریمان مەجید
بەشی چواردەیەم
 نەریمان مەجید
بەشی سیانزەیەم
 نەریمان مەجید
قوناغی یەكەم : توێژینەوە
 نەریمان مەجید
دیاری كردنی كاتی بانگەشە
 نەریمان مەجید
هەڵمەتی هەڵبژاردن
 نەریمان مەجید
دەنگدانی ئەڵتەرناتیف
 نەریمان مەجید
دەنگدانی بلۆكی حیزبی
 نەریمان مەجید
دە نگدانی بلۆك
هاونیاز سامی

6/18/2013 12:37:08 PM

رۆژی 14/6/2013 بە بەشداری زیاتر لە (35) ملیۆن دەنگدەر پرۆسەی هەڵبژاردنی سەرۆكایەتی كۆماری ئیسلامی ئێران بەرێوەچوو. كە د. حەسەنی رۆحانی وەك یانزەیەمین سەرۆكی وڵات هەڵبژێردرا.
وتەكانی روحانی لەیەكەمین كۆنگرەی رۆژنامەوانیی دوای هەڵبژاردنی بەسەرۆك چەندین ئاماژەی ناوخۆیی و دەرەكی تێدابوو، كە بەپێی لێكدانەوەكان ئاماژەكانی روحانی رەنگدانەوەی نەخشەرێگای سیاسەتی داهاتووی كۆماری ئیسلامی ئێرانە. روحانی لەوتەكەیدا باسی لە هاتنی وەرزێكی نوێی لە ژیانی سیاسیی ئێرانییەكان كردو وتی: "سەردەمی خەم كۆتایی هاتووەو شتەكان رووەو نوێبوونەوە دەچن، براوەی ئەم هەڵبژاردنەش خەڵك بوون".
لەو ئاماژانەی روحانی كە رەنگدانەوەی سیاسەتی دەرەكی بوون بەوە دەستی پێكرد كە تەئكید لەمانەوەی بەشار ئەسەد دەكاتەوەو لەهەمانكاتیشدا تەئكیدی لەمیانڕەوی لەسیاسەت و شەفافیەت لەكێشەی ئەتۆمی ئێران كرد. هەروەها تەئكیدی لە هێڵی میانڕەوی ئێران دەكاتەوەو ئاماژەی بەهاوكاریكردنی كۆمەڵی نێودەوڵەتی كرد لە پرۆسەی بنیادنانی نێودەوڵەتیدا. روحانی تەئكیدیشیكردەوە كە ئێران هەمیشە دژ بە تیرۆریستان بووەو داواشی لە ئەمریكا كرد مافی گەلی ئێران بپارێزێت و رێز لە خواست و داواكارییەكانیان بگرێت، چونكە رێزلێنانی دوولایەنەو پاراستنی بەرژەوەندی لایەنەكان، بنەماو سەرەتای رێككەوتنە.
ئەم ئاماژانەی روحانی بەدیوێكدا بۆ ئەمریكا و رۆژئاوا دڵخۆشكەرن، لەوڕووەوە كە زمانی گفتوگۆو هەڵسوكەوتی میانڕەوانەی ئێرانی بەڕووی كۆمەڵی نێودەوڵەتی و رۆژئاوادا خستەڕوو، هەروەها هەنگاونان بەرەو باشكردنی پەیوەندییەكانی ئێران لەگەڵ وڵاتانی دراوسێ، بەتایبەت وڵاتانی كەنداو كە روحانی بە براو دۆستی نزیكی ئێران ناوی بردن.  لەهەمانكاتدا ئەو ئاماژەیەی بەئەمریكادا كە كۆماری ئیسلامی ئێران ئامادەی گفتوگۆ و لێكتێگەیشتنە لەگەڵ ئەمریكا و دەكرێ‌ هەردوولا پێكەوە هەنگاوبنێنن بۆ چارەسەركردنی كێشەكانیان، چونكە مەسەلەی شەفافیەت و روونكردنەوەی زیاتری كێشە ئەتۆمیەكانی ئیران و تەئكیدكردنەوە لەدژایەتی كردنی تێرۆر هەنگاوی نوێ و دڵخۆشكەری كۆماری ئیسلامی ئێرانن بۆ ئەمریكا. بەڵام بەدیوێكی تردا هەندێك لەپەیامەكانی روحانی دەبنە جێی نیگەرانی ئەمریكا و هاوپەیمانەكانی وەك پشتگیری لەمانەوەی ئەسەد و بەردەوامیی گەشەدان بە دۆسیە ئەتۆمیەكانی ئێران.
وتەكانی روحانی لەسەر ئاستی ناوخۆیی، تەئكید كردنەوە بوو لەسەر بەڵێنەكانی پێش هەڵبژاردن كەچارەسەركردنی كێشەی ئابووری وڵات و كەمكردنەوەی بێكاری و كرانەوەی زیاتر بوو بەڕووی كۆمەڵی نێودەوڵەتی و ئەنجامدانی ریفۆرمی ناوخۆیی وڵات.
ئەم ئاماژەو بەڵێنانەی روحانی دەكرێ‌ پەنجەرەیكبن بۆ قۆناغێكی نوێی سیاسەتی ریفۆرمخوازی ئێران لەناوخۆو دەرەوەدا كەدەبنە كۆڵەكەی سیاسەتی داهاتووی كۆماری ئیسلامی ئێران. بەڵام ئەوەشمان لەیادنەچێ‌ پێشتر ریفۆرمخوازەكانی ئێران لەم جۆرە ئاماژەو بەڵێنانەیاندابوو، بەڵام نەیانتوانی بوو جێبەجێیان بكەن، بۆیە دەبێ‌ روحانی ئەوە بزانێت قۆناغی جێبەجێكردنی ئاماژە سیاسییەكان و بەڵێنەكانی قورستردەبن لەم قۆناغە.
 
ژیاننامەی سەرۆكی نوێ‌ ئێران
حەسەن رۆحانی لە 12 ی تشرینی دووەمی ساڵی 1948لەدایكبووە و لەبنەڕەتدا خەڵكی شاری سەمنانە كە دەكەوێتە باكوری ووڵاتی ئێرانەوە. بنەماڵەكەی رۆحانی لەسەردەمی حوكمی پادشایی لەئێران، یەكێك بووە لەو بنەماڵانەی كە بەدژایەتیكردنی شای ئێران ناوبانگیان دەركردبوو
حەسەن رۆحانی لەژیانی سیاسیدا لەدوای هەڵگیرسانی شۆڕشی ئیسلامی لەئێران و دروستبوونی كۆماری ئیسلامی ئێران، وەك یەكێك لەگرنگترین كەسایەتییە سیاسیی و دیبلۆماسییەكانی ئەو وڵاتە دەركەوت و هاوكات بەیەكێك لەكەسایەتییە دەگمەنەكانی حوكمڕانی ئێران ئەژماردەكرێت كە تا ئێستا لەچەندین پۆستی سیاسیی و سەربازی باڵادا كاریكردووە. 
رۆحانی لەساڵی 1961 لەحەوزەی عیلمی لەشاری قوم و لەسەردەستی گەورە زانایانی شیعە دەست بەخوێندن دەكات. دواتر لەساڵی 1969 پەیوەندی بەزانكۆی تارانەوە دەكات و لە ساڵی 1972 بەكالۆریۆسی لەبواری یاسادا بەدەستهێناوە. بەمەبەستی بەردەوامیدان بەخوێندن روو لەوڵاتی بەریتانیا دەكات و پەیوەندی بەزانكۆی گلاسكۆوە دەكات و بڕوانامەی دكتۆرا بەدەستدەهێنێت. 
رۆحانی لەماوەی ژیانی سیاسیدا چەندین پلە و پۆستی باڵای سیاسی و سەربازی بەدەستهێناوە. بەر لەهەڵگیرشانی شۆڕشی ئیسلامی لەئێران، رۆحانی هەر زوو پەیوەندیی بەبازنەی ئیمام خومەینی دامەزرێنەری شۆڕشەوە دەكات. هەروەك یەكەم كەسیش بووە نازناوی ئیمامی لەئیمام خومەینی ناوە،ئەویش لەمیانی ووتارێكیدا لەكاتی ناشتنی تەرمی مستەفا خومەینی كوڕە گەورەكەی ئیمام خومەینیدا بووە. 
رۆحانی بەر لەهەڵگیرسانی شۆڕشی ئیسلامی لەلایەن پۆلیسی نهێنی كە بە ساواك ناسراوە، دەستگیركراوە و ئازار و ئەشكەنجە دراوە. دوای ئازاكردنیشی، روو لەوڵاتی فەڕەنسا دەكات و پەیوەندی بەئیمام خومەینیەوە دەكات. 
لەدوای هەڵگیرسانی شۆڕشی ئیسلامی لەئێران و دروستبوونی كۆماری ئیسلامی ئێران، حەسەن رۆحانی لەیەكەم هەڵبژاردنی پەرلەمانیدا لەساڵی 1980، وەك ئەندامی پەرلەمان هەڵدەبژێردرێت،لەو نێوەندەشدا رۆحانی بۆ ماوەی 20 ساڵ لەكاری پەرلەمانی بەردەوام دەبێت و لەهەریەك لەپۆستەكانی وەك جێگری سەرۆكی پەرلەمان و سەرۆكی لیژنەكانی بەرگری پەیوەندییەكانی دەرەوە كاریكردووە. 
رۆحانی لەپاڵ كاری پەرلەمانییدا، چەندین پۆستی باڵای سەربازی وەرگرتووە، كە لەنێویشیاندا ئەندامی ئەنجومەنی باڵای بەرگری بووە لەماوەی شەڕی هەشت ساڵەی عیراق- ئێراندا، لەنێوان ساڵانی 1983-1985 جێگری سەركردەی جەنگی بووە، لەنێوان ساڵانی 1986-1991دا، جێگری فەرماندەی بەرگری ئاسمانی بووە. لەساڵانی 1988 -1989دا جێگری فەرماندەی گشتی هێزە چەكدارەكان بووە. حەسەن رۆحانی یەكێكە لەو كەسایەتییە دەگمەنانەی لەماوەی دامەزراندنی كۆماری ئیسلامی ئێراندا، توانیویەتی ئەندامێتی ئەنجومەنە گرنگەكان بەدەست بهێنێت بۆ نمونە لەساڵی 1999 وە تاوەكو ئێستا ئەندامی ئەنجومەنی شارەزایانە. هەروەها لەساڵی 1991ەوە تائێستا، ئەندامی ئەنجومەنی دیاریكردنی بەرژەوەندییەكانی سیستمی دەسەڵاتە و تیایدا سەرۆكایەتی لیژنەی ئاسایشی نەتەوەیی بەڕێوەدەبات. لەساڵی 1989 وە تاوەكو ئێستا ئەندامی ئەنجومەنی ئاسایشی نەتەوەیی ئێرانە. لەسەرووی هەموو پۆستانەش كە رۆحانی هەیەتی، لەساڵی 1992 وە سەرۆكی سەنتەری لێكۆڵینەوەی ستراتیژییە لەتاران. رۆحانی بەوە ناسراوە كە پەیوەندییەكی پتەوی لەگەڵ هەریەك لەعەلی ئەكبەر هاشمی رەفسەنجانی و محەمەد خاتەمی سەرۆك كۆمارەكانی پێشووی ئێران هەیەو لەماوەی رابروودا وەك راوێژكاری ئاسایشی نەتەوەیی لەماوەی حوكمی هەردوو سەرۆكدا كاری لەگەڵ كردوون. 
رۆحانی لەپرسە دیبلۆماسییەكانیشدا رۆڵێكی گرنگ و بەرچاوی هەبووە، لەماوەی بەڕێوەچوونی دانوستانەكانی نێوان ئێران و هەریەك لەفەرەنسا و بەریتانیا و ئەڵمانیادا لەبارەی دۆسێی ئەتۆمی ئێران، لەساڵانی 2003 تا 2005 سەرۆكایەتی وەفدی دانوستانكاری ئێرانی كردووە.
 


6/18/2013 12:37:08 PM Read Count [2355] Big Font Small Font

بیروڕاکان


بیروڕای‌ خوت بنێره‌
ناو :  
ئیمه‌یڵ :    
کۆمێنت :