هاونیاز سامی
هاشو هوشی دۆڕاوەكان
 محه‌مه‌د عه‌لی
ئه‌نجامه‌كانی هه‌ڵبژاردنی توركیا ده‌رفه‌تێكی تر بۆ په‌كه‌كه‌
 عومەر ئەحمەد مەرگەیی
پاش هەورە بروسکەی هەڵبژاردن…
 دەزگای هەڵبژاردن
یه‌كێتی بۆ هاوخه‌باتی ناوخۆیی‌و هاوخه‌باتی و ناوکۆیی
 عەتا كەریم
سانتلیگۆ شۆكێكی دیكەی قەوارەكان
 عه‌داله‌ت عه‌بدوللا‌
سیناریۆی پۆستەكان ..!
 نەریمان مەجید
بە شی بیستەم و كۆتایی
 نەریمان مەجید
ئەنجام دانی هەڵمەتەكە
 نەریمان مەجید
*دەنگ بدە..!
 نەریمان مەجید
پەرەپێدانی پلانەكە بۆ پەیوەندیكردن بە دەنگدەران
 نەریمان مەجید
قۆناغی چوارەم : پەیامی هەڵمەت
 نەریمان مەجید
بەشی پانزەیەم
 نەریمان مەجید
بەشی چواردەیەم
 نەریمان مەجید
بەشی سیانزەیەم
 نەریمان مەجید
قوناغی یەكەم : توێژینەوە
 نەریمان مەجید
دیاری كردنی كاتی بانگەشە
 نەریمان مەجید
هەڵمەتی هەڵبژاردن
 نەریمان مەجید
دەنگدانی ئەڵتەرناتیف
 نەریمان مەجید
دەنگدانی بلۆكی حیزبی
 نەریمان مەجید
دە نگدانی بلۆك
محه‌مه‌د عه‌لی

7/1/2018 12:10:42 PM

 
  په‌كه‌كه‌، وه‌ك پارتێكی كوردی كه‌ له‌ باكوور و ڕۆژئاوای كوردستاندا زۆرترین ڕۆڵی هه‌یه‌، به‌ڵام به‌ پێی بۆچوونی چاودێران، له‌ ئیداره‌دانی ئه‌م دوو پارچه‌یه‌دا سه‌ركه‌وتوو نه‌بووه‌، نه‌ك ته‌نیا ئه‌وه‌نده‌، به‌ڵكو ڕۆڵی نێگه‌تیڤی بینیوه‌ له‌سه‌ر پارچه‌كانی تری كوردستان، به‌ڵام ڕووداوه‌كانی عه‌فرین و ئۆپه‌راسیۆنه‌كانی توركیا بۆ سه‌ر په‌كه‌كه‌ له‌ هه‌رێمی كوردستان و هه‌ڵبژاردنه‌كانی ئه‌م جاره‌ی توركیا، پێیان وتین كه‌ چاره‌سه‌ری كێشه‌ی كورد له‌ ناوچه‌كه‌دا، پێویستی به‌ نزیكبوونه‌وه‌ی كورد و تورك هه‌یه‌.
 
به‌ تایبه‌ت ئێستا دوای راگه‌یاندنی ئه‌نجامه‌كانی هه‌ڵبژاردنی توركیا، ده‌رفه‌تێك بۆ په‌كه‌كه‌ هاتووه‌ته‌ پێش له‌ باكووری كوردستانه‌وه‌ هه‌نگاوی كرده‌نی بهاوێژێ بۆ چاره‌سه‌ركردنی دۆزی كورد له‌م پارچه‌یه‌دا، ئه‌مه‌ له‌ كاتێكدایه‌ به‌پێی هه‌موو ئاماژه‌كان، براوه‌ی ئه‌م هه‌ڵبژاردنه‌، ئاكپارتی و هه‌ده‌په‌ن، هه‌رچه‌نده‌ ئۆردوگان و ئاكپارتی به‌ هاوپه‌یمانیی مه‌هه‌په‌ زۆرینه‌ی پێویستیان به‌ ده‌ست هێناوه‌ بۆ پێكهێنانی حكوومه‌ت، به‌ڵام بۆ پاراستنی ئارامیی ناوچه‌ كوردییه‌كان و دووباره‌ گه‌شه‌كردنه‌وه‌ی ئابووریی توركیا، پێویستی به‌ هه‌ده‌په‌ و كورد ده‌بێت.
 
لێره‌وه‌ ده‌كرێ په‌كه‌كه‌ بیكاته‌ ده‌رفه‌تێك بۆ لێكتێگه‌یشنێكی گشتگیر له‌ نێوان تورك و كورد له‌سه‌ر ئاستی هه‌ر چوار پارچه‌ی كوردستاندا، چونكه‌ تایبه‌ت به‌ باكوور تاكه‌ هۆكاری شكستپێهێنانی پرۆسه‌ی ئاشتی له‌ توركیا و ده‌ستبه‌سه‌ركردنی سه‌ڵاحه‌ددین ده‌میرتاش و گه‌ڕانه‌وه‌ی چاره‌سه‌ری دۆزی كورد بۆ خاڵی سه‌ره‌تا، هۆكاره‌كه‌ی په‌كه‌كه‌ بوو، ئه‌م جاره‌ په‌كه‌كه‌ به‌ دووركه‌وتنه‌وه‌ له‌ چه‌ك و رێگه‌دان به‌ هه‌ده‌په‌ بۆ بره‌ودانی زیاتر به‌ كاری په‌رله‌مانی، ده‌كرێ پرۆسه‌ی ئاشتی دووباره‌ بێته‌وه‌ رۆژه‌ڤ و كوردانی ئه‌م به‌شه‌ گرینگه‌ی كوردستانیش بگه‌ن به‌ مافه‌كانیان.
 
له‌ رۆژئاوای كوردستانیش، په‌كه‌كه‌ ده‌توانێ كاریگه‌ریی خۆی له‌سه‌ر په‌یه‌ده‌ به‌كار بهێنێت و بۆچوونی توركیا سه‌باره‌ت به‌م پارچه‌یه‌ بگۆڕێت، به‌ جۆرێك دراوسێیه‌تیی هه‌رێمێكی كوردی له‌ سووریا هه‌رگیز مه‌ترسی نییه‌ بۆ سه‌ری، به‌ڵكو گه‌یشتنی كورد به‌ مافه‌كای له‌ ڕۆژئاوای كوردستان، هۆكارێك ده‌بێ بۆ به‌هێزكردنی زیاتری توركیا له‌ ته‌واوی ناوچه‌كه‌ دا، به‌ به‌ڵگه‌ی ئه‌وه‌ی، هۆكاری سه‌ره‌كیی دژایه‌تیكردنی توركیا بۆ كوردانی رۆژئاوا و ڕێگریكردن له‌ گه‌یشتن به‌ مافه‌كانیان، بوونی په‌یه‌ده‌یه‌، كه‌ به‌ موتڵه‌قی ده‌یه‌وێ ته‌نیا خۆی حاكم و قه‌ڵه‌مڕه‌و بێت، ئه‌مه‌ جگه‌ له‌وه‌ی كه‌ توركیا په‌یه‌ده‌ به‌ باڵی سه‌ره‌كیی په‌كه‌كه‌ هه‌ژمار ده‌كات.
 
له‌لایه‌كی تره‌وه‌، سوودمه‌ندی یه‌كه‌م له‌ نزیكبوونه‌وه‌ی نێوان كوردانی باكوور و ده‌سه‌ڵاتدارانی توركیا، هه‌رێمی كوردستانه‌، له‌به‌ر چه‌ند هۆكارێك، یه‌كه‌م: توركیا تاكه‌ ده‌روازه‌ی باشووری كورستانه‌ به‌ ڕووی جیهانی ده‌ره‌وه‌دا، هاوكات تاكه‌ رێگه‌یه‌ بۆ هه‌نارده‌كردنی سامانه‌ سرووشتییه‌كه‌ی بۆ بازاڕه‌كانی جیهان، له‌ هه‌مووی گرینگتر مه‌ترسیی هێرشی سه‌ربازی بۆ سه‌ر كورستان دوور ده‌خاته‌وه‌، كه‌ تاكو ئێستا توركیا ئاماده‌كاری بۆ ده‌كات به‌ پاساوی هه‌بوونی په‌كه‌كه‌ له‌ ناوچه‌كه‌دا.
 
ماوه‌ته‌وه‌ بڵێین، ئه‌نجامه‌كانی كۆتا هه‌ڵبژاردنی توركیا پێی وتین، نه‌ ئۆردوگان توانی له‌ رێگه‌ی زیندانیكردنی ئه‌ندام په‌رله‌مان و گۆڕینی سه‌رۆك شاره‌وانییه‌كانیه‌وه‌ كێشه‌ی كورد له‌ توركیا كۆتایی پێ بهێنێت و ده‌نگی كورد كپ بكات، نه‌ په‌كه‌كه‌ش له‌ رێگه‌ی ره‌تكردنه‌وه‌ی ئۆردوگان و چه‌كهه‌ڵگرتنه‌وه‌ توانی وا له‌ ده‌نگده‌ری تورك و كورد بكات كه‌ دووباره‌ ده‌نگ نه‌ده‌نه‌وه‌ به‌ ئۆردوگان.


7/1/2018 12:10:42 PM Read Count [32] Big Font Small Font

بیروڕاکان


بیروڕای‌ خوت بنێره‌
ناو :  
ئیمه‌یڵ :    
کۆمێنت :  
   

وتاری تری تێدانیه‌


    

له‌ په‌ڕه‌ی 0 له‌ 0 ( 0 وتار )