ناوه‌نده‌كانی نوێكردنه‌وه‌ی تۆماری ده‌نگده‌ران ده‌كرێنه‌وه‌ ...
ده‌نگه‌كانی یه‌كێتی له‌ سلێمانی وه‌ك خۆی ماوه‌ته‌وه‌ ‌ ...
كورسی لایەنەكان لەپەرلەمانی توركیا ئاشكرا كرا ...
سه‌رجه‌م ده‌نگه‌كانی كه‌ركوك دروست ده‌رچوون ...
كاندید بۆ هەڵبژاردنی هەرێمی كوردستان تۆمار دەكرێت ...
ئەردۆغان بردیەوەو هەدەپەش سنووری مەرگی بەزاند ...
عیراق له‌ ده‌ره‌وه‌ی نوێنه‌ران و ده‌سه‌ڵاتی گه‌لدایه‌ ...
تۆماركردنی كاندید بۆ پەرلەمان دەستپێدەكات ...
كۆمسیۆن واده‌ی ھه‌ژماركردنه‌وه‌ی ده‌ستی ده‌نگه‌كانی راگه‌یاند ...
هەموو دەنگەکان بە دەست ناژمێردرێنەوە ...
ھەدەپە ٦٧ کورسیی پەرلەمانی بەدەستھێناوە ...
پرۆسەی دەنگدان بۆ سەرۆك كۆمار و پەرلەمانی توركیا دەستیپێكرد ...
دەزگای هەڵبژاردن: لە ئەژماركردنەوەی دەنگەكاندا دەنگمان زیاد دەكات ...
38 قەوارە بۆ هەڵبژاردنی پەرلەمان پەسەندكران ...
یه‌كێتی.. ئه‌و هێزه‌ی بێمنه‌ته‌ له‌ هه‌ژماركردنه‌وه‌ی ده‌نگه‌كان ...
عه‌بادی: سوتاندنی سندوقه‌كانی ده‌نگدان پیلانه‌ بۆ لێدانی وڵات ...
(٦/١) یادی شكاندنی ته‌وقی ترس و تۆقاندنی ڕژێمێكی خوێن ڕێژه‌ ...
43 ساڵه‌ یه‌كێتیی نیشتمانیی كوردستان خوێن ده‌به‌خشێت ...
ئەنجامی هەڵبژاردنی ئەنجومەنی نوێنەرانی عیراقی 2018 ...
ئەنجامی هەڵبژاردنی پەرلەمانی عیراق 2018 راگەیەندرا ...
وەفدی یەكێتی ناوەرۆكی كۆبوونەوەكانی بەغدا ئاشكرادەكات ...
وادەی تۆماركردن بۆ هەڵبژاردنی پەرلەمانی كوردستان دیاریكرا ...
رێژه‌ی بەشداری لەباشوری كوردستان كەم بووە ...
ئه‌نجامی ده‌نگی لایه‌نه‌كان له سلێمانی و هه‌ولێر ...
بەرنامەی هەڵبژادنی لیستی یەكێتیی نیشتمانیی كوردستان ژمارە 162 ...
بەرنامەی هەڵبژادنی لیستی یەكێتیی نیشتمانیی كوردستان ژمارە 162 ...
دروشمەكانی لیستی 162 ...
په‌یامی لیستی 162 بۆ هه‌ڵبژاردنی ئەنجومەنی نوێنەرانی عێراق ...
پەیامی دەزگای هەڵبژاردن ...
ئه‌مڕۆ یه‌كێتی سلێمانی ده‌خرۆشێنێت ...
بەدەستهێنانەوەی ئایندەمان ...
بیست و چوارەمین ساڵڕۆژی "الانصات المركزی" پیرۆزبێت ...
وردەكاری ئەم خولەی پەرلەمان ...
هەڵبژاردنی ئەنجومەنی پارێزگا کەرکوکیش دەگرێتەوە ...
تورکیاو ئێران دۆستن یان دوژمن؟ ...
12/22 هەڵبژاردنی ئەنجومەنی پارێزگاكانە ...
یەكێتی بە ژمارە (162) و بە(210) كاندید بەشداری هەڵبژاردن دەكات ...
دەستەی كارگێر لەگەڵ دەزگای هەڵبژاردن كۆبۆوە ...
162 ژمارەى یەكێتيی نیشتمانيی كوردستانە ...
162 ژمارەی یەكێتيی نیشتمانيی كوردستانە ...
ناوی كاندیدانی یه‌كێتی بۆ هه‌ڵبژاردنی په‌رله‌مانی عیراق ...
تەئكید لەبەستنی كۆنگرە دەكرێتەوە ...
یاسای هەمواركراوی هەڵبژاردنی ئەنجومەنی نوێنەران ...
كاندیدەكانی یەكێتی ئامادەن ...
ئیسپانیا لە دیکتاتۆرییەوە بۆ دیموکراسی ...
كاتی هەڵبژاردنەكانی هەرێم دیاریدەكرێت ...
مانۆڕی هەڵبژاردنی عێراق دەستیپێكی قۆناغی دابەشبوونی حزبە گەورەكان ...
زۆرترین رێژەی نوێكردنەوەی تۆمار دەنگدان لە پارێزگای "دهۆك"ە ...
زیاتر لە 200 پارت و قەوارەی سیاسی بەشداری هەڵژاردنەكانی عێراق دەكەن ...
"سیسی" جارێكی تر خۆی بۆ سەرۆكایەتی میسر كاندید كردەوە ...
كۆمسیۆنی هەڵبژاردن پێویستی بەكارمەندە ...
كوردستانی نوێ‌ بناغەیەكی بەهێزی دیموكراسییە لەناوچەكەدا ...
"پۆتن و سیسی" لە هەڵبژاردنەكانی 2018 پۆستەكانیان مسۆگەر دەكەنەوە ...
كوردسات هەوێنی رۆشنبیركردنی جەماوەری كوردستانە ...
جودایخوازەكان زۆرینەی پەرلەمانی كەتەلۆنیایان مۆسگەر كرد ...
هەڵبژاردنی پەرلەمانی كەتەلۆنیا بەڕێوەدەچێت ...
كوردو سوننە داوای گەڕانەوەی بودجە دەكەن ...
سۆسیال دیموكراتەكانی یۆنان خۆیان نوێ دەكەنەوە ...
هەوڵەکانی پێکهێنانی حکومەتی ئەڵمانیا شکستی هێنا ...
ئه‌نجومه‌نی پارێزگای كه‌ركوك: به‌زووترین كات پارێزگار دیاری بكرێت ...
دەزگای هەڵبژاردن لەسەر بەستنی كۆنگرە لەگەڵ مەڵبەندەكان كۆبۆوە ...
دادگای فیدراڵی: ریفراندۆم نادەستورییە ...
میراڵ ئه‌كشینار،״ژنه‌ ئاسنینه‌״کەی‌ رەوتی توندڕەوی نەتەوەیی تورك ‌ ‌ ...
به‌رپرسانی که‌ته‌لۆنیا رووبه‌روی دادگاییکردن ده‌بنه‌وه‌ ‌ ...
کاردانه‌وه‌ی ئیسپانیا و جیهان به‌رامبه‌ر به‌که‌ته‌لۆنیا ‌ ...
تیمی ریفراندۆم هه‌ڵاتن ...
په‌رله‌مان دابه‌شكردنی ده‌سه‌ڵاته‌كانی سه‌رۆكایه‌تیی هه‌رێمی په‌سه‌ندكرد ‌ ...
هەڵبژاردنەكانی عیراق 12 رۆژ دوادەخرێت ...
پێدەچێت كۆنسەرڤاتیڤەكانی نەمسا براوەی یەكەم بن ...
بانگه‌شه‌ی‌ هه‌ڵبژاردن له‌ 15ی‌ ئه‌م مانگه‌وه‌ ده‌ستپێده‌كات ...
سه‌رۆك مام جه‌لال ماڵئاوایی كرد ...
لە90%ی دەنگەجیاكراوەكانی كەتەلۆنیا بەڵێیە ...
ئەنجامی راپرسی بۆ سەربەخۆیی راگەیەندرا ...
م.س: گه‌له‌كه‌مان سه‌ربه‌رزه‌ له‌حزوری یاده‌وه‌ری شه‌هیدانی رێی مافی چاره‌نووس ...
%72.16ی دەنگدەران بەشداری ریفراندۆمیان كردووە ...
پرۆسه‌ی‌ ده‌نگدان بۆ ڕیفراندۆم ده‌ستیپێكرد ...
یەكەمین راپۆرت لەبارەی راپرسی-یەوە بڵاوكرایەوە ...
شۆڕش ئیسماعیل: دەنگمان بەڵێ‌ بوو بۆ سەربەخۆیی كوردستان ...
پارتەكەی ئەنگیلا مێركڵ براوەیە ...
چین و ریفراندۆمی هەرێمی کوردستان ‌ ...
هه‌ڵبژاردنه‌ په‌رله‌مانییه‌كه‌ی ئه‌ڵمانیا ده‌ستیپێكرد ...
وردەكاری هەڵبژاردنەكانی رۆژئاوای كوردستان ...
ریفراندۆم.. سووربوونی كورد و توندبوونی هه‌ڵوێستی نێوده‌وڵه‌تی ...
نه‌وه‌یه‌كگرتووه‌كان داوایه‌ك ئاراسته‌ی‌ هه‌رێم و به‌غدا ده‌كات ...
23ی مانگ دەنگدان بۆ ریفراندۆم دەستپێدەكات ...
ماوه‌ی تۆماری قه‌واره‌ سیاسییه‌كان درێژكرایەوە ...
ژنێك بووە سەرۆك كۆماری سەنگاپورە ...
بروسكەی پیرۆزبایی بۆ ساڵیادی تەلەفزیۆنی گەلی كوردستان (تەلەفزیۆنی دایك) ...
ئەمڕۆ هەڵبژاردنی پەرلەمانی نەرویج بەڕێوە دەچێت ...
ئەنجومەنی باڵای ریفراندۆم ژنان بێ بەشدەكات ...
چەمکی بانگەشەی هەڵبژاردن و تایبەتمەندیەکانی ...
بارزانی: خۆم كاندید ناكه‌مه‌وه‌و رێگه‌ به‌كه‌سه‌ نزیكه‌كانیشم ناده‌م ...
نوێكردنەوەی تۆماری دەنگدەران دەستیپێكرد ...
مێركڵ و هاوپەیمانەكانی له‌ پێشه‌وه‌ن ...
پەرلەمان نوێنەرایەتی گەلی لەدەستداوە ...
تەیموری رۆژهەڵات و سەربەخۆیی ‌ ...
کۆمسیۆن ئامادەنیە بۆ ئەنجامدانی هەڵبژاردن لەكەركوك ...
دەزگای هەڵبژاردن لەگەڵ مەڵبەندەكان كۆبۆوە ...
مەكتەبی سیاسی تەئكیدی لەباشكردنی گوزەرانی خەڵك كردەوە ...
حەكیم لەمەجلیسی ئەعلا جیابۆوە ...
چەپەكانی ئەرجەنتین دەسەڵاتیان دەوێت ...
راگەیەندراوی كۆبوونەوەی ئەنجومەنی سەركردایەتی یەكێتیی ...
ریفراندۆم لەدەرەوەی هەرێم بەڕەێوەدەچێت ...
به‌م نزیكانه‌ سه‌ركردایه‌تی كۆده‌بێته‌وه‌ ...
ڕاپرسی وەهمی... ...
ئاماری یه‌که‌م ساڵی تاکڕەویی له‌ تورکیا ‌ ...
گۆڕان و كۆمه‌ڵ: ریفراندۆم بۆ دوای هه‌ڵبژاردن دوابخرێ ‌ ...
سعودیه‌ به‌ره‌و شانشینی‌ عه‌ره‌بی‌ سه‌لمانی‌ ‌ ...
دیموكراتەكان هەڵبژاردنی كۆسۆڤۆیان بردەوە ...
پارتەكەی تێرێزا مەی زۆرینەی بەدەستهێنا ...
تاقیكردنەوەی و راست و چەپەكانی فەرەنسا ...
ئەمڕۆ فەرەنسیەكان دەنگ دەدەن ...
ئێرانی دوای هەڵبژاردنی ئایار ...
لوبنان چۆن حوکم ده‌کرێت؟ ...
ئه‌ندامانی ئه‌نجومه‌نی كۆمسیاران هه‌ڵده‌بژێردرێن ‌ ...
سلێمان مستەفا: بۆ هەڵبژاردن كۆمسیۆن پێویستی بەشەش مانگ هەیە ...
رووحانی بەسەرۆك هەڵبژێردرایەوە ...
گرنگی خۆ تۆماركردنی دەنگدەر لەسیستمی بایۆمەتریدا ...
چانسی رۆحانی بەهێزتردەبێت ...
ماكرۆن سەرۆكایەتی فەرەنسای بردەوە ...
(بۆپێشەوە) ماكرۆنی سەرخست ...
ئەنجامی هەڵبژاردنی سەرۆكایەتی فەرەنسا راگەیەنرا ...
حەوتەمین راپرسی توركیا چی دەگۆڕێت ...
دواین ئەنجامی ریفراندۆمەكەی توركیا راگەیەنرا ...
بەشی راپرسی خولی بەهێزكردنی تواناكانی كردەوە ...
دەنگی گەلی كوردستان یەكێك لە شێوازەكانی كۆمۆنیكەیشن ...
ئەنجومەنی پارێزگای كەركوك ئاڵای كوردستانی هەڵكرد ...
رۆحانی كاندیدی ریفۆرمخوازانە بۆ سەرۆكایەتی ئێران ...
خولێك بۆ كادران كرایەوە ...
پلانی هەڵبژاردنەكان تاوتوێكرا ...
پێده‌چێت هه‌ڵبژاردنی (نوێنه‌ران)‌و (پارێزگاكان) پێكه‌وه‌ بكرێت ‌ ...
سیستمە سیاسییەكانی هەڵبژاردن ...
سكۆتلەندا لە سەربەخۆیی نزیك دەبێتەوە ‌ ...
مام جەلال: پێویسته‌ هه‌موو ئه‌ندامێكی ی.ن.ك ئه‌و راستییه‌ بزانێت كه‌ پیرۆزترین‌و گرنگترین ئه‌ركی، به‌هێزكردنی یه‌كێتیی ناو یه‌كێتییه‌. ...
شتانمایەر بووە سەرۆكی ئەڵمانیا ...
كەركوك هەڵبژاردنی بێ‌ مەرجی دەوێت ...
بینوا هامۆن كاندیدی سۆسیالستەكانە بۆ سەرۆكی فەڕەنسا ...
چواردەیەمین ساڵیادی PUKMEDIA پیرۆزبێت ...
یۆبیلی زیوینی كوردستانی نوێ‌ پیرۆزبێت ...
شکستهێنانی سیاسه‌تـی سعودیه‌ له‌ ناوچه‌که‌دا ...
كاندیدە موسڵمانەكەی رۆمانیا رەتكرایەوە ‌ ...
2016 بڕوات و نەیەتەوە....ئاوی ئامون و تونی بابا چێت ...
مێرکل بە سەرۆکی پارتەکەی هەڵبژێردرایەوە ...
ساركۆزی شكستی هێنا ...
چۆنێتی هه‌ڵبژاردنی سه‌رۆك له‌ ئه‌مریكا ‌ ...
پوخته‌یه‌ك له‌ وێستگه‌كانی ژیانی دۆناڵد تره‌مپ ‌ ...
هەڵبژاردنی ئەنجومەنی پارێزگاكانی عیراق دواخرا ...
ترامپ بووە سەرۆكی ئەمریكا ...
فیلەكان لەئەسپەكانیان بردەوە ...
ترامپ دەبێتە سەرۆك ...
هەڕەشەی كوشتن لە ترەمپ دەكرێت ...
به‌ده‌ستهێنانی ئیستیحقاقی نوێی گه‌له‌كه‌مان‌و چاكردنی گوزه‌رانی خه‌ڵك ‌ ...
بەمەبەستی خۆئامادەكردن بۆ هەڵبژاردنەكانی داهاتوو بڕیاری پێویست درا ...
راگه‌یه‌ندراوی كۆبوونه‌وه‌ی ئه‌نجومه‌نی سه‌ركردایه‌تی یه‌كێتی ‌ ...
ترامپ: كلینتۆن زیندانی دەكەم ...
په‌كخستنی‌ په‌رله‌مان كاریگه‌ری‌ خراپی یاسایی لێكه‌وتۆته‌وه‌ ‌ ...
یەكێتی وگۆڕان دووپاتی ئیرادەی بەهێزیان بۆ بەرەوپێشبردنی ڕێكەوتنی نێوانیان كردەوە ...
دەزگای هەڵبژاردن و NDI پلانی نوێیان تاوتوێكرد ...
بەهۆی نەوتەوە سەرۆكی پێشووی بەرازیل دادگایی دەكرێت ‌ ...
پارتەكەی پۆتین براوەی یەكەمی ئەنجومەنی دۆمایە ...
ئەمڕۆ لێپرسراوی دەزگا دەستبەكاربۆوە ...
هەڵبژاردنی ئەنجومەنی دۆمای روسیا دەستیپێكرد ...
هه‌ڵبژاردنی ئه‌نجومه‌نی پارێزگای كه‌ركوك هاوكاتی پارێزگاكانی تر بێت ...
دوای چارەسەری پێویست شۆڕش ئیسماعیل گەیشتەوە هەرێم ...
گوشار ده‌خرێته‌ سه‌ر په‌رله‌مانتاران بۆ هێشتنه‌وه‌ی زێباری ...
روونكردنه‌وه‌یه‌ك له‌زۆرینه‌ی مه‌كته‌بی سیاسیی یەکێتیی نیشتمانیی کوردستان-ه‌وه‌ ‌ ...
مام جەلال: یه‌كێتیی نیشتمانیی كوردستان له‌ سه‌ره‌تای‌ دامه‌زراندنییه‌وه‌ به‌ كرده‌وه‌ سه‌لماندویه‌تی له‌ ریزی هه‌ره‌ پێشه‌وه‌یه‌ ... ‌ ...
گەندەڵی سەرۆکی بەرازیل دەباتە بەردەم دادگا ‌ ...
ترامپ پاشگه‌ز ده‌بێته‌وه‌ ...
ئەمڕۆ تێریزا دەبێتە سەرۆكوەزیرانی بەریتانیا ...

په‌یڕه‌وی‌ ناوخۆی‌ ئه‌نجومه‌نی‌ نوێنه‌رانی‌ عێراق


به‌شی‌ یه‌كه‌م
چه‌ند یاسایه‌كی‌ گشتی‌
به‌ندی‌ ژماره‌(1)
ئه‌نجومه‌نی‌ نوێنه‌ران عێراقی‌ ده‌سه‌ڵاتی‌ یاسادانان‌و چاودێری‌ باڵایه‌، ئه‌و كارانه‌ ئه‌نجام ده‌دات كه‌ له‌ ماده‌ی‌ (61)ی‌ ده‌ستور ئاماژه‌ی‌ پێكراوه‌ یان ئه‌و مادانه‌ی‌ تر كه‌ په‌یوه‌ندیان به‌م خاڵه‌وه‌ هه‌یه‌.
به‌ندی‌ ژماره‌(2)
ئه‌نجومه‌نی‌ نوێنه‌ران له‌ 275 ئه‌ندام پێكدێت، كه‌ به‌پێی‌ یاسای‌ هه‌ڵبژاردن هه‌ڵبژێردراون.
به‌ندی‌ ژماره‌(3)
یاساكانی‌ ئه‌م په‌یڕه‌وه‌ ئازادی‌ بیروڕاو بیركردنه‌وه‌ بۆ سه‌رجه‌م ئه‌ندامانی‌ ئه‌نجومه‌نی‌ نوێنه‌ران دابین ده‌كات، هه‌ر تێزێكی‌ سیاسی‌ یاخود حیزبیان هه‌بێت، به‌مه‌رجێك پێچه‌وانه‌ نه‌بێـت له‌گه‌ڵ ده‌ستور. هه‌روه‌ها مافی ئازادی‌ ئۆپۆسیزیۆنی‌ بابه‌تی‌‌و ڕه‌خنه‌ی‌ بنیاتنه‌ریان ده‌پارێزێ‌. له‌هه‌مانكاتدا چۆنیه‌تی‌ هاوكاری‌ نێوان ئه‌نجومه‌نی‌ نوێنه‌ران‌و دام و ده‌زگا ده‌ستوریه‌كانی‌ دی‌ ڕێكده‌خات.
به‌ندی‌ ژماره‌(4)
ئه‌ندامانی‌ ئه‌نجومه‌نی‌ نوێنه‌ران پابه‌ند ده‌بن به‌ ده‌ستورو ئه‌م په‌یڕه‌وی‌ ناخۆیه‌وه‌، له‌ گفتوگۆو ئه‌و بڕیارانه‌ی‌ كه‌ ده‌یده‌ن.

به‌شی‌ دووه‌م
ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران
به‌ندی‌ ژماره‌(5)
دانیشتنی‌ یه‌كه‌می‌ كۆبوونه‌وه‌كانی‌ ئه‌نجومه‌نی‌ نوێنه‌ران له‌لایه‌ن به‌ ته‌مه‌نترین ئه‌ندام له‌ نێو ئاماده‌بووان سه‌رۆكایه‌تی‌ ده‌كرێت، ئه‌ركه‌كه‌شی‌ ته‌نها بریتیه‌ له‌ به‌ڕێوه‌بردنی‌ دانیشتنی‌ یه‌كه‌م‌و هه‌ڵبژاردنی‌ سه‌رۆك‌و جێگره‌كانی‌ سه‌رۆكی‌ ئه‌نجومه‌نی‌ نوێنه‌ران. 
به‌ندی‌ ژماره‌(6)
ئه‌ندامانی‌ ئه‌نجومه‌نی‌ نوێنه‌ران سوێندی‌ یاسایی‌ ده‌خۆن به‌م شێوه‌یه‌ی‌ خواره‌وه‌:
به‌ناوی‌ خوای‌ به‌خشنده‌ی‌ میهره‌بان
سوێند ده‌خۆم به‌خوای‌ گه‌وره‌ كه‌ ئه‌رك‌و به‌پرسیاریه‌تی‌ یاساییم به‌ لێبڕاویی‌‌و دڵسۆزیه‌وه‌ جێبه‌جێبكه‌م‌و پارێزگاری‌ له‌ سه‌ربه‌خۆیی‌‌و سه‌روه‌ری‌ عێراق بكه‌م‌و به‌رژه‌وه‌ندی گه‌له‌كه‌ی‌ له‌به‌رچاوبگرم‌و شه‌ونخونی‌ بكه‌م له‌سه‌ر پارێزگاری‌ ئاسمان‌و زه‌وی‌‌و ئاوو سامان‌و ڕژێمه‌ دیموكراتیه‌ فیدڕاڵیه‌كه‌ی‌‌و كاربكه‌م بۆ به‌دیهێنانی‌ ئازادیه‌ گشتی‌‌و تایبه‌تیه‌كان‌و سه‌ربه‌خۆیی‌ قه‌زاو پابه‌ند بوون به‌ جێبه‌جێكردنی‌ یاساكانی‌ به‌ ئه‌مانه‌ت‌و بێلایه‌نی‌، خوا شایه‌تی‌ ئه‌وه‌یه‌ كه‌ ده‌یڵێم.
به‌ندی‌ ژماره‌(7)
یه‌كه‌م:سه‌رۆكی‌ كاتی‌ ده‌رگای‌ خۆپاڵاوتن بۆ پۆستی‌ سه‌رۆكی‌ ئه‌نجومه‌نی‌ نوێنه‌ران‌و هه‌ردوو جێگره‌كه‌ی‌ واڵا ده‌كات.
دووه‌م:دوای‌ ته‌واو بوونی‌ ماوه‌ی‌ خۆپاڵاوتن، ئه‌نجومه‌نی‌ نوێنه‌ران سه‌رۆكی‌ ئه‌نجومه‌ن‌و پاشان جێگری‌ یه‌كه‌م‌و دواتر جێگری‌ دووه‌م به‌ زۆرینه‌ی‌ ڕه‌های‌ ئه‌ندامانی‌ ئه‌نجومه‌ن به‌ شێوه‌ی‌ ده‌نگدانی‌ نهێنی‌ هه‌ڵده‌بژێرێت.
به‌ندی‌ ژماره‌(8)
یه‌كه‌م:سه‌رۆكی‌ كاتی‌ ئه‌نجامی‌ هه‌ڵبژاردنه‌كه‌ ئاشكراده‌كات‌و بانگی‌ سه‌رۆك‌و هه‌ردوو جێگره‌كه‌ی‌ ده‌كات بۆ شوێنی‌ تایبه‌ت به‌ ده‌سته‌ی‌ سه‌رۆكایه‌تی‌.
دووه‌م:ده‌سته‌ی‌ سه‌رۆكایه‌تی‌ له‌ سه‌رۆكی‌ ئه‌نجومه‌نی‌ نوێنه‌ران هه‌ردوو جێگره‌كه‌ی‌ پێكدێت.
به‌ندی‌ ژماره‌(9)
ده‌سته‌ی‌ سه‌رۆكایه‌تی‌ ئه‌م ئه‌ركانه‌ی‌ خواره‌وه‌ جێبه‌جێده‌كات:
یه‌كه‌م: ڕێكخستنی‌ كارنامه‌ی‌ هه‌موو دانیشته‌نه‌كانی‌ ئه‌نجومه‌نی‌ نوێنه‌ران به‌ هه‌مه‌ئاهه‌نگی‌ له‌گه‌ڵ سه‌رۆكی‌ لیژنه‌ی‌ په‌یوه‌ندیدار یان نوێنه‌ری‌ لیژنه‌كان‌و دابه‌شكردنی‌ به‌سه‌ر ئه‌ندامان‌و ئه‌ندامانی‌ ئه‌نجومه‌نی‌ ده‌سته‌ی‌ سه‌رۆكایه‌تی‌‌و ئه‌ندامانی‌ ئه‌نجومه‌نی‌ وه‌زیران لانی‌ كه‌م پێش ئه‌نجامدانی‌ دانیشتنه‌كه‌ به‌ دوو ڕۆژ، به‌مه‌رجێك ده‌ستور واده‌ی‌ تری‌ دیاری‌ نه‌كردبێت، له‌گه‌ڵ هاوپێچكردنی‌ ئه‌و پڕۆژه‌و پێشنیارو ڕاپۆرتانه‌ی‌ كه‌ مایه‌ی‌ تاوتوێكردنه‌ به‌ ڕه‌چاوكردنی‌ ئه‌وه‌ی‌ پێشینه‌ بدرێت به‌و پڕۆژه‌ یاسایانه‌ی‌ كه‌له‌لایه‌ن حكومه‌ته‌وه‌ پێشكه‌شكراوه‌ بۆ تاوتوێكردن‌و له‌لایه‌ن لیژنه‌ی‌ تایبه‌تمه‌نده‌وه‌ لێكۆڵینه‌وه‌ی‌ ته‌واوبووه‌، هه‌روه‌ها ئه‌و بابه‌ته‌ گرنگانه‌ی‌ كه‌ ده‌گوزه‌رێ‌.
دووه‌م: په‌سه‌ندكردنی‌ كۆنووسی‌ دانیشتنی‌ پێشووی‌ ئه‌نجومه‌نی‌ نوێنه‌ران.
سێیه‌م: دانانی‌ یاسای‌ تایبه‌ت به‌ ڕێكخستنی‌ كۆنووسه‌كان.
چواره‌م:یه‌كلاییكردنه‌وه‌ی‌ پسپۆری‌ لیژنه‌كان له‌ كاتی‌ دروستبوونی‌ ناكۆكی‌ سه‌باره‌ت به‌و كێشانه‌ی‌ كه‌ ئاڕاسته‌یان ده‌كرێت.
پێنجه‌م: ئاماده‌كردنی‌ پلانی‌ كاری‌ ئه‌نجومه‌نی‌ نوێنه‌ران‌و پێكهاته‌ كارگێڕیه‌كانی‌‌و به‌دواداچوونی‌ جێبه‌جێكردنی‌ پاش بڕیاردان له‌سه‌ری‌.
شه‌شه‌م: بڕیاردان له‌سه‌ر په‌یكه‌ری‌ دیوانی‌ ئه‌نجومه‌نی‌ نوێنه‌ران‌و ئه‌نجامدانی‌ گۆڕانكاری‌ تێیدا، هه‌روه‌ها دیاریكردنی‌ سیاسه‌تی‌ به‌ڕێوه‌بردن‌و داراییه‌كه‌ی‌‌و ئاگاداركردنی‌ ئه‌ندامانیش له‌وباره‌یه‌وه‌. 
حه‌وته‌م: ڕێكخستنی‌ بودجه‌ی‌ ساڵانه‌ی‌ ئه‌نجومه‌نی‌ نوێنه‌ران‌و خستنه‌ڕووی‌ بۆ ئه‌نجومه‌ن به‌مه‌به‌ستی‌ په‌سه‌ندكردنی‌‌و هه‌روه‌ها سه‌په‌رشتی‌ جێبه‌جێكردنی‌‌و گۆڕینی‌ به‌شه‌كانی‌.
هه‌شته‌م: ڕاسپاردنی‌ یه‌كێك له‌ لیژنه‌كان به‌ ئه‌نجامدانی‌ لێكۆڵینه‌وه‌ سه‌باره‌ت به‌ كێشه‌یه‌كی‌ دیاریكراو.
نۆیه‌م: ڕێكخستنی‌ په‌یوه‌ندی‌ ئه‌نجومه‌نی‌ نوێنه‌ران به‌ ئه‌نجومه‌نی‌ سه‌رۆكایه‌تی‌‌و ئه‌نجومه‌نی‌‌و ‌وه‌زیران‌و ده‌سه‌ڵاتی‌ دادگا.
ده‌یه‌م:ڕێكخستنی‌ په‌یوه‌ندیه‌كان له‌گه‌ڵ ئه‌نجومه‌نی‌ یاسادانانی‌ هه‌رێمه‌كان‌و ئه‌نجومه‌نی‌ ئه‌و پارێزگایانه‌ی‌ كه‌ له‌ هه‌رێمه‌كاندا ڕێكنه‌خراون.
یازده‌هه‌م: رێكخستنی‌ په‌یوه‌ندی‌ ئه‌نجومه‌نی‌ نوێنه‌ران به‌ كۆمه‌ڵه‌‌و  ئه‌نجومه‌ن‌و په‌رله‌مانی‌ وڵاتانی‌ دۆست‌و یه‌كێتی‌ په‌رله‌مانه‌كان كه‌ ئه‌نجومه‌نی‌ نوێنه‌ران  په‌یوه‌ندی‌ هه‌یه‌ له‌گه‌ڵیان.
دوازه‌هه‌م:
أ - سه‌رۆك‌و هه‌ردوو جێگره‌كه‌ی‌ له‌ ده‌سته‌ی‌ سه‌رۆكایه‌تی‌ ڕێكده‌كه‌ون له‌سه‌ر سه‌رپه‌رشتیكردن‌و چاودێری‌ له‌سه‌ر سه‌رجه‌م فه‌رمانبه‌ران‌و كارمه‌ندانی‌ دیوانی‌ ئه‌نجومه‌ن‌و هه‌روه‌ها له‌ گرتنه‌به‌ری‌ بڕیاری‌ په‌یوه‌ندیدار به‌ دامه‌زراندن‌و چوونه‌ده‌ره‌وه‌ی‌ وڵات به‌و شێوه‌یه‌ی‌ كه‌ بنه‌مای‌ هاوسه‌نگی‌‌و هه‌لی‌ یه‌كسان بۆ سه‌رجه‌م عێراقیه‌كان به‌دی‌ بێت بۆ پڕكردنه‌وه‌ی‌ پۆسته‌كانی‌ ده‌وڵه‌ت. له‌گه‌ڵ گرتنه‌به‌ری‌ ئه‌و بڕیارانه‌ی‌ كه‌ په‌یوه‌ندیداره‌ به‌ به‌رزكردنه‌وه‌و گواستنه‌وه‌ی‌ خزمه‌ت‌و خانه‌نشینكردن‌و برزه‌فتكردن (انچباگ) به‌پێی‌ ئه‌و یاسایانه‌ی‌ كه‌ له‌ ده‌وڵه‌ت كاری‌ پێده‌كرێ‌. فه‌رمانه‌كانیش به‌ واژوی‌ سه‌رۆكی‌ ئه‌نجومه‌ن ده‌بێـت، یان ئه‌و كه‌سه‌ی‌ جێی‌ ده‌گرێته‌وه‌ ئه‌گه‌ر له‌ ئه‌نجومه‌ن ئاماده‌ نه‌بوو.
ب – ئه‌گه‌ر یه‌كێك له‌ ئه‌ندامانی‌ ده‌سته‌ی‌ سه‌رۆكایه‌تی‌ ئاماده‌نه‌بوو، ئه‌وا بڕیاره‌كان به‌ ڕێككه‌وتنی‌ ئه‌و دوو ئه‌ندامه‌ ده‌بێت كه‌ ئاماده‌ن.
سێزده‌هه‌م: دیاریكردنی‌ دوو سكرتێر له‌ نێو ئه‌ندامانی‌ ئه‌نجومه‌ن.
چوارده‌هه‌م: گرتنه‌به‌ری‌ بڕیار سه‌باره‌ت به‌ گه‌شتكردنی‌ فه‌رمی‌ ئه‌ندامانی‌ ده‌سته‌ی‌ سه‌رۆكایه‌تی‌‌و ئه‌ندامانی‌ ئه‌نجومه‌نی‌ نوێنه‌ران بۆ ناوخۆو ده‌ره‌وه‌ی‌ عێراق به‌ ڕاوێژ له‌گه‌ڵ سه‌رۆكی‌ لیسته‌ په‌رله‌مانیه‌كان.
پازده‌هه‌م: ده‌سته‌ی‌ سه‌رۆكایه‌تی‌ سه‌رپه‌رشتی فه‌رمانگه‌ی‌ توێژینه‌وه‌ ده‌كات‌و بێلایه‌نیبوونی‌ ده‌پارێزێت.
به‌ندی‌ ژماره‌(10)
سه‌رۆكی‌ ئه‌نجومه‌نی‌ نوێنه‌ران یان هه‌ردوو جێگره‌كه‌ی‌ به‌یه‌كه‌وه‌ بانگهێشتی‌ ده‌سته‌ی‌ سه‌رۆكایه‌تی‌ ده‌كات بۆ كۆبوونه‌وه‌ی‌ ئاسایی‌، هه‌روه‌ك سه‌رۆك یان هه‌ردوو جێگره‌كه‌ی‌ به‌یه‌كه‌وه‌ ده‌توانن ده‌سته‌ی‌ سه‌رۆكایه‌تی‌ بانگهێشت بكه‌ن بۆ كۆبوونه‌وه‌ی‌ نائاسایی‌. دانیشتنی‌ ده‌سته‌ی‌ سه‌رۆكایه‌تیش یاسایی ده‌بێت به‌ ئاماده‌بوونی‌ زۆرینه‌ی‌ ده‌سته‌كه‌.
به‌ندی‌ ژماره‌(11)
یه‌كه‌م: له‌ كاتێكدا كه‌ سه‌رۆك یان جێگره‌كانی‌ نه‌یانتوانی‌ ئه‌ركه‌كانیان جێبه‌جێبكه‌ن، یه‌كێكی‌ دیكه‌ به‌ شێوه‌یه‌كی‌ كاتی‌‌و به‌زۆرینه‌ی‌ ده‌نگ هه‌ڵده‌بژێردرێت له‌ نێوان ئاماده‌بووان بۆ سه‌رۆكایه‌تی‌ ئه‌نجومه‌نی‌ نوێنه‌ران.
دووه‌م:سه‌رۆك یان هه‌ردوو جێگره‌كه‌ به‌یه‌كه‌وه‌ داوای‌ ئه‌نجامدانی‌ دانیشتنی‌ ئه‌نجومه‌ن ده‌كه‌ن به‌پێێ‌ ئه‌و به‌رنامه‌ی دانیشتنه‌ كه‌ ده‌سته‌ی‌ سه‌رۆكایه‌تی‌ له‌سه‌ری‌ ڕێكده‌كه‌وێت.
سێیه‌م: دانیشتنه‌كان به‌ ڕێككه‌وتن یان ڕێككه‌وتنی‌ سه‌رۆك له‌گه‌ڵ یه‌كێك له‌ جێگره‌كان كۆتایی پێده‌هێنرێت.
به‌ندی‌ ژماره‌(12)
یه‌كه‌م: ئه‌گه‌ر یه‌كێك له‌ ئه‌ندامانی‌ ده‌سته‌ی‌ سه‌رۆكایه‌تی‌ ده‌ستی‌ له‌كار كێشایه‌وه‌، له‌لایه‌ن ئه‌نجومه‌نی‌ نوێنه‌رانه‌وه‌ به‌زۆرینه‌ی‌ ده‌نگی‌ ئاماده‌بووان ده‌ست له‌كار كێشانه‌وه‌كه‌ی‌ وه‌رده‌گیرێت.
دووه‌م: ئه‌نجومه‌نی‌ نوێنه‌ران ده‌توانێت هه‌ر ئه‌ندامێكی‌ ده‌سته‌ی‌ سه‌رۆكایه‌تی‌ له‌سه‌ركار لاببات به‌پێی‌ یاسا.
سێیه‌م: ئه‌گه‌ر پۆستی‌ سه‌رۆكی‌ ئه‌نجومه‌ن یان یه‌كێك له‌ دوو جێگره‌كه‌ی‌ به‌تاڵ‌ بوو له‌به‌ر هه‌ر هۆیه‌ك بێت، ئه‌نجومه‌نی‌ نوێنه‌ران كه‌سێك له‌ جیاتی‌ هه‌ڵده‌بژێرێت له‌یه‌كه‌م دانیشتن كه‌ ئه‌نجامی‌ ده‌دات بۆ پڕكردنه‌وه‌ی‌ پۆسته‌كه‌ به‌پێی‌ پرنسیپی‌ هاوسه‌نگی‌ سیاسی نێوان لیسته‌كان. 

به‌شی‌ سێیه‌م
ئه‌ندامێتی‌ له‌ ئه‌نجومه‌نی‌ نوێنه‌راندا
به‌ندی‌ ژماره‌(13)
پێویسته‌ ئه‌م مه‌رجانه‌ی‌ خواره‌وه‌ له‌ ئه‌ندامی‌ ئه‌نجومه‌نی‌ نوێنه‌راندا هه‌بێت:
یه‌كه‌م: پێویسته‌ عێراقی‌ بێت‌و لێهاتوویی ته‌واوی‌ تێدابێت به‌پێی‌ ماده‌ی‌ (49) بڕگه‌ی‌ دووه‌م له‌ ده‌ستور.
دووه‌م: نابێت بڕگه‌كانی‌ یاسای‌ ڕیشه‌كێشكردنی‌ به‌عس بیگرێته‌وه‌ به‌پێی‌ ماده‌ی‌ (135) بڕگه‌ی‌ سێیه‌م له‌ ده‌ستور.
سێیه‌م:ئه‌و مه‌رجانه‌ی‌ تری‌ تێدابێت كه‌ له‌ یاسای‌ هه‌ڵبژاردن ئاماژه‌ی‌ پێكراوه‌.
به‌ندی‌ ژماره‌(14)
پاڵێوراو له‌ به‌رواری‌ په‌سه‌ندكردنی‌ ده‌ره‌نجامی‌ هه‌ڵبژاردنه‌كان به‌ ئه‌ندامی‌ ئه‌نجومه‌نی‌ نوێنه‌ران داده‌نرێت‌و سه‌رجه‌م مافه‌كانی‌ ئه‌ندامێتیشی‌ ده‌بێت. له‌ دوای‌ سوێندی‌ یاساییش ده‌ست به‌كار ده‌بێـت. 
به‌ندی‌ ژماره‌(15)
ئه‌ندامی‌ ئه‌نجومه‌نی‌ نوێنه‌ران به‌ ده‌ست له‌ كار كێشراوه‌ داده‌نرێت‌و مافه‌كانی‌ ئه‌ندامێتی‌ نامێنێ‌ ، ئه‌گه‌ر بووه‌ ئه‌ندام له‌ ئه‌نجومه‌نی‌ سه‌رۆكایه‌تی‌ یان ئه‌نجومه‌نی‌ وه‌زیران. 
به‌ندی‌ ژماره‌(16)
ئه‌ندامی‌ ئه‌نجومه‌نی‌ نوێنه‌ران ده‌بێت پابه‌ند بێت به‌م خاڵانه‌ی‌ خواره‌وه‌:
یه‌كه‌م: ئاماده‌بوون له‌ كۆبوونه‌وه‌كانی‌ ئه‌نجومه‌نی‌ نوێنه‌ران‌و ئه‌و لیژنانه‌ی‌ ئه‌ندامه‌ تێیدا ته‌نها مه‌گه‌ر به‌ بیانوویه‌كی‌ یاسایی نه‌بێت كه‌ سه‌رۆكی‌ ئه‌نجومه‌نی‌ نوێنه‌ران یان سه‌رۆكی‌ لیژنه‌ دیاری‌ ده‌كات. 
دووه‌م: كاتێك ده‌چێته‌ ده‌ره‌وه‌ی‌ وڵات ده‌بێت ده‌سته‌ی‌ سه‌رۆكایه‌تی‌ ئاگادار بكات.
به‌ندی‌ ژماره‌(17)
یه‌كه‌م: سه‌رۆك ده‌توانێت مۆڵه‌تی‌ ئاسایی‌ بدات به‌ ئه‌ندام كه‌ له‌ (15) ڕۆژ تێپه‌ڕنه‌كات له‌ ماوه‌ی‌ خوولێكی‌ ساڵانه‌ی‌ ئه‌نجومه‌نی‌ نوێنه‌ران.
دووه‌م: ئه‌ندام ده‌توانێت مۆڵه‌تی‌ نه‌خۆشی‌ وه‌ربگرێت به‌ پێی‌ یاسا، هه‌روه‌ها ده‌سته‌ی‌ سه‌رۆكایه‌تی‌ باری‌ منداڵبوون دیاری‌ ده‌كات.
سێیه‌م: ماوه‌ی‌ چوونه‌ ده‌ره‌وه‌ی‌ وڵات به‌ كاری‌ ئه‌نجومه‌نی‌ نوێنه‌ران به‌ نه‌هاتن دانانرێت.
به‌ندی‌ ژماره‌(18)
یه‌كه‌م: تۆماری‌ ئاماده‌بوون‌و نه‌هاتنی‌ ئه‌ندامان ده‌نووسرێت‌و له‌ بڵاوكراوه‌ی‌ ئاسایی ئه‌نجومه‌ن و یه‌كێك له‌ ڕۆژنامه‌كاندا بڵاوده‌كرێته‌وه‌.
دووه‌م: له‌ كاتێكدا ئه‌ندام پێنج جار به‌دوای‌ یه‌كدا یان ده‌جار به‌شێوه‌ی پچڕپچڕ له‌ماوه‌ی‌ خوولی‌ یاسادانانی‌ ساڵێكدا به‌بێ‌ بیانووی‌ یاسایی‌ ئاماده‌ نه‌بوو، ده‌سته‌ی‌ سه‌رۆكایه‌تی‌ ده‌توانێت به‌ نووسراوێك ئاگاداری‌ بكاته‌وه‌و تێیدا داوای‌ پابه‌ند بوونی‌ لێبكات. له‌ كاتێكدا ئه‌گه‌ر ئه‌ندام ئاماده‌نه‌بوو له‌به‌رده‌م ده‌سته‌ی‌ سه‌رۆكایه‌تیدا، كێشه‌كه‌ ده‌خرێته‌ به‌رده‌م ئه‌نجومه‌نی‌ نوێنه‌ران له‌سه‌ر داوای‌ ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران.
سێیه‌م: ئه‌گه‌ر له‌بارێكدا ئه‌ندام ئاماده‌نه‌بوو له‌ دانیشتنێكی‌ ئه‌نجومه‌ندا ڕێژه‌یه‌كی‌ دیاریكراو له‌ ده‌رماڵه‌كه‌ی‌ ده‌بڕدرێت.
به‌ندی‌ ژماره‌(19)
یه‌كه‌م: ناكرێت له‌ یه‌ك كاتدا ئه‌ندامی‌ ئه‌نجومه‌نی‌ نوێنه‌ران  كارێكی‌ تر یان پۆستێكی‌ فه‌رمی‌ دیكه‌ی‌ هه‌بێت.
دووه‌م: ناكرێت ئه‌ندامی‌ ئه‌نجومه‌نی‌ نوێنه‌ران له‌ هه‌مان كاتدا ئه‌ندامیش بێت له‌ ئه‌نجومه‌نی‌ یاسادانانی‌ هه‌رێمه‌كان یان ئه‌نجومه‌نی‌ پارێزگاكان. پێویسته‌ ئه‌ندام یه‌كێك له‌و دوو پۆسته‌ هه‌ڵبژێرێت، ئه‌گه‌ر بێده‌نگ بوو ئه‌وا به‌ ئه‌ندامی‌ ئه‌نجومه‌نی‌ نوێنه‌ران داده‌نرێت.
سێیه‌م: نابێت ئه‌ندام له‌گه‌ڵ‌ فه‌رمانگه‌ حكومیه‌كان بۆ خۆی‌ یان له‌ ڕێی‌ كه‌سێكی‌ دیكه‌ گرێبه‌ند ببه‌ستێ‌ له‌كاتی‌ ئه‌ندامێتی‌ له‌ ئه‌نجومه‌نی‌ نوێنه‌ران، هه‌روه‌ها نابێت ئه‌ندامبوونی‌ به‌كاربهێنێت بۆ مه‌به‌ستی‌ تایبه‌تی‌.
به‌ندی‌ ژماره‌(20)
یه‌كه‌م: ئه‌ندام لێی‌ ناپرسرێته‌وه‌ به‌رامبه‌ر ئه‌و بۆچوونانه‌ی‌ ده‌ری‌ ده‌بڕێ‌ یان هه‌ر كارێك ئه‌نجامی‌ ده‌دات له‌ كاتی‌ جێبه‌جێكردنی‌ ئه‌ركه‌كانی‌ له‌ ئه‌نجومه‌نی‌ نوێنه‌ران.
دووه‌م: نابێت ئه‌ندامی‌ ئه‌نجومه‌نی‌ نوێنه‌ران ده‌ستگیر بكرێت له‌ ماوه‌ی‌ وه‌رزی‌ یاساداناندا مه‌گه‌ر به‌تاوانێك تۆمه‌تبار بكرێت، به‌ڕه‌زامه‌ندی‌ زۆرینه‌ی‌ ڕه‌هاش پارێزگاری‌ یاسایی (حصانه‌)ی‌ لێوه‌رده‌گیرێته‌وه‌، یاخود ئه‌گه‌ر له‌كاتی‌ ئه‌نجامدانی‌ تاوانێك ده‌ستگیربكرێت.
سێیه‌م: نابێت ئه‌ندام له‌ پاش وه‌رزی‌ یاسادانان ده‌ستگیربكرێت  مه‌گه‌ر به‌تاوانێك تۆمه‌تباركرابێت‌و به‌ڕه‌زامه‌ندی‌ سه‌رۆكی‌ ئه‌نجومه‌نی‌ نوێنه‌ران پارێزگاری‌ یاسایی (حصانه‌)ی‌ لێوه‌رده‌گیرێته‌وه‌، یاخود ئه‌گه‌ر له‌كاتی‌ ئه‌نجامدانی‌ تاوانێك ده‌ستگیربكرێت.

به‌شی‌ چواره‌م
دانیشتنه‌كانی‌ ئه‌نجومه‌نی‌ نوێنه‌ران
به‌ندی‌ ژماره‌(21)
دانیشتنه‌كانی‌ ئه‌نجومه‌نی‌ نوێنه‌ران له‌ شاری‌ به‌غدا ئه‌نجامده‌درێت، هه‌روه‌ك ده‌كرێت له‌ شوێنی‌ دیكه‌ ئه‌نجامبدرێت ئه‌گه‌ر پێویست بوو.
به‌ندی‌ ژماره‌(22)
یه‌كه‌م:ئه‌نجومه‌نی‌ نوێنه‌ران خولێكی‌ یاسادانانی‌ ساڵانه‌ی‌ هه‌یه‌ كه‌ له‌ دوو وه‌رزی‌ یاسادانان پێكدێت، یه‌كه‌میان له‌ یه‌كی‌ ئازاره‌وه‌ ده‌ستپێده‌كات‌و له‌ 30 حوزه‌یرانی‌ هه‌موو ساڵێك كۆتایی پێدێت. وه‌رزی‌ دووه‌میش له‌ یه‌كی‌ ئه‌یلول ده‌ستپێده‌كات‌و له‌ 31ی‌ كانوونی‌ دووه‌م كۆتایی پێدیت.
دووه‌م: ئه‌و وه‌رزی‌ یاسادانانه‌ی‌ كه‌ بودجه‌ی‌ گشتی‌ ساڵانه‌ی‌  ده‌وڵه‌تی‌ تێداخراوه‌ته‌ڕوو كۆتایی نایه‌ت تاپه‌سه‌ند ده‌كرێت.
سێیه‌م: دانیشتنه‌كانی‌ ئه‌نجومه‌نی‌ نوێنه‌ران لانی‌ كه‌م دوو ڕۆژ له‌ یه‌ك هه‌فته‌دا ئه‌نجام ده‌درێت، ده‌سته‌ی‌ سه‌رۆكایه‌تیش ده‌توانێت ماوه‌كه‌ی‌ درێژبكاته‌وه‌ یان دیاری‌ بكات به‌پێی‌ پێویست.
به‌ندی‌ ژماره‌(23)
ڕێژه‌ی‌ یاسایی‌ بۆ ئه‌نجامدانی‌ دانیشتنی‌ ئه‌نجومه‌نی‌ نوێنه‌ران به‌ ئاماده‌بوونی‌ زۆرینه‌ی‌ ڕه‌های‌ ئه‌ندامانی‌ ده‌بێت‌و بڕیاره‌كانیش به‌ زۆرینه‌ی‌ كه‌می‌ ده‌نگی‌ ئه‌ندامانی‌ ئاماده‌بوو ده‌درێت، به‌ مه‌رجێك ده‌ستور پێچه‌وانه‌ی‌ ئه‌مه‌ی‌ بڕیار نه‌دابێت. له‌كاتی‌ یه‌كسان بوونی‌ ده‌نگه‌كانیش ئه‌و لایه‌ په‌سه‌ند ده‌كرێت كه‌ سه‌رۆك ده‌نگی‌ بۆ ده‌دات.  
به‌ندی‌ ژماره‌(24)
نابێت دانیشتن ده‌ست پێبكات هه‌تا ڕێژه‌ی‌ یاسایی‌ پێویست ئاماده‌ نه‌بێت، كه‌ له‌ بڕگه‌ی‌ (23)ی‌ ئه‌م په‌یڕه‌وی‌ ناوخۆیه‌ ئاماژه‌ی‌ پێكراوه‌. ئه‌گه‌ر ده‌ركه‌وت ڕێژه‌ی‌ یاسایی‌ ئاماده‌نه‌بووه‌، سه‌رۆك دانیشتنه‌كه‌ بۆ ماوه‌ی‌ نیو كاتژمێر دواده‌خات، ئه‌گه‌ر هه‌ر ڕێژه‌ی‌ یاسایی‌ ته‌واو نه‌بوو ئه‌وا سه‌رۆك دواخستنی‌ دانیشتنه‌كه‌ ڕاده‌گه‌یه‌نێت‌و واده‌یه‌كی‌ دی‌ دیارده‌كرێـت بۆ ئه‌نجامدانی‌ دانیشتن. 
به‌ندی‌ ژماره‌ (25)
بوونی‌ رێژه‌ی‌ یاسایی به‌ پێویست داده‌نرێت له‌كاتی‌ ده‌نگداندا، به‌ڵام به‌مه‌رج دانانرێت بۆ به‌رده‌وامبوونی‌ كۆبوونه‌وه‌كه‌.
به‌ندی‌ ژماره‌(26)
ئه‌نجومه‌نی‌ نوێنه‌ران به‌رده‌وام ده‌بێت له‌ كاره‌كانی‌ له‌گه‌ڵ ڕه‌چاوكردنی‌ بڕگه‌كانی‌ ماده‌ی‌ (56) له‌ ده‌ستور.
به‌ندی‌ ژماره‌(27)
ئه‌ندام مافی‌ ئه‌وه‌ی‌ هه‌یه‌ كه‌ ناڕه‌زایی بخاته‌ڕوو (خاڵی‌ یاسایی "نقگه‌ نڤام") له‌ به‌ڕێوه‌چوونی‌ گفتوگۆكاندا ئه‌گه‌ر سه‌رپێچی‌ یه‌كێك له‌ ماده‌كانی‌ ده‌ستور یان یاسا كرا یان گفتوگۆكان چوارچێوه‌ی‌ كارنامه‌ی‌ دانیشتنه‌كه‌یان به‌زاند، هه‌روه‌ك پێویسته‌ ئه‌و ماده‌یه‌ بخاته‌ڕوو كه‌ پشتی‌ پێ به‌ستووه‌.
به‌ندی‌ ژماره‌(28)
ئه‌نجومه‌نی‌ سه‌رۆكایه‌تی‌ یان سه‌رۆكی‌ ئه‌نجومه‌نی‌ وه‌زیران یاخود په‌نجا په‌رله‌مانتار ده‌توانن داوای‌ ئه‌نجامدانی‌ دانیشتنێكی‌ نائاسایی بكه‌ن، به‌مه‌رجێك دانیشتنه‌كه‌ ته‌نها تایبه‌ت بێت به‌و بابه‌تانه‌ی‌ كه‌ له‌ بانگهێشته‌كه‌دا دیاری‌ كراوه‌.
به‌ندی‌ ژماره‌(28)
یه‌كه‌م: دانیشتنه‌كانی‌ ئه‌نجومه‌نی‌ نوێنه‌ران به‌ ئاشكرا ئه‌نجام ده‌درێت، ته‌نها له‌كاتێكدا نه‌بێت كه‌ بارودۆخه‌كه‌ پێچه‌وانه‌ی‌ ئه‌مه‌ بخوازێت، له‌سه‌ر داوای‌ سه‌رۆكی‌ دانیشتنه‌كه‌ یان ده‌سته‌ی‌ سه‌رۆكایه‌تی‌ یاخود سه‌رۆكی‌ ئه‌نجومه‌نی‌ وه‌زیران یان له‌سه‌ر داوای‌ سی‌‌وپێنج په‌رله‌مانتارو به‌ڕه‌زامه‌ندی‌ زۆرینه‌ی‌ ئه‌ندامانی‌ ئاماده‌بوو. له‌م كاته‌دا هیچ كه‌سێك ئاماده‌ی‌ دانیشتنه‌كه‌ نابێت، به‌ كارمه‌ندانیشه‌وه‌و یه‌كێك له‌ دوو جێگره‌كه‌و هه‌ركه‌سێكی‌ دیكه‌ له‌ ئه‌ندامان كه‌ له‌لایه‌ن ده‌سته‌ی‌ سه‌رۆكایه‌تیه‌وه‌ ده‌ستنیشان بكرێت كۆنووسی‌ دانیشتنه‌كه‌ رێكده‌خه‌ن.
دووه‌م: كۆنووسی‌ دانیشتنه‌كانی‌ ئه‌نجومه‌ن به‌و ڕێگه‌یه‌ی‌ كه‌ ده‌سته‌ی‌ سه‌رۆكایه‌تی‌ به‌باشی‌ ده‌زانێت بڵاوده‌كرێته‌وه‌.

به‌شی‌ پێنجه‌م
بواره‌كانی‌ كاری‌ ئه‌نجومه‌نی‌ نوێنه‌ران
به‌ندی‌ ژماره‌(30)
ئه‌نجومه‌نی‌ نوێنه‌ران ئه‌و كارانه‌ ئه‌نجام ده‌دات كه‌ له‌ ماده‌ی‌ (61)ی‌ ده‌ستور ئاماژه‌ی‌ پێكراوه‌.
به‌ندی‌ ژماره‌(30)
ئه‌نجومه‌نی‌ نوێنه‌ران ئه‌م كاره‌ یاساییانه‌ جێبه‌جێده‌كات:
یه‌كه‌م: ده‌ركردنی‌ په‌یڕه‌وی‌ ناوخۆی‌ تایبه‌ت به‌ ئه‌نجومه‌نی‌ نوێنه‌ران.
دووه‌م: دانانی‌ یاسای‌ تایبه‌ت به‌ جێگرتنه‌وه‌ی‌ ئه‌ندامانی‌ ئه‌نجومه‌نی‌ نوێنه‌ران له‌ كاتی‌ ده‌ست له‌كار كێشانه‌وه‌ یان له‌كار خستن یان مردن یان له‌ده‌ستدانی‌ ئه‌ندامێتی‌ له‌به‌ر هه‌ر هۆیه‌ك بێت.
سێیه‌م: چاوخشاندنه‌وه‌ به‌ پڕۆژه‌ی‌ یاسا پێشنیاركراوه‌كان كه‌ له‌لایه‌ن ئه‌نجومه‌نی‌ سه‌رۆكایه‌تی‌ یان ئه‌نجومه‌نی‌ وه‌زیرانه‌وه‌ پێشكه‌شكراوه‌، له‌وانه‌ش پڕۆژه‌ی‌ یاسای‌ بودجه‌ی‌ گشتی‌ ساڵانه‌ی‌ ده‌وڵه‌ت‌و بودجه‌ی‌ ته‌واوكاری‌‌و په‌سه‌ندكردنی‌ ژمێریاری‌ كۆتایی، هه‌روه‌ك كاری‌ ئه‌نجومه‌ن تایبه‌تمه‌ندیشه‌ به‌ گواستنه‌وه‌ی‌ به‌ش‌و به‌نده‌كانی‌ بودجه‌ی‌ گشتی‌‌و كه‌مكردنه‌وه‌ی‌ كۆی‌ بڕی‌ بودجه‌كه‌، له‌هه‌مانكاتدا ئه‌نجومه‌ن ده‌توانێت له‌كاتی‌ پێویستدا پێشنیاربكات به‌وه‌ی‌ ئه‌نجومه‌نی‌ وه‌زیران بڕی‌ خه‌رجیه‌كان زیادبكات به‌پێی‌ ماده‌ی‌ 62ی‌ ده‌ستور.
چواره‌م: دانانی‌ بودجه‌یه‌كی‌ سه‌ربه‌خۆو ته‌واو بۆ دادگا.
پێنجه‌م: په‌سه‌ندكردنی‌ بودجه‌ی‌ ئه‌نجومه‌نی‌ نوێنه‌ران‌و لیژنه‌كانی‌.
شه‌شه‌م: چاوخشاندنه‌وه‌ به‌ پڕۆژه‌ی‌ یاسای‌ پێشنیاركراو له‌لایه‌ن ئه‌ندامانی‌ ئه‌نجومه‌نی‌ نوێنه‌ران‌و لیژنه‌كانی‌ ئه‌نجومه‌ن.
حه‌وته‌م: ئه‌گه‌ر ئه‌نجومه‌نی‌ نوێنه‌ران بڕیارێكی‌ ده‌ركردو له‌ لایه‌ن ئه‌نجومه‌نی‌ سه‌رۆكایه‌تی‌ ڕه‌زامه‌ندی‌ له‌سه‌ر نیشان نه‌درا، ئه‌وا پڕۆژه‌ی‌ یاساكه‌ ده‌گه‌ڕێته‌وه‌ بۆ ئه‌نجومه‌نی‌ نوێنه‌ران به‌مه‌به‌ستی‌ چاوخشاندنه‌وه‌ له‌و بوارانه‌ی‌ كه‌ ناڕه‌زایی له‌سه‌ره‌و به‌ زۆرینه‌ی‌ ئه‌ندامان ده‌نگی‌ له‌سه‌ر ده‌درێت، پاشان دووباره‌ ڕه‌وانه‌ی‌ ئه‌نجومه‌نی‌ سه‌رۆكایه‌تی‌ ده‌كرێـته‌وه‌ به‌مه‌به‌ستی‌ نیشاندانی‌ ڕه‌زامه‌نی‌ له‌سه‌ری‌. ئه‌گه‌ر بۆ جاری‌ دووه‌م ئه‌نجومه‌نی‌ سه‌رۆكایه‌تی‌ له‌ماوه‌ی‌ ده‌ ڕۆژدا له‌به‌رواری‌ گه‌یشتنی‌ یاساكه‌دا ڕه‌زامه‌ندی‌ له‌سه‌ر نیشان نه‌دا، ده‌گه‌ڕێته‌وه‌ بۆ ئه‌نجومه‌نی‌ نوێنه‌ران‌و له‌م كاته‌شدا ئه‌نجومه‌ن ده‌توانێت به‌زۆرینه‌ی‌ 35ی‌ ئه‌ندامانی‌ په‌سه‌ندی‌ بكات‌و نابێت ناڕه‌زایی له‌سه‌ر نیشان بدرێت‌و به‌په‌سه‌ندكراو داده‌نرێت.
به‌ندی‌ ژماره‌(32)
ئه‌نجومه‌نی‌ نوێنه‌ران كاری‌ چاودێریكردنی‌ ده‌سه‌ڵاتی‌ جێببه‌جێكردن له‌ ئه‌ستۆ ده‌گرێت، به‌م پێیه‌ش ئه‌م ده‌سه‌ڵاتانه‌ی‌ خواره‌وه‌ی‌ ده‌بێت:
یه‌كه‌م:بانگهێشتكردنی‌ ئه‌ندامانی‌ ئه‌نجومه‌نی‌ سه‌رۆكایه‌تی‌‌و لێپرسینه‌وه‌و بانگهێشتكردنی‌ ئه‌ندامانی‌ ئه‌نجومه‌نی‌ وه‌زیران به‌ سه‌رۆك وه‌زیرانیشه‌وه‌، یاخود هه‌ر به‌رپرسێكی‌ دیكه‌ی‌ ده‌سه‌ڵاتی‌ جێبه‌جێكردن.
دووه‌م: ئه‌نجامدانی‌ لێكۆڵینه‌وه‌ له‌گه‌ل ئه‌و به‌پرسانه‌ی‌ ئاماژه‌یان پێدرا سه‌باره‌ت به‌ هه‌ر ڕووداوێك كه‌ ئه‌نجومه‌نی‌ نوێنه‌ران پێی‌ وایه‌ په‌یوه‌ندیداره‌ به‌ به‌رژه‌وه‌ندی‌ گشتی‌ یان مافی‌ هاوڵاتیانه‌وه‌.
سێیه‌م: داواكردنی‌ زانیاری‌‌و به‌ڵگه‌نامه‌ له‌هه‌ر لایه‌نێكی‌ ڕه‌سمی‌ سه‌باره‌ت به‌هه‌ر بابه‌تێك كه‌ په‌یوه‌ندیداره‌ به‌ به‌رژه‌وه‌ندی‌ گشتی‌ یان مافی‌ هاوڵاتیان ، یاخود جێبه‌جێكردنی‌ یاساكان له‌لایه‌ن ده‌سته‌و ده‌زگاكانی‌ ده‌سه‌ڵاتی‌ جێبه‌جێكردنه‌وه‌.
چواره‌م: داوای‌ ئاماده‌بوونی‌ هه‌ركه‌سێك بۆ شایه‌تیدان یان ڕوونكردنه‌وه‌ی‌ هه‌ڵویست یان ئاشكراكردنی‌ زانیاری‌ سه‌باره‌ت به‌هه‌ر بابه‌تێك كه‌ له‌لایه‌ن ئه‌نجومه‌نی‌ نوێنه‌رانه‌وه‌ خرابێته‌ ڕوو هه‌روه‌ها مایه‌ی‌ كۆڵینه‌وه‌ بێت.
پێنجه‌م: ئه‌ندامانی‌ ئه‌نجومه‌نی‌ نوێنه‌ران ده‌توانن سه‌ردانی‌ وه‌زاره‌ت‌و فه‌رمانگه‌كانی‌ ده‌وڵه‌ت بكه‌ن بۆ به‌دواداچوونی‌ كاره‌كانیان‌و ئاگاداربوونی‌ باش به‌ڕێوه‌چوونیان‌و جێبه‌جێكردنی‌ یاسا.

به‌شی‌ شه‌شه‌م
ئه‌ركی‌ سه‌رۆكی‌ ئه‌نجومه‌نی‌ نوێنه‌ران و هه‌ردوو جێگره‌كه‌ی‌
به‌ندی‌ ژماره‌(33)
سه‌رۆكی‌ ئه‌نجومه‌نی‌ نوێنه‌ران ئه‌و كه‌سه‌یه‌ كه‌ نوێنه‌رایه‌تی‌ ئه‌نجومه‌نی‌ نوێنه‌ران ده‌كات‌و به‌ناوی‌ ئه‌نجومه‌نه‌وه‌ ده‌دوێت.
به‌ندی‌ ژماره‌(34)
سه‌رۆكی‌ ئه‌نجومه‌نی‌ نوێنه‌ران ئه‌م ئه‌ركانه‌ی‌ خواره‌وه‌ له‌ ئه‌ستۆ ده‌گرێت:
یه‌كه‌م: كاركردن بۆ جێبه‌جێكردنی‌ ده‌ستورو یاساو په‌یڕه‌وی‌ ناوخۆی‌ ئه‌نجومه‌نی‌ نوێنه‌ران.
دووه‌م: كردنه‌وه‌و سه‌رۆكایه‌تیكردنی‌ دانیشته‌كانی‌ ئه‌نجومه‌نی‌ نوێنه‌ران.
سێیه‌م: بانگهێشتكردنی‌ ئه‌نجومه‌نی‌ نوێنه‌ران بۆ ئه‌نجامدانی‌ دانیشتنی‌ نائاسایی.
چواره‌م:داوای‌ درێژكردنه‌وه‌ی‌ وه‌رزی‌ یاسادانانی‌ خوولی‌ ساڵانه‌ی‌ ئه‌نجومه‌نی‌ نوێنه‌ران به‌مه‌رجێك له‌ سی‌ ڕۆژ تێپه‌ڕنه‌كات.
پێنجه‌م:به‌ڕێوه‌بردن‌و پاراستنی‌ هێمنی‌ گفتوگۆكان‌و دیاریكردنی‌ بابه‌تی‌ گفتوگۆكان هه‌روه‌ها ئاڕاسته‌كردنی‌ ئه‌و كه‌سه‌ی‌ ده‌یه‌وێت به‌شداری‌ بكات تا له‌سنووری‌ بابه‌ته‌كه‌و یاسا ده‌رنه‌چێت، هه‌روه‌ها مافی‌ ئه‌وه‌ی‌ هه‌یه‌ كه‌ هه‌ر بابه‌تێك ڕوون بكاته‌وه‌ كه‌ ڕۆشن نه‌بێت یان داوای‌ ڕوونكردنه‌وه‌ی بكات.
شه‌شه‌م: ئه‌و بابه‌تانه‌ی‌ كه‌ پێویستی‌ به‌ ده‌نگدانه‌ بیخاته‌ ده‌نگدانه‌وه‌و ئه‌نجامی‌ ده‌نگدانه‌كه‌ ئاشكرابكات.
حه‌وته‌م: نوێنه‌رایه‌تیكردنی‌ ئه‌نجومه‌نی‌ نوێنه‌ران له‌ ئاهه‌نگه‌ نیشتمانی‌و بۆنه‌كانی‌ دیكه‌دا، هه‌روه‌ك ده‌توانێت یه‌كێك له‌ جێگره‌كانی‌ یان ئه‌ندامان ڕابسپێرێ‌ بۆ ئه‌نجامدانی‌ ئه‌و كاره‌.
هه‌شته‌م: گرتنه‌به‌ری‌ ڕێوشوێنی‌ پێویست بۆ پاراستنی‌ ئاسایش‌و یاسا له‌ نێوئه‌نجومه‌نی‌ نوێنه‌راندا.
نۆیه‌م: چاودێری‌‌و سه‌رپه‌رشتیكردنی‌ فه‌رمانبه‌ران‌و كارمه‌ندانی‌ دیوانی‌ ئه‌نجومه‌نی‌ نوێنه‌ران‌و ئه‌نجامدانی‌ سه‌رجه‌م ئه‌و ده‌سه‌ڵاتانه‌ی‌ كه‌ له‌م باره‌یه‌وه‌ بڕیاری‌ له‌سه‌ردراوه‌ به‌مه‌رجێك پێچه‌وانه‌ نه‌بێت له‌گه‌ڵ ماده‌ی‌ (9)ی‌ ئه‌م په‌یڕه‌وی‌ ناوخۆیه‌.
به‌ندی‌ ژماره‌(35)
یه‌كه‌م: جێگری‌ یه‌كه‌م ئه‌م ئه‌ركانه‌ی‌ خواره‌وه‌ جێبه‌جێ‌ ده‌كات:
أ . جێبه‌جێكردنی‌ ئه‌ركه‌كانی‌ سه‌رۆكی‌ ئه‌نجومه‌نی‌ نوێنه‌ران له‌كاتی‌ ئاماده‌نه‌بوونی‌ یان ئه‌گه‌ر نه‌یتوانی‌ ئه‌ركه‌كانی‌ جێبه‌جێ بكات.
ب . به‌دواداچوونی‌ كاری‌ لیژنه‌ هه‌میشه‌ییه‌كان‌و پێشكه‌شكردنی‌ ڕاپۆرت له‌وباره‌یه‌وه‌ به‌و پێیه‌ی‌ ده‌سته‌ی‌ سه‌رۆكایه‌تی‌ له‌سه‌ری‌ ڕێك ده‌كه‌وێت.
ج . سه‌رپه‌رشتیكردنی‌ دانیشتنی‌ هاوبه‌شی‌ لیژنه‌ هه‌میشه‌ییه‌كانی‌ ئه‌نجومه‌نی‌ نوێنه‌ران.
دووه‌م: جێگری‌ دووه‌م ئه‌م ئه‌ركانه‌ جێبه‌جێده‌كات:
أ . جێبه‌جێكردنی‌ كاره‌كانی‌ سه‌رۆكی‌ ئه‌نجومه‌نی‌ نوێنه‌ران له‌ كاتی‌ ئاماده‌نه‌بوونی‌ سه‌رۆكی‌ ئه‌نجومه‌نی‌ نوێنه‌ران‌و جێگری‌ یه‌كه‌م، یاخود ئه‌گه‌ر نه‌یانتوانی‌ ئه‌ركه‌كانیان جێبه‌جێبكه‌ن.
ب . به‌دواداچوونی‌ كاری‌ لیژنه‌ هه‌میشه‌ییه‌كان‌و پێشكه‌شكردنی‌ ڕاپۆرت له‌و باره‌یه‌وه‌ به‌و شێوه‌یه‌ی‌ كه‌ ده‌سته‌ی‌ سه‌رۆكایه‌تی‌ له‌سه‌ری‌ ڕێك ده‌كه‌وێت.
ج . دڵنیا بوون له‌ ئاماده‌بوونی‌ ڕێژه‌یی‌ یاسایی‌ له‌ كاتی‌ ئه‌نجامدانی‌ دانیشتنی‌ ئه‌نجومه‌نی‌ نوێنه‌ران‌و سه‌رپه‌رشتی‌ پرۆسه‌ی‌ تۆماركردنی‌ ئه‌و ئه‌ندامانه‌ی‌ ئاماده‌ نه‌بوون، بیانوویان هه‌بێت یان نا.
د . دانانی‌ خشته‌ی‌ ناو

په‌یڕه‌وی‌ ناوخۆ (لاپه‌ڕه‌ی‌ دووه‌م)
به‌ندی‌ ژماره‌(39)
یه‌كه‌م: سه‌رۆكی‌ ئه‌نجومه‌نی‌ نوێنه‌ران دانیشته‌كه‌ ده‌كاته‌وه‌ به‌م شێوه‌یه‌ی‌ خواره‌وه‌: 
( به‌ناوی‌ خوای‌ به‌خشنده‌ی‌ میهره‌بان...له‌ جیاتی‌ گه‌ل دانیشتنه‌كه‌مان ده‌ستپێده‌كه‌ین.)
دووه‌م:خوێندنی‌ چه‌ند ئایه‌تێك له‌ قورئانی‌ پیرۆز له‌سه‌ره‌تای‌ هه‌موو دانیشتنێكدا.
به‌ندی‌ ژماره‌(40)
یه‌كه‌م:ئه‌ندامی‌ ئه‌نجومه‌نی‌ سه‌رۆكایه‌تی‌‌و ئه‌نجومه‌نی‌ وه‌زیران ده‌توانێت ئاماده‌ی‌ دانیشته‌كان ببێت له‌سه‌ر داوای‌ خۆی‌‌و به‌ ڕه‌زامه‌ندی‌ ده‌سته‌ی‌ سه‌رۆكایه‌تی‌ هه‌روه‌ها ده‌توانێت به‌شداری‌ له‌و گفتوگۆیانه‌دا بكات كه‌ په‌یوه‌ندیداره‌ به‌ كاروباری‌ وه‌زاره‌ته‌كه‌ی‌ یان حكومه‌ت، هه‌روه‌ك ده‌توانێت گه‌وره‌ به‌رپرسان‌و كارمه‌ندانی‌ وه‌زاره‌ته‌كه‌ی‌ له‌گه‌ڵ‌ خۆی‌ بهێنێ‌ تا پشتیان پی‌ ببه‌ستێ‌ دوای‌ مۆڵه‌ت خواستن له‌ سه‌رۆك.
دووه‌م: هاوڵاتیان‌و كارمه‌ندانی‌ بواری‌ ڕاگه‌یاندن مافی‌ ئاماده‌بوونی‌ دانیشته‌كانی‌ ئه‌نجومه‌نی‌ نوێنه‌رانیان هه‌یه‌ پاش مۆڵه‌ت وه‌رگرتن له‌ ده‌سته‌ی‌ سه‌رۆكایه‌تی‌ به‌مه‌رجێك دانیشته‌كه‌ نهێنی‌ نه‌بێـت.
به‌ندی‌ ژماره‌(41)
ئه‌ندام  له‌ دانیشته‌كاندا له‌سه‌ر مۆڵه‌تی‌ سه‌رۆك قسه‌ده‌كات، هه‌روه‌ها سه‌رۆك بۆی‌ هه‌یه‌ ماوه‌یه‌كی‌ دیاریكراو دابنێ‌ بۆ قسه‌كردن. هه‌روه‌ك ئه‌ندام نابێت له‌و ماوه‌یه‌ی‌ بۆی‌ دیاریكراوه‌ زیاتر بدوێ‌، بۆشی‌ نیه‌ زیاتر له‌ دوو جار به‌شداری‌ بكات له‌سه‌ر بابه‌تێك مه‌گه‌ر سه‌رۆكی‌ ئه‌نجومه‌ن ڕێگه‌ی‌ پێ بدات. 
به‌ندی‌ ژماره‌(42)
یه‌كه‌م: ئه‌ندام ووته‌كانی‌ ئاڕاسته‌ی‌ سه‌رۆك ده‌كات به‌مه‌رجێك له‌ بابه‌ته‌كه‌ ده‌رنه‌چێت‌و خۆی‌ دوور بگرێـت له‌ دووباره‌كردنه‌وه‌. ئه‌گه‌ر ئه‌ندام په‌یڕه‌وی‌ ئه‌م خاڵانه‌ی‌ نه‌كرد ئه‌وا ته‌نها سه‌رۆك بۆی‌ هه‌یه‌ ئاگاداری‌ بكات بۆ جێبه‌جێكردنی‌ بڕیاره‌كانی‌ ئه‌م په‌یڕه‌وی‌ ناوخۆیه‌.
دووه‌م: نابێت دووباره‌ گفتوگۆ له‌سه‌ر ئه‌و بابه‌تانه‌ بكرێت كه‌ یه‌كلاییكراونه‌وه‌.
به‌ندی‌ ژماره‌(43)
ئه‌و ئه‌ندامه‌ی‌ به‌شداری‌ ده‌كات ده‌توانێت ڕاوبۆچوونی‌ خۆی‌ ده‌رببڕێت به‌ڵام پێویسته‌ ڕێزو شكۆی‌ ده‌زگا ده‌ستوریه‌كانی‌ ده‌وڵه‌ت‌و ڕێزی‌ سه‌رۆك‌و ئه‌ندامانی‌  ئه‌نجومه‌نی‌ نوێنه‌ران بپارێزێت، به‌ شێوه‌یه‌كی‌ گشتی‌ پێچه‌وانه‌ی‌ یاساو هێمنی‌ دانیشتنه‌كه‌ نه‌وه‌ستێ‌.
به‌ندی‌ ژماره‌(44)
نابێت هیچ كه‌س جگه‌ له‌ سه‌رۆكی‌ ئه‌نجومه‌نی‌ نوێنه‌ران قسه‌ به‌و كه‌سه‌ ببڕێت كه‌ ده‌دوێت یان تێبینیه‌كی‌ ئاڕاسته‌ بكات. ته‌نها سه‌رۆك مافی‌ ئه‌وه‌ی‌ هه‌یه‌  ئاگاداری‌ بكات له‌هه‌ر كاتێكدا كه‌ ده‌دوێت ئه‌گه‌ر سه‌رپێچی‌ به‌ندی‌ پێشوو یان هه‌ر به‌ندێكی‌ دی‌ ئه‌م په‌یڕه‌وی‌ ناوخۆیه‌ی‌ كرد، یان بۆچوونه‌كه‌ی‌ ئه‌وه‌نده‌ ئاشكرابوو كه‌ چیدی‌ پێویستی‌ به‌وه‌ نه‌ده‌كرد له‌سه‌ری‌ بدوێ‌.  
به‌ندی‌ ژماره‌(45)
ســه‌رۆكــی‌ ئه‌نجومه‌نی‌ نوێنه‌ران ده‌تــوانــێــت فـــه‌رمـــان بــدات بــه‌لابــردنــی‌ ووتـــه‌ی‌ هـــه‌ریــه‌ك لــه‌ ئــه‌ندامان له‌ كۆنوسی‌ دانیشتنه‌كه‌دا ئه‌گه‌ر پێچه‌وانه‌ بوو له‌گه‌ڵ‌ بڕگه‌كانی‌ ئه‌م په‌یڕه‌وی‌ ناوخۆیه‌، له‌ كاتی‌ ده‌ربڕینی‌ ناڕه‌زایی له‌سه‌ر بڕیاره‌كه‌ ده‌خــرێــتــه‌ بــه‌رده‌م ئه‌نجومه‌نی‌ نوێنه‌ران بــۆ ئــه‌وه‌ی‌ بــه‌بــێ‌ مــشــتــومــڕ بــڕیــاری‌ خــۆی‌ بــدات لــه‌و باره‌یه‌وه‌.  
به‌ندی‌ ژماره‌(46)
ئــه‌گـــه‌ر یـــاســا لــه‌نـــاو ئه‌نجومه‌نی‌ نوێنه‌رانـدا تێكچوو ســه‌رۆكــیــش نه‌یتوانی‌ كـــۆنــتــڕۆڵــی‌ دانــیشــتــنــه‌كــه‌ بــكــات، ئــه‌وا دانــیــشــتــنـه‌كــه‌ هــه‌لــَده‌گــیــرێــــــت یان دواده‌خــــرێــــت.

به‌شی‌ هه‌شته‌م
ڕێوشوێنی‌ تایبه‌ت به‌ ئه‌نجومه‌نی‌ سه‌رۆكایه‌تی‌ ده‌وڵه‌ت
به‌ندی‌ ژماره‌(47)
ئه‌نجومه‌نی‌ نوێنه‌ران دانیشتنێكی‌ تایبه‌ت ئه‌نجام ده‌دات بۆ گفتوگۆكردن سه‌باره‌ت به‌ پاڵاوتنی‌ سه‌رۆك كۆمارو هه‌ردوو جێگره‌كه‌ی‌ به‌پێی‌ ماده‌ی‌ (70) له‌ ده‌ستور.
به‌ندی‌ ژماره‌(48)
سه‌رۆك كۆمارو هه‌ردوو جێگره‌كه‌ی‌ له‌به‌رده‌م سه‌رۆكی‌ ئه‌نجومه‌نی‌ ئه‌نجومه‌نی‌ نوێنه‌راندا سوێندی‌ یاسایی‌ ده‌خۆن، به‌و شێوه‌یه‌ی‌ كه‌ له‌ ماده‌ی‌ ژماره‌ (50)ی‌ ده‌ستوردا هاتووه‌.

به‌شی‌ نۆیه‌م
ڕێوشوێنی‌ متمانه‌به‌خشین‌و به‌دواداچوونی‌ به‌رنامه‌ی‌ حكومه‌ت
به‌ندی‌ ژماره‌(49)
یه‌كه‌م: سه‌رۆكی‌ ئه‌نجومه‌نی‌ وه‌زیرانی‌ ڕاسپێردراو ناوی‌ ئه‌ندامان‌و به‌رنامه‌ی‌ حكومه‌ت ده‌خاته‌ به‌رده‌م ئه‌نجومه‌نی‌ نوێنه‌ران.
دووه‌م: به‌رنامه‌ی‌ حكومه‌تی‌ سه‌رۆك وه‌زیران ڕه‌وانه‌ی‌ لیژنه‌یه‌كی‌ تایبه‌ت ده‌كرێت به‌سه‌رۆكایه‌تی‌ یه‌كێك له‌ جێگره‌كانی‌ سه‌رۆكی‌ ئه‌نجومه‌نی‌ نوێنه‌ران بۆ ئاماده‌كردنی‌ ڕاپۆرتێك له‌سه‌ری‌‌و پێشكه‌شكردنی‌ بۆ ئه‌نجومه‌ن پێش ده‌نگدان له‌سه‌ری‌.
سێیه‌م: حكومه‌ت متمانه‌ی‌ ئه‌نجومه‌نی‌ نوێنه‌ران به‌ده‌ست ده‌هێنێت پاش ڕه‌زامه‌ندی‌ نیشاندان له‌سه‌ر یه‌ك به‌یه‌كی‌ وه‌زیره‌كان‌و به‌رنامه‌ی‌ حكومه‌ت به‌ زۆرینه‌ی‌ ڕه‌ها.

به‌شی‌ ده‌یه‌م
پرسیارو لێپرسینه‌وه‌و بــانــگــهــێــشــتــكــردن
به‌ندی‌ ژماره‌(50)
 هه‌موو ئه‌ندامێك ده‌توانێت به‌ نووسراو پرسیار ئاڕاسته‌ی‌  ئه‌ندامانی‌ ئه‌نجومه‌نی‌ سه‌رۆكایه‌تی‌ یا سه‌رۆكی‌ ئه‌نجومه‌نی‌ وه‌زیران‌و جێگره‌كانی‌ یان وه‌زیره‌كان یاخود سه‌رۆكی‌ ده‌سته‌ سه‌ربه‌خۆكان‌و سه‌رۆكی‌ ئه‌و فه‌رمانگانه‌ی‌ كه‌ په‌یوه‌ندیدارنین به‌ حكومه‌ته‌وه‌ بكات، له‌ یه‌كێك له‌و كاروبارانه‌ی‌ كه‌ تایبه‌ته‌ به‌وان پاش ئاگاداركردنی‌ ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران. به‌مه‌به‌ستی‌ وه‌رگرتنی‌ ڕونكردنه‌وه‌ی‌ زیاتر له‌ كارێك كه‌ ئه‌ندام نایزانێت، یان لێكۆڵینه‌وه‌ له‌ ڕووداوێك كه‌ ئاگای‌ لێیه‌تی‌، یان وه‌ستان له‌سه‌ر سووربونی‌ حكومه‌ت له‌ كارێك له‌ كاره‌كاندا.
به‌ندی‌ ژماره‌(51)
ده‌بێت ئه‌و پرسیارانه‌ی‌ كه‌ پێویسته‌ زاره‌كی‌ له‌لایه‌ن به‌رپرسه‌وه‌ وه‌ڵام بدرێته‌وه‌ له‌ كارنامه‌ی‌ نزیكترین دانیشتندا دابنرێت، به‌لایه‌نی‌ كه‌مه‌وه‌ له‌ دوای‌ هه‌فته‌یه‌ك له‌ ئاگاداركردنی‌ به‌رپرسی‌ دیاریكراو، هه‌روه‌ك نابێت وه‌ڵامدانه‌وه‌ی‌ پرسیاره‌كان له‌ دوو هه‌فته‌ تێپه‌ڕبكات.
به‌ندی‌ ژماره‌(52)
نابێت ئه‌و پرسیارانه‌ بخرێنه‌ كارنامه‌ی‌ دانیشتنه‌كانه‌وه‌ كه‌ په‌یوه‌ندیدارن به‌و بابه‌تانه‌ی‌ ڕه‌وانه‌ی‌ لیژنه‌كانی‌ ئه‌نجومه‌نی‌ نوێنه‌ران كراون، پێش ئه‌وه‌ی‌ لیژنه‌كه‌ ڕاپۆرتی‌ خۆی‌ پێشكه‌ش به‌ ئه‌نجومه‌نی‌ نوێنه‌ران بكات، هه‌روه‌ك نابێت په‌رله‌مانتار له‌ دانیشتنێكدا زیاد له‌ پرسیارێك تۆمار بكات. وه‌ڵامدانه‌وه‌ی‌ پرسیاره‌كانیش به‌پێی‌ ڕیزبه‌ندیان ده‌بێـت.
به‌ندی‌ ژماره‌(53)
ئه‌و ئه‌ندامه‌ی‌ پرسیاری‌ ئاڕاسته‌ كردووه‌ ده‌توانێت داوای‌ ڕونكردنه‌وه‌ له‌ به‌رپرسی‌ په‌یوه‌ندیدار بكات یان تێبینی‌ خۆی‌ سه‌باره‌ت به‌ وه‌ڵامه‌كه‌ بخاته‌ڕوو، له‌گه‌ڵ ئه‌مه‌شدا ئه‌گه‌ر سه‌رۆكی‌ ئه‌نجومه‌نی‌ نوێنه‌ران پێی‌ وابوو پرسیاره‌كه‌ گرنگه‌و په‌یوه‌ندیداره‌ به‌ بابه‌تێكی‌ گشتیه‌وه‌، ده‌توانێت به‌پێی‌ هه‌ڵسه‌نگاندنی‌ خۆی‌ ڕێگه‌ بدات به‌ سه‌رۆكی‌ لیژنه‌ی‌ په‌یوه‌ندیدار یان هه‌ر ئه‌ندامێك تا به‌ كورتی‌ تێبینی‌ بخه‌نه‌ڕوو سه‌باره‌ت به‌ وه‌ڵامی‌ به‌رپرسه‌كه‌. 
به‌ندی‌ ژماره‌(54)
ئه‌ندام ده‌توانێت له‌هه‌ر كاتێكدا پاشگه‌زبێته‌وه‌ له‌ پرسیاره‌كه‌ی‌، هه‌روه‌ك پرسیاره‌كه‌ كاری‌ پێ‌ ناكرێت كاتێك ئه‌و كه‌سه‌ی‌ پرسیار ده‌كات یان پرسیاری‌ لێكراوه‌ له‌ پۆسته‌كه‌ی نه‌مێنێت.
به‌ندی‌ ژماره‌(55)
بیست‌و پێنج په‌رله‌مانتاری‌ ئه‌نجومه‌نی‌ نوێنه‌ران ده‌توانن بابه‌تێكی‌ گشتی‌ بخه‌نه‌ ڕوو بۆ تاووتوێكردن به‌مه‌به‌ستی‌ ڕوونكردنه‌وه‌ی‌ سیاسه‌ت‌و كاری‌ ئه‌نجومه‌نی‌ وه‌زیران یان یه‌كێَك له‌ وه‌زاره‌ته‌كان، داواكه‌ش پێشكه‌ش به‌ سه‌رۆكی‌ ئه‌نجومه‌نی‌ نوێنه‌ران ده‌كرێت‌و سه‌رۆكی‌ ئه‌نجومه‌نی‌ وه‌زیرانیش واده‌یه‌ك دیاری‌ ده‌كات بۆ ئاماده‌بوونی‌ له‌گه‌ڵ دیاریكردنی‌ دوا مۆڵه‌ت بۆ تاووتوێكردنه‌كه‌.  
به‌ندی‌ ژماره‌(56)
ئه‌ندامی‌ ئه‌نجومه‌نی‌ نوێنه‌ران به‌ ڕه‌زامه‌ندی‌ بیست‌و پێنج ئه‌ندام ده‌توانێت بانگهێشت ئاڕاسته‌ی‌ سه‌رۆكی‌ ئه‌نجومه‌نی‌ وه‌زیران یان یه‌كێك له‌ جێگره‌كانی‌ یاخود وه‌زیره‌كان بكات بۆ هه‌ڵسه‌نگاندنیان له‌و كاروبارانه‌ی‌ كه‌ په‌یوه‌یدیداره‌ پێیانه‌وه‌، بانگهێشته‌كه‌ش ئه‌نجام نادرێت پاش تیپه‌ڕبوونی‌ حه‌وت ڕۆژ نه‌بێت به‌لانی‌ كه‌مه‌وه‌ پاش پێشكه‌شكردنی‌.
به‌ندی‌ ژماره‌ (57)
ئه‌نجومه‌نی‌ نوێنه‌ران ده‌توانێت له‌ ئه‌ندامانی‌ ده‌سته‌ی‌ سه‌رۆكایه‌تی‌ بپرسێته‌وه‌ به‌ داوایه‌ك كه‌ هۆكاره‌كه‌ی‌ تێداڕوونكرابێته‌وه‌و پاش به‌ده‌ستهێنانی‌ ڕه‌زامه‌ندی‌ زۆرینه‌ی‌ ڕه‌های‌ ژماره‌ی‌ ئه‌ندامان.
به‌ندی‌ ژماره‌ (58)
بانگهێشتنامه‌ له‌لایه‌ن پێشكه‌شكاری‌ داواكه‌ به‌ ڕه‌زامه‌ندی‌ لانی‌ كه‌م بیست‌و پێنج ئه‌ندام‌و به‌ نووسراو پێشكه‌ش به‌ سه‌رۆكی‌ ئه‌نجومه‌نی‌ نوێنه‌ران ده‌كرێت‌و تێیدا به‌شێوه‌یه‌كی‌ گشتی‌ بابه‌ت‌و ئه‌و كارانه‌ی‌ كه‌سه‌كه‌ی‌ بۆ  بانگهێشتكراوه‌ ده‌خرێته‌ڕوو له‌گه‌ڵ‌ خاڵ‌و شێوازی‌ به‌ڕێوه‌چوونی‌ بانگهێشته‌كه‌و ئه‌و هۆكارانه‌ی‌ كه‌ پشتی‌ پێ‌ ده‌به‌ستێ‌ ، له‌گه‌ڵ‌ ئه‌و سه‌رپێچیانه‌ی‌ كه‌ بانگهێشتكراو ئه‌نجامی‌ داوه‌و ئه‌و بنامایانه‌ی‌ كه‌ پشتی‌ پێده‌به‌سـتێ‌ له‌ بۆچوونه‌كانیدا. نابێت بانگهێشتكردنه‌كه‌ هیچ بڕگه‌یه‌كی‌ تێدابێت كه‌ پێچه‌وانه‌ی‌ ده‌ستوور یان یاسابێت یان ده‌سته‌واژه‌ی‌ نه‌شیاو له‌خۆبگرێت یان په‌یوه‌ندی‌ به‌ بواریكه‌وه‌ هه‌بێت كه‌ كاری‌ حكومه‌ت نه‌بێت یان مه‌به‌ست له‌ بانگهێشته‌كه‌ به‌رژه‌وه‌ندی‌ تایبه‌تی‌ بێت. هه‌روه‌ك نابێت جارێكی‌ دی‌ داوای‌ بانگهێشتكردن بكرێت له‌سه‌ر بابه‌تێك كه‌ ئه‌نجومه‌نی‌ نوێنه‌ران پێشتر یه‌كلایی‌ كردبێته‌وه‌، مه‌گه‌ر به‌هۆی‌ ڕووداوێكی‌ نوێ‌ كه‌ پێویست بكات. 
به‌ندی‌ ژماره‌(59)
ئه‌و كه‌سه‌ی‌ داوای‌ بانگهێشتی‌ كردووه‌ مافی‌ ئه‌وه‌ی‌ هه‌یه‌ له‌هه‌ر كاتێكدا په‌شیمان ببێته‌وه‌ له‌ داواكه‌ی‌، هه‌روه‌ك بانگهێشته‌كه‌ش هه‌ڵده‌وه‌شێته‌وه‌ به‌ لاچوونی‌ ئه‌و كه‌سه‌ی‌ داوای‌ بانگهێشتی‌ كردووه‌ یان ئه‌و كه‌سه‌ی‌ بانگهێشت كراوه‌ له‌ پۆسته‌كه‌ی‌.
به‌ندی‌ ژماره‌(60)
ئه‌گه‌ر یه‌كێك له‌ ئه‌ندامانی‌ ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران ویستی‌ پرسیارێك یان بانگهێشتنامه‌یه‌ك ئاڕاسته‌ی‌ سه‌رۆك یا ئه‌ندامانی‌ ئه‌نجومه‌نی‌ وه‌زیران بكات، ده‌بێت دوانگه‌ی‌ تایبه‌تی‌ ده‌سته‌ی‌ سه‌رۆكایه‌تی‌ جێبهێڵێ‌‌و له‌ شوێنی‌ تایبه‌ت له‌ هۆڵی‌ دانیشتنی‌ ئه‌نجومه‌نی‌ نوێنه‌ران دابنیشێ‌.
به‌ندی‌ ژماره‌(61)
ئه‌گه‌ر گفتوگۆكه‌ كۆتایی هات به‌ ڕازیبوونی‌ ئه‌نجومه‌نی‌ نوێنه‌ران به‌ بۆچوونی‌ بانگهێشتكراو، ئه‌وا كێشه‌كه‌ كۆتایی‌ پێدێت. به‌ پێچه‌وانه‌وه‌ ئه‌نجومه‌نی‌ نوێنه‌ران ده‌توانێت متمانه‌ له‌ بانگهێشتكراو وه‌ربگرێته‌وه‌ به‌ گوێره‌ی‌ به‌نده‌كانی‌ ئه‌م په‌یڕه‌وی‌ ناوخۆیه‌.

به‌شی‌ یازده‌یه‌م
ده‌ست له‌ كاركێشانه‌وه‌و متمانه‌ لێ‌ سه‌ندنه‌وه‌
به‌ندی‌ ژماره‌(62)
یه‌كێك له‌ ئه‌ندامانی‌ ده‌سته‌ی‌ سه‌رۆكایه‌تی‌ له‌ پۆسته‌كه‌ی‌ ده‌به‌خشرێت به‌ زۆرینه‌ی‌ ڕه‌های‌ ژماره‌ی‌ ئه‌ندامانی‌ ئه‌نجومه‌نی‌ نوێنه‌ران پاش ئه‌وه‌ی‌ له‌لایه‌ن دادگای‌ باڵای‌ فیدڕاڵیه‌وه‌ داوای‌ له‌سه‌ر تۆمار ده‌كرێت، له‌ یه‌كێك له‌م بارانه‌ی‌ خواره‌وه‌دا:
یه‌كه‌م: شكاندنی‌ سوێندی‌ ده‌ستوری‌.
دووه‌م: پێشێلكردنی‌ ده‌ستور.
سێیه‌م: خیانه‌تی‌ گه‌وره‌.
به‌ندی‌ ژماره‌(63)
ئه‌نجومه‌نی‌ نوێنه‌ران ده‌توانێت به‌ زۆرینه‌ی‌ ڕه‌ها متمانه‌ بكێشێته‌وه‌ له‌ یه‌كێك له‌ وه‌زیره‌كان، له‌به‌رواری‌ كێشانه‌وه‌ی‌ متمانه‌ش به‌ ده‌ست له‌كاركێشراوه‌ داده‌نرێت. نابێت كێشانه‌وه‌ی‌ متمانه‌ له‌ وه‌زیر بخرێته‌ڕوو مه‌گه‌ر له‌سه‌ر داوای‌ خۆی‌ بێت یان له‌سه‌ر داوای‌ په‌نجا په‌رله‌مانتار پاش تاووتوێكردنی‌ بانگهێشتێك كه‌ ئاڕاسته‌ی‌ كراوه‌. هه‌روه‌ك ئه‌نجومه‌ن بڕیاری‌ خۆی‌ ده‌رناكات له‌سه‌ر داواكه‌ به‌لانی‌ كه‌مه‌وه‌ دوای‌ حه‌وت ڕۆژ نه‌بێت له‌ به‌رواری‌ پێشكه‌شكردنی‌.
به‌ندی‌ ژماره‌(64)
یه‌كه‌م: ئه‌نجومه‌نی‌ سه‌رۆكایه‌تی‌ ده‌توانێت داوایه‌ك پێشكه‌ش به‌ ئه‌نجومه‌نی‌ نوێنه‌ران بكات بۆ كێشانه‌وه‌ی‌ متمانه‌ له‌ سه‌رۆكی‌ ئه‌نجومه‌نی‌ وه‌زیران.
دووه‌م: ئه‌نجومه‌نی‌ نوێنه‌ران ده‌توانێت له‌سه‌ر داوای‌ پێنج یه‌كی‌ ئه‌ندامانی‌ كێشانه‌وه‌ی‌ متمانه‌ له‌سه‌رۆكی‌ ئه‌نجومه‌نی‌ وه‌زیران بخاته‌ڕوو پاش بانگهێشتكردنێك كه‌ ئاڕاسته‌ی‌ ده‌كرێت، هه‌روه‌ك نابێت داوای‌ متمانه‌ كێشانه‌وه‌ پێشكه‌ش بكرێت لانی‌ كه‌م پاش حه‌وت ڕۆژ نه‌بێت له‌ به‌رواری‌ پێشكه‌شكردنی‌ بانگهێشتنامه‌كه‌.
سێیه‌م: ئه‌نجومه‌نی‌ نوێنه‌ران به‌ زۆرینه‌ی‌ ڕه‌های‌ ده‌نگی‌ ئه‌ندامانی‌ متمانه‌ له‌ سه‌رۆكی‌ ئه‌نجومه‌نی‌ وه‌زیران ده‌كێشێته‌وه‌.
به‌ندی‌ ژماره‌(65)
ئه‌گه‌ر متمانه‌ له‌ سه‌رۆك وه‌زیران وه‌گیرایه‌وه‌ ئه‌وا حكومه‌ت به‌ ده‌ست له‌كاركێشراوه‌ داده‌نرێت.
به‌ندی‌ ژماره‌66)
له‌ كاتی‌ ده‌نگدان به‌ سه‌ندنه‌وه‌ی‌ متمانه‌ له‌ ئه‌نجومه‌نی‌ وه‌زیران به‌ گشتی‌، سه‌رۆك وه‌زیران‌و وه‌زیره‌كان له‌ پۆسته‌كانیان ده‌مێننه‌وه‌ بۆ ڕاییكردنی‌ كاروباره‌كانیان به‌ مه‌رجێك له‌ 30 ڕۆژ تێپه‌ڕ نه‌كات تا پێكهێنانی‌ ئه‌نجومه‌نی‌ وه‌زیرانی‌ نوێ‌ به‌ پێی‌ به‌ندی‌ (73)ی‌ ده‌ستور.
به‌ندی‌ ژماره‌(67)
ئه‌نجومه‌نی‌ نوێنه‌ران ده‌توانێت بانگهێشتی‌ به‌رپرسانی‌ ده‌سته‌ سه‌ربه‌خۆكان بكات‌و ڕێوشوێنه‌كانی‌ بانگهێشتكردنی‌ وه‌زیره‌كانیان به‌سه‌ردا جێبه‌جێ ده‌كرێت، هه‌روه‌ك ئه‌نجومه‌ن ده‌توانێت به‌زۆرینه‌ی‌ ڕه‌های‌ ئه‌ندامانی‌ له‌ پۆسته‌كانیان بیانبه‌خشێ‌.

به‌شی‌ دوازده‌یه‌م
لیژنه‌كانی‌ ئه‌نجومه‌نی‌ نوێنه‌ران
به‌ندی‌ ژماره‌(68)
لیژنه‌یه‌كی‌ كاتی‌ بۆهه‌مواركردنی‌ ده‌ستور پێكدێت‌و ئه‌و كارانه‌ ئه‌نجام ده‌دات كه‌ له‌ ماده‌ی‌ (142)ی‌ ده‌ستور ئاماژه‌ی‌ پێكراوه‌.
به‌ندی‌ ژماره‌(69)
لیژنه‌ هه‌میشه‌ییه‌كانی‌ ئه‌نجومه‌ن له‌ یه‌كه‌م دانیشتنی‌ ئه‌نجومه‌نی‌ نوێنه‌ران پاش په‌سه‌ندكردنی‌ په‌یڕه‌وی‌ ناوخۆ پێكدێت‌و له‌ پێكهێنانیشیدا ویست‌و پسپۆڕی‌‌و شاره‌زایی ئه‌ندام له‌به‌رچاو ده‌گیرێت.
به‌ندی‌ ژماره‌(70)
له‌ ئه‌نجومه‌نی‌ نوێنه‌راندا ئه‌م لیژنه‌ هه‌میشه‌ییانه‌ی‌ كه‌ له‌ خواره‌وه‌ دیاری‌ كراون پێك ده‌هێنرێت:
1. لیژنه‌ی‌ په‌یوه‌ندیه‌كانی‌ ده‌ره‌وه‌.
2. لیژنه‌ی‌ ئاسایش‌و به‌رگری‌.
3. لیژنه‌ی‌ یاسایی.
4. لیژنه‌ی‌ نه‌وت‌و گازو سامانه‌ سروشتیه‌كان.
5. لیژنه‌ی‌ نه‌زاهه‌.
6. لیژنه‌ی‌ دارایی.
7. لیژنه‌ی‌ ئابووری‌‌و وه‌به‌رهێنان‌و ئاوه‌دانكردنه‌وه‌.
8. لیژنه‌ی‌ په‌رورده‌و فێركردن.
9. لیژنه‌ی‌ ته‌ندروستی‌‌و ژینگه‌.
10. لیژنه‌ی‌ كارو خزمه‌تگوزاری‌.
11. لیژنه‌ی‌ هه‌رێم‌و ئه‌و پارێزگایانه‌ی‌ له‌ هه‌رێمێكدا ڕێكنه‌خراون.
12. لیژنه‌ی‌ مافی‌ مرۆڤ.
13. لیژنه‌ی‌ ڕۆشنبیری‌‌و ڕاگه‌یاندن‌و گه‌شت‌و گوزارو شوێنه‌وار.
14. لیژنه‌ی‌ ئه‌وقاف‌و كاروباری‌ ئایینی‌.
15. لیژنه‌ی‌ ڕاگوێزراوان‌و ده‌ركراوان‌و ئاواره‌.
16. لیژنه‌ی‌ كشتوكاڵ‌و ئاوو زۆنگاوه‌كان.
17. لیژنه‌ی‌ ڕیشه‌كێشكردنی‌ به‌عس.
18. لیژنه‌ی‌ شه‌هیدان‌و قوربانیان‌و زیندانه‌ سیاسیه‌كان.
19. لیژنه‌ی‌ لاوان‌و وه‌رزش.
20. لیژنه‌ی‌ ئافره‌ت‌و خێزان‌و منداڵ.
21. لیژنه‌ی‌ داموده‌زگاكانی‌ كۆمه‌ڵگه‌ی‌ مه‌ده‌نی‌.
22. لیژنه‌ی‌ كاروباری‌ ئه‌ندامان‌و په‌ره‌پێدانی‌ په‌رله‌مانی‌.
23. لیژنه‌ی‌ هۆزه‌كان.
24. لیژنه‌ی‌ سكاڵا.
به‌ندی‌ ژماره‌(71)
پێكهێنانی‌ لیژنه‌یه‌كی‌ كاتی‌ بۆ چاودێری جێبه‌جێكردنی‌ ماده‌ی‌ (140)ی‌ ده‌ستور له‌كاتی‌ جێبه‌جێكردنیدا.
به‌ندی‌ ژماره‌(72)
یه‌كه‌م: هه‌موو ئه‌ندامێك مافی‌ ئه‌وه‌ی هه‌یه‌ خۆی بپاڵێوێ‌ بۆ ئه‌ندامێتی‌‌و سه‌رۆكایه‌تی‌ هه‌ریه‌ك له‌ لیژنه‌كان.
دووه‌م: ده‌سته‌ی‌ سه‌رۆكایه‌تی‌ ناوی‌ پاڵێوراوانی‌ هه‌موو لیژنه‌ هه‌میشه‌ییه‌كان له‌ ئه‌نجومه‌نی‌ نوێنه‌ران ده‌خاته‌ڕوو تا به‌یه‌ك لیست، كه‌ لیسته‌ په‌رله‌مانیه‌كان له‌سه‌ری‌ ڕێك ده‌كه‌ون، ده‌نگی‌ له‌سه‌ر بدرێت.  
به‌ندی‌ ژماره‌(73)
ژماره‌ی‌ ئه‌ندامانی‌ لیژنه‌ هه‌میشه‌ییه‌كان نابێت له‌ حه‌وت ئه‌ندام كه‌متر بێت‌و له‌ پازده‌ ئه‌ندامیش زیاتر بێت.
به‌ندی‌ ژماره‌(74)
لیژنه‌كان له‌ سه‌ره‌تای‌ سێ‌ ڕۆژی‌ یه‌كه‌می‌ ده‌ست به‌كاربوونیان به‌ زۆرینه‌ی‌ ژماره‌ی‌ ئه‌ندامانی‌ سه‌رۆكی‌ لیژنه‌و جێگری‌ سه‌رۆك‌و بڕیارده‌رێك هه‌ڵده‌بژێرن.
به‌ندی‌ ژماره‌(75)
یه‌كه‌م: لیژنه‌كان كۆبوونه‌وه‌ی‌ ده‌وری‌ ده‌بێت كه‌ سه‌رۆكی‌ لیژنه‌ یان جێگره‌كه‌ی‌، ئه‌گه‌ر سه‌رۆكی‌ لیژنه‌كه‌ ئاماده‌نه‌بوو، دیاری‌ ده‌كات. ئاگاداركردنی‌ ئه‌ندامانیش له‌ڕێی‌ بڕیارده‌ره‌وه‌ ده‌بێـت.
دووه‌م: ڕێژه‌ی‌ یاسایی‌ دانیشتنی‌ لیژنه‌كان به‌ ئاماده‌بوونی‌ زۆرینه‌ی‌ ئه‌ندامانی‌ ده‌بێت.
سێیه‌م: بڕیاره‌كانی‌ لیژنه‌ به‌ زۆرینه‌ی‌ ڕه‌های‌ ژماره‌ی‌ ئه‌ندامانی‌ ده‌درێت‌و بڕیاره‌كانی‌ لیژنه‌كه‌ش به‌ڕاپۆرتێك بۆ ده‌سته‌ی‌ سه‌رۆكایه‌تی‌ به‌رزده‌كرێته‌وه‌ به‌ واژووی‌ سه‌رۆكی‌ لیژنه‌كه‌ یان جێگره‌كه‌ی‌ یاخود ئه‌ندامانی‌ لیژنه‌كه‌ ئه‌گه‌ر ئه‌وان ئاماده‌نه‌بوون.
چواره‌م: لیژنه‌كان ده‌توانن پشت به‌ شاره‌زایان ببه‌ستن له‌كاتی‌ پێویستدا، هه‌روه‌ك كرێی‌ كاركردنه‌كه‌یان دیاری‌ ده‌كرێت پاش ڕێككه‌وتن له‌گه‌ڵ ده‌سته‌ی‌ سه‌رۆكایه‌تیدا.
به‌ندی‌ ژماره‌(76)
یه‌كه‌م: لیژنه‌ ده‌توانێت هه‌ریه‌كێك له‌ ئه‌ندامانی‌ ئه‌نجومه‌نی‌ نوێنه‌ران بانگهێشت بكات تا بۆچوونی‌ خۆی‌ ده‌رببڕێ‌ له‌ سه‌ر ئه‌و  بابه‌ته‌ی‌ كه‌ خراوه‌ته‌ ڕوو، به‌ڵام مافی ده‌نگدانی‌ نیه‌. هه‌روه‌ها لیژنه‌ مافی‌ ئه‌وه‌ی‌ هه‌یه‌ بانگهێشتی‌ هه‌ر كارمه‌ندێكی‌ حكومه‌ت، به‌ ئاگاداری‌ به‌رپرسه‌كه‌ی‌، یان شاره‌زا، یا پسپۆڕ بكات، جگه‌ له‌ ئه‌ندامان بۆ سوردوه‌رگرتن له‌ بۆچوونیان.
دووه‌م: هه‌موو ئه‌ندامێك له‌ ئه‌ندامانی‌ ئه‌نجومه‌نی‌ نوێنه‌ران مافی‌ ئه‌وه‌ی‌ هه‌یه‌ ئاماده‌بێت له‌ دانیشته‌كانی‌ هه‌ر لیژنه‌یه‌كدا به‌ ڕه‌زامه‌ندی‌ سه‌رۆكی‌ لیژنه‌، هه‌روه‌ها ده‌توانێت بۆچوونی‌ خۆی‌ ده‌ربڕێت، به‌ڵام مافی‌ ده‌نگدانی‌ نیه‌.   
به‌ندی‌ ژماره‌(77)
یه‌كه‌م: لیژنه‌ مافی‌ ئه‌وه‌ی‌ هه‌یه‌ به‌ڕه‌زامه‌ندی‌ زۆرینه‌ی‌ ئه‌ندامانی‌ بانگهێشتی‌ هه‌ر وه‌زیرێك یان كه‌سێك كه‌ له‌پله‌ی‌ وه‌زیر بێت بكات بۆ ڕوونكردنه‌وه‌ی‌ بابه‌تێك به‌ئاگاداری‌ سه‌رۆكی‌ ئه‌نجومه‌نی‌ نوێنه‌ران‌و سه‌رۆكی‌ ئه‌نجومه‌نی‌ وه‌زیران. هه‌روه‌ك پێویسته‌ به‌رپرسی‌ بانگهێشتكراو له‌ماوه‌ی‌ حه‌وت ڕۆژدا له‌به‌رواری‌ وه‌رگرتنی‌ بانگهێشتنامه‌كه‌ ئاماده‌ی‌ كۆبوونه‌وه‌ی‌ لیژنه‌كه‌ ببێت.
دووه‌م: لیژنه‌ به‌ ڕه‌زامه‌ندی‌ زۆرینه‌ی‌ ئه‌ندامانی‌ مافی‌ ئه‌وه‌ی‌ هه‌یه‌ ڕاسته‌وخۆ بانگهێشتی‌ جێگری‌ وه‌زیره‌كان‌و به‌رپرسانی‌ خاوه‌ن پله‌ی‌ تایبه‌ت‌و فه‌رمانبه‌رانی‌ دیكه‌ی‌ حكومه‌ت بكات (مه‌ده‌نی‌ بن یان سه‌ربازی‌) بۆ ڕوونكردنه‌وه‌ی‌ بابه‌تێك یان داواكردنی‌ زانیاری‌ به‌ ئاگاداركردنی‌ سه‌رۆكی‌ ئه‌نجومه‌نی‌ نوێنه‌ران‌و سه‌رۆكی‌ ئه‌نجومه‌نی‌ وه‌زیران.
سێیه‌م: وه‌زیری‌ ده‌وڵه‌ت بۆ كاروباری‌ ئه‌نجومه‌نی‌ نوێنه‌ران یان هه‌ركه‌سێك كه‌ نوێنه‌رایه‌تی‌ بكات ده‌توانێت ئاماده‌ی‌ كۆبوونه‌وه‌ی‌ لیژنه‌كان ببێت پاش بانگهێشتكردنی‌ به‌مه‌به‌ستی‌ هه‌مه‌ئاهه‌نگی‌‌و هاوكاری‌‌و گۆڕینه‌وه‌ی‌ زانیاری‌ له‌ نێوان حكومه‌ت‌و ئه‌نجومه‌نی‌ نوێنه‌ران.
چواره‌م: لیژنه‌ مافی‌ ئه‌وه‌ی‌ هه‌یه‌ هه‌ر دیدارێك كه‌ له‌گه‌ڵ هه‌ر به‌رپرسێك ئه‌نجامی‌ ده‌دات‌و له‌ چوارچێوه‌ی‌ ده‌سه‌ڵاته‌كانیدایه‌ دیكۆمێنتی‌ بكات به‌شێوه‌ی‌ ده‌نگ یان  ڕه‌نگ‌و ده‌نگ.
به‌ندی‌ ژماره‌(78)
لیژنه‌ هه‌میشه‌ییه‌كان ده‌توانن له‌ رێی‌ ده‌سته‌ی‌ سه‌رۆكایه‌تی‌ داوای‌ ئه‌و زانیاری‌‌و به‌ڵگه‌نامانه‌ بكه‌ن كه‌ پێویستیان پێیه‌تی‌ له‌ فه‌رمانگه‌كانی‌ ده‌وڵه‌ت‌و ڕێكخراوه‌ جه‌ماوه‌ریه‌كان.
به‌ندی‌ ژماره‌(79)
ئاماده‌بوون له‌ دانیشنی‌ لیژنه‌كاندا وه‌ك ئاماده‌بوونی‌ دانیشتنه‌كانی‌ ئه‌نجومه‌نی‌ نوێنه‌رانه‌، هه‌روه‌ها هه‌مان بڕیاره‌كانی‌ ئه‌م په‌یڕه‌وی‌ ناوخۆیه‌ جێبه‌جێ ده‌كرێت له‌ كاتی‌ ئاماده‌نه‌بوون له‌ دانیشتنی‌ لیژنه‌كاندا.
به‌ندی‌ ژماره‌(80)
كاتێك ئه‌ندامێتی‌ یه‌كێك له‌ لیژنه‌كان به‌تاڵ ده‌بێت، ئه‌ندامێكی‌ تر  له‌ جیاتی‌ هه‌ڵده‌بژێردرێت له‌لایه‌ن ئه‌نجومه‌نه‌وه‌.
به‌ندی‌ ژماره‌(81)
یه‌كه‌م: ده‌سته‌ی‌ سه‌رۆكایه‌تی‌ كێشه‌كان به‌ ته‌واوی‌ به‌ڵگه‌نامه‌كانیه‌وه‌ ڕه‌وانه‌ی‌ لیژنه‌كان ده‌كات بۆ لێكۆڵینه‌وه‌و تاووتوێكردن‌و ده‌ركردنی‌ ڕاسپارده‌ی‌ گونجاو له‌باره‌یانه‌وه‌.
دووه‌م: هه‌ر لیژنه‌یه‌ك كۆنووسی‌ دانیشتنه‌كانی‌ خۆی‌ ڕێكده‌خات، هه‌روه‌ها ناوی‌ ئاماده‌بووان‌و نه‌هاتووان ده‌نووسرێن‌و ئه‌و بیروبۆچوونانه‌ش كه‌ ده‌خرێنه‌ڕوو تۆمار ده‌كرێن. بڕیاره‌كانیش به‌ كۆی‌ ده‌نگ ده‌بێت، له‌كاتی‌ یه‌كسان بوونی‌ ده‌نگه‌كانیش ئه‌ولایه‌ په‌سه‌ند ده‌كرێت كه‌ سه‌رۆك ده‌نگی‌ بۆ ده‌دات.
به‌ندی‌ ژماره‌(82)
ئه‌نجومه‌نی‌ نوێنه‌ران ده‌توانێت لیژنه‌ی‌ كاتی‌ یان لیژنه‌ی‌ لێكۆڵینه‌وه‌ دروست بكات، به‌ پێی‌ پێداویستی‌ كارو ئه‌و كێشانه‌ی‌ ده‌خرێنه‌ به‌رده‌می‌.
به‌ندی‌ ژماره‌(83)
پێكهێنانی‌ لیژنه‌ی‌ كاتی‌‌و لیژنه‌ی‌ لێكۆڵینه‌وه‌ به‌ ڕه‌زامه‌ندی‌ زۆرینه‌ی‌ ئه‌ندامانی‌ ئاماده‌بوو ده‌بێت له‌ ئه‌نجومه‌نی‌ نوێنه‌ران، له‌سه‌ر پێشنیاری‌ ده‌سته‌ی‌ سه‌رۆكایه‌تی‌ یان په‌نجا ئه‌ندام.
به‌ندی‌ ژماره‌(84)
لیژنه‌ی‌ لێكۆڵینه‌وه‌ ده‌سه‌ڵاتی‌ به‌دواداچوونی‌ ڕاستیه‌كانی‌ هه‌یه‌ سه‌باره‌ت به‌و كێشانه‌ی‌ كه‌ ده‌خرێنه‌ به‌رده‌می‌ لیژنه‌كه‌، هه‌روه‌ها ده‌توانێت بانگهێشتی‌ هه‌ركه‌سێك بكات كه‌ ده‌یه‌وێت بۆ گوێگرتن له‌ وته‌كانی‌ به‌ رێگاوشوێنی‌ یاسایی‌. له‌هه‌مانكاتدا مافی‌ به‌ئاگابوونی‌ هه‌یه‌ له‌ هه‌ر شتێك په‌یوه‌ندی‌ به‌و كێشه‌یه‌وه‌ هه‌بێـت كه‌ خراوه‌ته‌ ڕوو، به‌ بێ‌ ده‌ستوه‌ردانه‌ ئه‌و كێشانه‌ی‌ كه‌ له‌ دادگا خراونه‌ته‌ڕوو. هه‌روه‌ك ده‌توانێت پشت به‌ كه‌سانی‌ شاره‌زا ببه‌ستێ‌ دوای‌ دیاریكردنی‌ كرێی‌ كاركردنیان به‌ ڕێككه‌وتن له‌گه‌ڵ ده‌سته‌ی‌ سه‌رۆكایه‌تی‌.
به‌ندی‌ ژماره‌(85)
دوای‌ كۆتاییهاتنی‌ لێكۆڵینه‌وه‌ لیژنه‌ ، ڕاپۆرت‌و ڕاسپارده‌ی‌ خۆی‌ به‌رز ده‌كاته‌وه‌ بۆ ده‌سته‌ی‌ سه‌رۆكایه‌تی‌، تا له‌ ئه‌نجومه‌نی‌ نوێنه‌ران بخرێته‌ ڕوو به‌مه‌به‌ستی‌ بڕیاردانی‌ ڕێوشوێنی‌ پێویست.
به‌ندی‌ ژماره‌(86)
لیژنه‌ مافی‌ ئه‌وه‌ی‌ هه‌یه‌ سه‌رۆكی‌ لیژنه‌ یان جێگره‌كه‌ی‌ یاخود بڕیارده‌ر له‌سه‌ر كارلابدات ئه‌گه‌ر سه‌لمێنرا توانای‌ نیه‌ یاخود ناتوانێ‌ ئه‌ركه‌كانی‌ ڕاپه‌ڕێنێ‌.

به‌شی‌ سێزده‌یه‌م
تایبه‌تمه‌ندی‌ لیژنه‌ هه‌میشه‌ییه‌كان
به‌ندی‌ ژماره‌(87)
یه‌كه‌م:هه‌ر لیژنه‌یه‌كی‌ هه‌میشه‌یی مافی‌ ئه‌وه‌ی‌ هه‌یه‌ یاسا پێشنیار بكات كه‌ په‌یوه‌ندی‌ هه‌بێت به‌ تایبه‌تمه‌ندی‌ كاره‌كه‌یه‌وه‌ به‌پێی‌ ئه‌و ڕێوشوێنانه‌ی‌ كه‌له‌م په‌یڕه‌وی‌ ناوخۆیه‌ ئاماژه‌ی‌ پێكراوه‌.
دووه‌م: لیژنه‌ هه‌میشه‌ییه‌كان ئه‌ركی‌ توێژینه‌وه‌ی‌ پڕۆژه‌ی‌ یاسایی‌‌و پڕۆژه‌ یاسا پێشنیاركراوه‌كان له‌ ئه‌ستۆ ده‌گرن كه‌ په‌یوه‌ندی‌ به‌ پسپۆری‌ بواری‌ كاری‌ ئه‌وانه‌وه‌ هه‌یه‌، له‌گه‌ڵ خستنه‌ڕووی‌ بۆچوونیان له‌و كێشه‌و بابه‌تانه‌ی‌ بۆیان ڕه‌وانه‌ ده‌كرێت له‌لایه‌ن ده‌سته‌ی‌ سه‌رۆكایه‌تیه‌وه‌ كه‌ په‌یوه‌ندیداره‌ به‌و تایبه‌تمه‌ندیانه‌ی‌ كه‌ له‌م په‌یڕه‌وی‌ ناوخۆیه‌ ڕوونكراوه‌ته‌وه‌.
سێیه‌م: هه‌ر لیژنه‌یه‌ك مافی‌ ئه‌وه‌ی‌ هه‌یه‌ به‌دواداچوون‌و چاودێری‌ پاراستنی‌ هاوسه‌نگی‌ بكات له‌و داموده‌زگایانه‌ی‌ كه‌ پێی‌ په‌یوه‌ندیداره‌.
به‌ندی‌ ژماره‌(88)
لیژنه‌ی‌ په‌یوه‌ندیه‌كانی‌ ده‌ره‌وه‌
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: لێكۆڵینه‌وه‌ی‌ هه‌ڵوێستی‌ نێوده‌وڵه‌تی‌‌و هه‌رێمی‌‌و په‌ره‌سه‌ندنه‌كانی‌ سیاسه‌تی‌ نێوده‌ڵه‌تی‌.
دووه‌م: به‌دواداچوونی‌ سیاسه‌تی‌ ده‌ره‌وه‌ی‌ ده‌وڵه‌ت‌و نوێنه‌رایه‌تی‌ دیبلۆماسی‌.
سێیه‌م: به‌دواداچوونی‌ كۆنگره‌ نێوده‌وڵه‌تیه‌كان.
چواره‌م: لێكۆڵینه‌وه‌ی‌ ڕێككه‌وتن‌و په‌یماننامه‌ نێوده‌وڵه‌تیه‌كان به‌ هاوكاری‌ له‌گه‌ڵ لیژنه‌ی‌ یاسایی.
پێنجه‌م: پێشنیاركردنی‌ یاساكانی‌ ڕێكخستنی‌ بواری‌ دیبلۆماسی‌‌و باڵوێزخانه‌.
شه‌شه‌م: به‌دواداچوونی‌ كاروباری‌ تایبه‌ت به‌ ڕێكخراوی‌ جیهانی‌ نه‌ته‌وه‌ یه‌كگرتووه‌كان‌و رێكخراوه‌ نێوده‌وڵه‌تی‌‌و هه‌رێمیه‌كان.
به‌ندی‌ ژماره‌(89)
لیژنه‌ی‌ به‌رگری‌‌و ئاسایش.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ كاروباری‌ ئاسایشی‌ ده‌ره‌وه‌ی‌ ده‌وڵه‌ت.
دووه‌م: به‌دواداچوونی‌ كاروباری‌ ئاسایشی‌ ناوخۆو له‌ناوبردنی‌ تیرۆرو تاوان.
سێیه‌م: به‌دواداچوونی‌ كاروباری‌ هێزه‌ چه‌كداره‌كان.
چواره‌م: به‌دواداچوونی‌ كاروباری‌ فه‌رمانگه‌ی‌ هه‌واڵگری‌.
پێنجه‌م:پێشنیاركردنی‌ یاساكانی‌ تایبه‌ت به‌ ئه‌فسه‌رانی‌ هێزه‌ چه‌كداره‌كان‌و پۆلیس‌و ئه‌ندامان‌و ده‌زگاكانی‌ هه‌واڵگری‌ عێراقی‌.
به‌ندی‌ ژماره‌(90)
لیژنه‌ی‌ یاسایی‌
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: پێداچوونه‌وه‌ی‌ یاساكان‌و گونجاندنی‌ به‌پێی‌ ده‌ستور.
دووه‌م: لێكۆڵینه‌وه‌ی‌ یاسای‌ تایبه‌ت به‌ ده‌سه‌ڵاتی‌ دادگا (قچائیه‌).
سێیه‌م: هاوكاری‌ ئه‌نجومه‌نی‌ نوێنه‌ران‌و لیژنه‌كان له‌ داڕشتنی‌ ده‌قی‌ یاسایی‌.
چواره‌م: چاككردن‌و په‌ره‌پێدانی‌ سیسته‌می‌ یاسایی‌‌و دادگایی (قچائیه‌).
پێنجه‌م: لێكۆڵینه‌وه‌ی‌ ئه‌و پڕۆژه‌ یاسایانه‌ی‌ كه‌ له‌لایه‌ن ئه‌نجومه‌نی‌ نوێنه‌ران‌و حكومه‌ته‌وه‌ ده‌خرێته‌ به‌رده‌ستی‌، هه‌روه‌ها ده‌ربڕینی‌ بۆچوونی‌ لیژنه‌ ده‌رباره‌یان‌و ئاماده‌كردن‌و داڕشتنی‌ ده‌قه‌كانی‌، به‌ گوێره‌ی‌ ڕاسپاردنی‌ لیژنه‌كه‌ له‌لایه‌ن ده‌سته‌ی‌ سه‌رۆكایه‌تیه‌وه‌.
شه‌شه‌م:  پێداچوونه‌وه‌ی‌ بڕیاره‌كانی‌ ئه‌نجومه‌نی‌ سه‌ركردایه‌تی‌ شۆڕشی‌ هه‌ڵوه‌شاو.
حه‌وته‌م: به‌دواداچوونی‌ كۆمسیۆنی‌ باڵای‌ هه‌ڵبژاردنه‌كان.
به‌ندی‌ ژماره‌(91)
لیژنه‌ی‌ نه‌وت‌و گازو سامانه‌ سروشتیه‌كان.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: چاودێریكردن‌و سه‌رپه‌رشتیكردنی‌ سیاسه‌تی نه‌وت‌و سامانه‌ سروشتیه‌كان.
دووه‌م:چاودێریكردنی‌ ژمێریاری‌ داهاتی‌ نه‌وت‌وو گازو سامانه‌ سروشتیه‌كانی‌ دیكه‌.
سێیه‌م: پێشكه‌شكردنی‌ پڕۆژه‌ی‌ یاساكان به‌مه‌به‌ستی‌ دانانی‌ سنورێك بۆ به‌فیڕۆدانی‌ سامانی‌ نه‌وت‌و سروشتی‌.
چواره‌م: به‌دواداچوونی‌ ئاماده‌كردن‌و هێنانه‌كایه‌ی‌ كۆمپانیای‌ نه‌وت بۆ مسۆگه‌ربوونی‌ باش به‌ڕێوه‌چوونی‌ به‌رهه‌مه‌ نه‌وتیه‌كان بۆ هاوڵاتیان.
پێنجه‌م: به‌دواداچوونی‌ سیاسه‌تی‌ نه‌وت به‌رامبه‌ر خۆراك‌و ده‌رمان‌و پێداویستیه‌ سه‌ره‌كیه‌كان‌و دۆسیه‌ی‌ گه‌نده‌ڵی‌ كه‌به‌و هۆیه‌وه‌ دروست بووه‌.
شه‌شه‌م: به‌دواداچوونی‌ ئاماده‌كردن‌و به‌دیهێنانی‌ پڕۆژه‌كانی‌ په‌یوه‌ندیدار به‌ سامانی‌ سروشتی‌.
به‌ندی‌ ژماره‌(92)
لیژنه‌ی‌ ده‌ستپاكی‌ (نه‌زاهه‌).
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ گه‌نده‌ڵی‌ ئیداری‌‌و دارایی‌ له‌ ده‌زگا جیاوازه‌كانی‌ ده‌وڵه‌ت.
دووه‌م: به‌دواداچوون‌و چاودێریكردنی‌ كاری‌ ده‌سته‌و ده‌زگاكانی‌ ده‌ستپاكی‌ (نزاهه‌) (ده‌سته‌ی‌ ده‌ستپاكی‌، فه‌رمانگه‌ی‌ پشكنه‌ری‌ گشتی‌، دیوانی‌ چاودێری‌ دارایی‌و ده‌زگا سه‌ربه‌خۆكانی‌ دیكه‌).
سێیه‌م: پێشنیاركردنی‌ پڕۆژه‌ی‌ یاسای‌ تایبه‌ت به‌ ده‌ستپاكی‌.
به‌ندی‌ ژماره‌(93)
لیژنه‌ی‌ دارایی‌.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ بودجه‌ی‌ گشتی‌ ده‌وڵه‌ت‌و ئاڵوگۆڕ له‌ نێوان به‌شه‌كانی‌.
دووه‌م: پێشنیاركردنی‌ یاسای تایبه‌ت به‌ گومرگ‌و باج‌و باربۆ (رسوم).
سێیه‌م: به‌دواداچوونی‌ بانك‌و گره‌نتی‌ (الائتمان)و قه‌رزو دابینكردن (تأمین).
چواره‌م: سه‌رپه‌رشتی‌ ئاماده‌كردنی‌ بودجه‌ی‌ ئه‌نجومه‌نی‌ نوێنه‌ران.
پێنجه‌م: به‌دواداچوونی‌ قه‌رزو قه‌ره‌بووه‌كان كه‌ به‌سه‌ر گه‌لی‌ عێراقدا سه‌پێنراوه‌.
شه‌شه‌م: به‌دواداچوونی‌ سیاسه‌تی‌ دارایی سه‌رجه‌م وه‌زاره‌ت‌و داموده‌زگاكانی‌ ده‌وڵه‌ت.
به‌ندی‌ ژماره‌(94)
لیژنه‌ی‌ ئابووری‌‌و وه‌به‌رهێنان‌و ئاوه‌دانكردنه‌وه‌.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ پلانی‌ ئابووری‌ ده‌وڵه‌ت.
دووه‌م: گرنگیدان به‌ بواری‌ كه‌رتی‌ تایبه‌ت‌و تایبه‌تكردن (خصخصه‌).
سێیه‌م: بازرگانی‌ ناوخۆو ده‌ره‌وه‌و كرێ‌و نرخ.
چواره‌م: چاودێری‌ په‌یماننامه‌ مۆركراوه‌كان بۆ هاورده‌كردنی‌ بڕگه‌كانی‌ كۆبوونی‌ خۆراك‌و پاراستنی‌ به‌ڕێوه‌چوونی‌ به‌شێوه‌یه‌كی‌ باش‌و پرۆسه‌ی‌ دابه‌شكردنی‌ به‌ شێوه‌یه‌كی‌ ڕێك‌و پێك.
پێنجه‌م: به‌دواداچوونی‌ په‌ره‌پێدانی‌ پیشه‌سازی‌ ناوخۆیی.
شه‌شه‌م: به‌دواداچوونی‌ كاروباری‌ وه‌به‌رهێنانی‌ نیشتمانی‌‌و بیانی‌‌و پێشنیاركردنی‌ یاساو بڕیاره‌كان كه‌ هانی‌ پڕۆژه‌كانی‌ وه‌به‌رهێنان ده‌دات له‌ عێراقدا.
به‌ندی‌ ژماره‌(95)
لیژنه‌ی‌ په‌روه‌رده‌و فێركردن.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ كاروباری‌ په‌روه‌رده‌و فێركردن بۆ هه‌موو قۆناغه‌كان‌و پڕۆگرامه‌كانی‌.
دووه‌م: به‌دواداچوون‌و گه‌شه‌پێدانی‌ زانكۆو ناوه‌نده‌كانی‌ لێكۆڵینه‌وه‌ی‌ زانستی‌.
سێیه‌م: به‌دواداچوونی‌ گشتگیركردنی‌ كه‌لتوری‌ لێبوردن‌و مافی‌ مرۆڤ.
به‌ندی‌ ژماره‌(96)
لیژنه‌ی‌ ته‌ندروستی‌ و ژینگه‌.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: پێداچوونه‌وه‌و گه‌شه‌پێدانی‌ سیاسه‌تی‌ ته‌ندروستی‌ وڵات به‌ گونجاوترین  شێوه‌ له‌گه‌ڵ خزمه‌تگوزاریه‌كانی‌ حكومه‌ت.
دووه‌م: گرنگی‌ دان به‌ كادیری‌ پزیشكی‌‌و ته‌ندروستی‌‌و ڕه‌خساندنی‌ كه‌شێكی‌ ئارامبه‌خش بۆیان تا كۆچ نه‌كه‌ن بۆ ده‌ره‌وه‌ی‌ وڵات به‌و پێیه‌ی‌ زیان كه‌وتنه‌ له‌ ووزه‌ی‌ وڵات.
سێیه‌م: به‌دواداچوونی‌ پلانی‌ دابینكردنی‌ ده‌رمان‌و ئامێره‌كان له‌ كۆگا باوه‌پێكراوه‌ نێوده‌وڵه‌تیه‌كانه‌وه‌.
چواره‌م: به‌دواداچوونی‌ جێبه‌جێكردنی‌ ئه‌و یاساو ڕێوشوێنانه‌ی‌ كه‌ تایبه‌ته‌ به‌ ژینگه‌ له‌ سه‌رجه‌م ناوچه‌كانی‌ عێراق.
پێنجه‌م: به‌دواداچوونی‌ پاراستن‌و گه‌شه‌پێدانی‌ ناوچه‌ سه‌وزه‌كان له‌ شارو گونده‌كانی‌ عێراق.
شه‌شه‌م: به‌دواداچوونی‌ هاندانی‌ وه‌زاره‌ته‌ تایبه‌تمه‌نده‌كان بۆ چاره‌سه‌ركردنی‌ دیارده‌ی‌ به‌ بیابان بوون.
حه‌وته‌م: چاودێری‌ پرۆسه‌ی‌ شاردنه‌وه‌ی‌ پاشماوه‌ زیانبه‌خشه‌كان‌و پێشكه‌شكردنی‌ پڕۆژه‌ی‌ یاسایی به‌رگر له‌ فڕێدانی‌ پاشماوه‌ ئه‌تۆمیه‌كان له‌ ناوچه‌كانی‌ عێراق.
به‌ندی‌ ژماره‌(97)
لیژنه‌ی‌ كارو خزمه‌تگوزاری‌.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م:گرنگیدان به‌ كاروباری‌ خزمه‌تگوزاری‌ شاره‌وانی‌ و ئاوی‌ خواردنه‌وه‌و ئاوه‌ڕۆ.
دووه‌م: به‌دواداچوونی‌ كاروباری‌ كاره‌با.
سێیه‌م: به‌دواداچوونی‌ كاروباری‌ گه‌یاندن.
چواره‌م: به‌دواداچوونی‌ كاروباری‌ گواستنه‌وه‌.
پێنجه‌م: پێشنیاركردنی‌ یاسای‌ تایبه‌ت به‌ ڕێكخستنی‌ په‌یوه‌ندی‌ نێوان حكومه‌ت‌و خاوه‌ن كارو كرێكار.
شه‌شه‌م: چاودێریكردنی‌ جێبه‌جێكردنی‌ یاسای‌ كار.
حه‌وته‌م: چاودێریكردن‌و به‌دواداچوونی‌ ئاماده‌كردنی‌ كرێكاری‌ به‌توانا به‌پێی‌ پێداویستی‌ بازاڕی‌ كار.
به‌ندی‌ ژماره‌(98)
لیژنه‌ی‌ كاروباری‌ هه‌رێم‌و ئه‌و پارێزگایانه‌ی‌ كه‌ له‌ هه‌رێمێكدا ڕێكنه‌خراون.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: گرنگیدان به‌ كاروباری‌ هه‌رێم‌و ئه‌و پارێزگایانه‌ی‌ كه‌ له‌ هه‌رێمێكدا ڕێكنه‌خراون‌و په‌یوه‌ندیان به‌ حكومه‌تی‌ فیدڕاڵی‌.
دووه‌م: به‌دواداچوونی‌ كاروباری‌ ئه‌نجومه‌نی‌ هه‌رێم‌و پارێزگاكان‌و ئه‌نجومه‌نه‌ ناوچه‌ییه‌كان.
سێیه‌م: به‌دواداچوونی‌ به‌شداری‌ دادوه‌رانه‌ له‌ به‌ڕێوه‌بردنی‌ داموده‌زگا جیاجیاكانی‌ ده‌وڵه‌تی‌ فیدڕاڵی‌ و نێردراوو زه‌ماله‌ته‌كانی‌ خوێندن‌و كۆنگره‌ ناوخۆیی‌و نیوده‌وڵه‌تیه‌كان.
 چواره‌م: به‌دواداچوونی‌ دابه‌شكردنی‌ دادپه‌روه‌رانه‌ بۆ داهات‌و پاره‌ی‌ تایبه‌تكراو له‌ نێوان هه‌رێم‌و پارێزگاكان.
پێنجه‌م: پێشنیاركردنی‌ یاسای‌ ڕێكخستنی‌ په‌یوه‌ندی‌ نێوان ئه‌نجومه‌نی‌ یاسادانانی‌ هه‌رێم‌و پارێزگاكان له‌گه‌ڵ وه‌زاره‌ته‌ فیدڕاڵیه‌كان.
شه‌شه‌م: پێشنیاركردنی‌ یاسای‌ ڕێكخستنی‌ كاری‌ ئه‌و دوو ده‌سته‌یه‌ی‌ كه‌ له‌ ماده‌ی‌ 105 و 106ی‌ ده‌ستور ئاماژه‌ی‌ پێكراوه‌.
به‌ندی‌ ژماره‌(99)
لیژنه‌ی‌ مافی‌ مرۆڤــ.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ مافی‌ مرۆڤی‌ عێراقی‌ له‌سه‌ر بنه‌ما دانپێدانراوه‌كان له‌ ده‌ستورو تۆماركردنی‌ سه‌رپێچیه‌كان‌و پێشنیار بۆ چاره‌سه‌ركردنیان.
دووه‌م: تۆماركردنی‌ سه‌رپێچی‌ مافی‌ مرۆڤـ له‌لایه‌ن ده‌سه‌ڵاته‌كانه‌وه‌.
سێیه‌م:به‌دواداچوونی‌ كاروباری‌ به‌ندكراوان‌و ده‌ستگیركراوان له‌ به‌ندیخانه‌كاندا.
به‌ندی‌ ژماره‌(100)
لیژنه‌ی‌ ڕۆشنبیری‌‌و هونه‌رو ڕاگه‌یاندن‌و گه‌شتوگوزار.
یه‌كه‌م: گرنگیدان به‌ سه‌رجه‌م بواره‌كانی‌ ڕۆشنبیری‌.
دووه‌م: گرنگیدان به‌ په‌ره‌پێدانی‌ هونه‌رو ئه‌ده‌ب.
سێیه‌م:گرنگیدان به‌ كاروباری‌  گه‌شتوگوزار به‌ تایبه‌ت گه‌شتوگوزاری‌ ئایینی‌.
چواره‌م: به‌دواداچونی‌ كاروباری‌ شوێنه‌وارو لێكۆڵینه‌وه‌و به‌دواداچوونی‌ گێڕانه‌وه‌ی‌ كه‌لوپه‌له‌ كۆنه‌ عێراقیه‌ دزراوو له‌ناوچووه‌كان‌و پاراستنیان.
پێنجه‌م: به‌دواداچوونی‌ ده‌زگاكانی‌ ڕاگه‌یاندن‌و چاودێری‌ كاره‌كانیان.
شه‌شه‌م: به‌دواداچوونی‌ ده‌سته‌ی‌ ڕاگه‌یاندن‌و په‌یوه‌ندیه‌كان.
به‌ندی‌ ژماره‌(101)
لیژنه‌ی‌ ئه‌وقاف‌و كاروباری‌ ئایینی‌.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ كارو بڕیاری‌ دیوانه‌كانی‌ ئه‌وقاف.
دووه‌م: پێشكه‌شكردنی‌ پڕۆژه‌ی‌ یاسای كاراكردن‌و په‌ره‌پێدانی‌ ئه‌وقاف.
سێیه‌م:به‌دواداچوونی‌ ده‌سته‌ی‌ باڵای‌ حه‌ج‌و عومره‌.
به‌ندی‌ ژماره‌(102)
لیژنه‌ی‌ ڕاگوێزراوان‌و ده‌ركراوان‌و ئاواره‌.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ گێڕانه‌وه‌ی‌ ئه‌وانه‌ی‌ به‌زۆر ڕاگوێزراون‌و ده‌ركراون، بۆ شوێنی‌ نیشته‌جێبوونیان پێش ڕاگواستن، هه‌روه‌ها گێڕانه‌وه‌ی‌ ماڵ و دارایی گواستراوه‌و نه‌گواستراوه‌كان بۆیان.
دووه‌م: به‌دواداچوونی‌ گێڕانه‌وه‌ی‌ موڵك‌و دارایی ڕاگوێزراوان‌و ده‌ركراوان كه‌ به‌ ناڕه‌وا ده‌ستی‌ به‌سه‌ردا گیراوه‌ له‌لایه‌ن ڕژێمی‌ پێشووه‌وه‌.
سێیه‌م: به‌دواداچوونی‌ كاروباری‌ هاوڵاتیان كه‌ له‌ژێرسایه‌ی‌ ڕژێمی‌ پێشوودا ده‌ستیان به‌سه‌ردا گیراوه‌، له‌ به‌ره‌نجامی‌ ڕاگواستنی‌ خێزانه‌كانیان بۆ ده‌ره‌وه‌ی‌ عێراق.
چواره‌م: لێكۆڵینه‌وه‌ی‌ پڕۆژه‌ یاسا پێشنیاركراوه‌كان كه‌ تایبه‌ته‌ به‌ ڕه‌گه‌زنامه‌، به‌و پێیه‌ی‌ له‌ به‌ندی‌ یازده‌ی‌ ده‌ستور ئاماژه‌ی‌ پێكراوه‌، به‌ هاوئاهه‌نگی‌ له‌گه‌ڵ لیژنه‌ی‌ یاسایی‌.
پێنجه‌م: به‌دواداچوونی‌ ده‌سته‌ی‌ باڵای‌ چاره‌سه‌ركردنی‌ كێشه‌كانی‌ موڵكداری‌.
به‌ندی‌ ژماره‌(103)
لیژنه‌ی‌ كشتوكاڵ‌و ئاوو زۆنگاوه‌كان.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ كشتوكاڵ‌و په‌ره‌پێدانی‌.
دووه‌م:.چاودێری جێبه‌جێكردنی‌ سیاسه‌تی‌ داهاتی‌ ئاوو دابه‌شكردنی‌ له‌ ناوخۆدا.
سێیه‌م: گرنگیدان به‌ گونده‌كان‌و به‌رزكردنه‌وه‌ی‌ ئاستی‌ ژیانی‌ كشتیاران‌و جوتیاران.
چواره‌م:به‌دواداچوونی‌ سامانی‌ ئاژه‌ڵ‌و كاروباری‌ ڤێرتێرنه‌ری‌.
پێنجه‌م:به‌دواداچوون‌و په‌ره‌پێدانی‌ كاروباری‌ كۆچبه‌ران له‌ ڕێی‌ نیشته‌جێكردنیان‌و دابینكردنی‌ ژینگه‌ی‌ شیاو بۆیان.
شه‌شه‌م: به‌دواداچوونی‌ زیندوكردنه‌وه‌ی‌ زۆنگاوه‌كان.
حه‌وته‌م: به‌دواداچوونی‌ كاروباری‌ دانیشتواتی‌ زۆنگاوه‌كان‌و په‌ره‌پێدانی‌ بارودۆخیان.
هه‌شته‌م: په‌ره‌پێدانی‌ زۆنگاوه‌كان وه‌ك سامانێكی‌ نیشتمانی‌‌و كه‌لتورێكی‌ مرۆیی.
به‌ندی‌ ژماره‌(104)
لیژنه‌ی‌ ڕیشه‌كێش كردنی‌ به‌عس.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: چاودێریكردن و به‌دواداچوونی‌ ئه‌و ڕێوشوێنانه‌ی‌ كه‌ ده‌سته‌ی‌ باڵای‌ ڕیشه‌كێشكردنی‌ به‌عس ده‌یگرێته‌به‌ر بۆ مسۆگه‌ربوونی‌ دادوه‌ری‌‌و بابه‌تیبوون‌و شه‌فافیه‌ت، هه‌روه‌ها چاوخشاندنه‌وه‌ به‌ یاساكانی‌ ده‌سته‌ی‌ ناوبراو.
 دووه‌م: ده‌ركردنی‌ ڕاسپارده‌ سه‌باره‌ت به‌و بڕیارانه‌ی‌ كه‌ ده‌سته‌ی‌ ڕیشه‌كێشكردنی‌ به‌عس‌و فه‌رمانگه‌كانی‌ ده‌ری‌ ده‌كات له‌ وه‌زاره‌ت‌و ده‌سته‌ حكومیه‌كان‌و ڕاسپارده‌كانیش له‌ ئه‌نجومه‌نی‌ نوێنه‌ران ده‌خرێنه‌ڕوو.
به‌ندی‌ ژماره‌(105)
لیژنه‌ی‌ شه‌هیدان و قوربانیان‌و زیندانه‌ سیاسیه‌كان
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ كاری‌ ده‌زگای‌ شه‌هید.
دووه‌م: به‌دواداچوونی‌ كاری‌ ده‌زگای‌ زیندانه‌ سیاسیه‌كان.
سێیه‌م:به‌دواداچوونی‌ كاروباری‌ ئه‌وانه‌ی‌ به‌هۆی‌ پرۆسه‌ سه‌ربازی‌‌و تیرۆریستیه‌كانه‌وه‌ شه‌هید بوون یان زیانیان لێكه‌وتووه‌.
چواره‌م: به‌دواداچوونی‌ كاروباری‌ كه‌مئه‌ندامان.
پێنجه‌م: به‌دواداچوونی‌ كاروباری‌ ده‌ركراوه‌ سیاسیه‌كان.
به‌ندی‌ ژماره‌(106)
لیژنه‌ی‌ لاوان‌و وه‌رزش.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: به‌دواداچوونی‌ كاروباری‌ لاوان‌و به‌رزركردنه‌وه‌و په‌ره‌پێدانی‌ ئاستی‌ لێهاتوویان له‌ بواره‌ جیاوازه‌كاندا.
دووه‌م: به‌دواداچوون‌و په‌ره‌پێدانی‌ كاروباری‌ وه‌رزشوانان‌و ده‌زگا وه‌رزشیه‌كان.
به‌ندی‌ ژماره‌(107)
لیژنه‌ی‌ ئافره‌ت‌و خێزان‌و منداڵ.
بواری‌ پسپۆڕی‌ ئه‌م لیژنه‌یه‌ بریتیه‌ له‌:
یه‌كه‌م: پێشكه‌شكردنی‌ پڕۆژه‌ی‌ یاسای‌  پێشنیاركراو كه‌ پشتیوانی‌ ڕۆڵی‌ ئافره‌ت ده‌كات له‌ كۆمه‌ڵگه‌و ڕێره‌وی‌ سیاسیدا.
دووه‌م: گرنگیدان به‌ مافی‌ ئافره‌ت‌و به‌رگری‌ كردن لێی‌ به‌ پێی‌ گه‌ڵاڵه‌نامه‌كانی‌ مافی‌ مرۆڤـ به‌له‌به‌رچاوگرتنی‌ تایبه‌تمه‌ندی‌ كۆمه‌ڵگه‌ی‌ عێراقی‌.
سێیه‌م: تۆماركردنی‌ سه‌رپێچی‌ مافه‌كانی‌ ژنان كه‌ له‌ ده‌ستور ئاماژه‌ی‌ بۆكراوه‌.
چواره‌م: به‌دواداچوونی‌ جێبه‌جێكردنی‌ ئه‌و یاساو ڕێوشوێنانه‌ی‌ كه‌ خێزان ده‌پارێزێ‌ له‌ كۆمه‌ڵگه‌ی‌ عێراقیدا.
پێنجه‌م: گرنگی به
تێبینی: ئەم پەیڕەوە لە ماڵپەڕی ئەنجومەنی نوێنەران وەرگیراوە، لێرەوە كەموكورتی تێدایە تا خاڵی 115.
به‌ندی‌ ژماره‌(115)

هه‌موو لیژنه‌یه‌ك پێویسته‌ ڕاپۆرتێك پێشكه‌ش به‌ ئه‌نجومه‌ن بكات سه‌باره‌ت به‌ هه‌ر بابه‌تێك كه‌ ئاڕاسته‌ی‌ ده‌كرێت. پێویسته‌ ڕاپۆرته‌كه‌ ئه‌و ڕێوشوێنانه‌ له‌ خۆبگرێت كه‌ لیژنه‌كه‌ ئه‌نجامیداوه‌ له‌گه‌ڵ دیاریكردنی‌ ئه‌و هۆكارانه‌ی‌ كه‌ لیژنه‌كه‌ له‌ بۆچوونه‌كانیدا پشتی‌ پێده‌به‌ستێت. له‌گه‌ڵ ڕاپۆرته‌كه‌ش ده‌قی‌ پڕۆژه‌و یاساكان هاوپێچ ده‌كرێت له‌گه‌ڵ یاداشته‌كانی‌ ڕوونكردنه‌وه‌. هه‌روه‌ك پێویسته‌ ڕاپۆرته‌كه‌ بۆچوونه‌ جیاوازه‌كانی‌ تێدابێت كه‌ له‌وانه‌یه‌ له‌لایه‌ن ئه‌ندامانی‌ لیژنه‌وه‌ له‌باره‌ی‌ بابه‌ته‌كه‌وه‌ خرابێته‌ڕوو.

به‌ندی‌ ژماره‌ (116)

جگه‌ له‌و كاروبارانه‌ی‌ كه‌ ده‌قی‌ تایبه‌تی‌ له‌باره‌وه‌ هاتووه‌، لیژنه‌ ڕاپۆرتی‌ خۆی‌ له‌ ماوه‌ی‌ نێوان دوو تا چوار هه‌فته‌ ده‌خاته‌ڕوو له‌ به‌رواری‌ ڕه‌وانه‌كردنی‌ بابه‌ته‌كه‌ بۆی‌، به‌مه‌رجێك ئه‌نجومه‌ن ماوه‌ی‌ دیكه‌ دیاری‌ نه‌كات. ئه‌گه‌ر ماوه‌كه‌ تێپه‌ڕی‌‌و ڕاپۆرته‌كه‌ پێشكه‌ش نه‌كرا، ئه‌و كات سه‌رۆكی‌ ئه‌نجومه‌ن ده‌توانێت داوا له‌ سه‌رۆكی‌ لیژنه‌كه‌ بكات كه‌ هۆكاره‌كانی‌ دواكه‌وتنی‌ ڕاپۆرته‌كه‌ بخاته‌ڕوو له‌گه‌ڵ ئه‌و ماوه‌یه‌ی‌ كه‌ پێویسته‌ بۆ ته‌واوكردنی‌ كاره‌كانی‌، هه‌روه‌ك سه‌رۆك ده‌توانێت كیشه‌كه‌ بخاته‌به‌رده‌م ئه‌نجومه‌ن تا بڕیاری‌ پێویستی‌ له‌باره‌وه‌ بدرێت.

به‌ندی‌ ژماره‌ (117)

وێنه‌یه‌ك له‌و بڕیارانه‌ی‌ كه‌ له‌ ئه‌نجومه‌نی‌ سه‌رۆكایه‌تی‌‌و ئه‌نجومه‌نی‌ وه‌زیران ده‌رده‌چێت ده‌نێردرێت بۆ نوسینگه‌ی‌ سه‌رۆكی‌ ئه‌نجومه‌ن، هه‌روه‌ك ئه‌م وێنه‌یه‌كیش ده‌خرێته‌به‌رده‌ستی‌ هه‌ریه‌ك له‌ لیژنه‌ جیاوازه‌كانی‌ ئه‌نجومه‌ن.

به‌ندی‌ ژماره‌ (118)

پێویسته‌ وه‌زاره‌ته‌كان لیژنه‌ په‌یوه‌ندیداره‌كان ئاگاداربكه‌ن له‌‌و بڕیاره‌ ستراتیژی‌و كاروباره‌ كارگێڕیی‌و ڕێنماییه‌ پیشه‌ییانه‌ی‌ كه‌ ده‌ریده‌كه‌ن. هه‌روه‌ها لیژنه‌كان مافی‌ ئه‌وه‌یان هه‌یه‌ كه‌ داوای‌ وێنه‌یه‌ك له‌و ڕاپۆرتانه‌ بكه‌ن كه‌ ئاماده‌یان كردووه‌ له‌و سه‌ردانانه‌ی‌ كه‌ بۆ ده‌ره‌وه‌ی‌ وڵات ئه‌نجامیانداوه‌ یان له‌و كۆنگره‌و كۆبوونه‌وه‌ نێوده‌وڵه‌تیانه‌ی‌ كه‌ به‌شداریان تێداكردووه‌. هه‌روه‌ها لیژنه‌ی‌ تایبه‌تمه‌ند مافی‌ ئه‌وه‌ی‌ هه‌یه‌ كه‌ داوای‌ ڕوونكردنه‌وه‌ له‌ وه‌زیر بكات سه‌باره‌ت به‌ ناوه‌ڕۆكی‌ ئه‌م ڕاپۆرتانه‌ یان داوای‌ ئاماده‌بوونی‌ سه‌رۆكی‌ شانده‌كان بكات بۆ گفتوگۆكردن له‌گه‌ڵیان سه‌باره‌ت به‌ ناوه‌ڕۆكی‌ ڕاپۆرته‌كان.

به‌ندی‌ ژماره‌ (119)

سه‌رۆكی‌ ئه‌نجومه‌ن مافی‌ ئه‌وه‌ی‌ هه‌یه‌ بانگهێشتی‌ یه‌كێك له‌ لیژنه‌كان بكات بۆ تاووتوێكردنی‌ بابه‌تێكی‌ گرنگ یان به‌په‌له‌. هه‌روه‌ك سه‌رۆكی‌ ئه‌نجومه‌ن سه‌رۆكایه‌تی‌ دانیشتنی‌ ئه‌و لیژنانه‌ ده‌كات كه‌ ئاماده‌ی‌ ده‌بێت. گۆڕینه‌وه‌ی‌ نووسراوی‌ فه‌رمیش له‌نێوان لیژنه‌كانی‌ ئه‌نجومه‌ن‌و ده‌سه‌ڵاتی‌ جێبه‌جێكردن‌و لایه‌نه‌كانی‌ تری‌ ده‌ره‌وه‌ی‌ ئه‌نجومه‌ن له‌ڕێی‌ سه‌رۆكی‌ لیژنه‌وه‌ ده‌بێت به‌پێی‌ ئه‌و په‌یڕه‌وی‌ ناوخۆیه‌ی‌ كه‌ له‌م بواره‌دا داده‌نرێت، له‌هه‌مانكاتدا سه‌رۆكی‌ ئه‌نجومه‌ن ئاگادارده‌كرێت به‌ناردنی‌ وێنه‌یه‌ك له‌ نووسراوه‌كه‌ بۆی.


به‌شی‌ چوارده‌یه‌م

پێشنیاری‌ ئه‌ندامان سه‌باره‌ت به‌ پڕۆژه‌ یاساییه‌كان

به‌ندی‌ ژماره‌ (120)

ده‌ ئه‌ندامی‌ ئه‌نجومه‌نی‌ نوێنه‌ران مافی‌ ئه‌وه‌یان هه‌یه‌ پڕۆژه‌ی‌ یاسا پێشنیار بكه‌ن بۆ سه‌رۆكی‌ ئه‌نجومه‌نی‌ نوێنه‌ران كه‌ له‌ چوارچێوه‌ی‌ چه‌ند ماده‌یه‌كدا داڕێژرابێت‌و هۆكاری‌ دانانی‌ یاساكه‌ش باسكرابێت.

به‌ندی‌ ژماره‌(121)

سه‌رۆكی‌ ئه‌نجومه‌نی‌ نوێنه‌ران ده‌توانێت به‌نووسراو سه‌رپێچی بنه‌ما ده‌ستوری‌‌و یاساییه‌كان ئاڕاسته‌ی‌ ئه‌و لایه‌نه‌ بكات كه‌ پرۆِژه‌كه‌ی‌ پێشنیاركردووه‌ ، دوای‌ ئه‌وه‌ی‌ ده‌خرێته‌ به‌رده‌م لیژنه‌ی‌ په‌یوه‌ندیداره‌وه‌،  یاخود ئه‌گه‌ر پڕۆژه‌كه‌ شێوازی‌ پێویستی‌ له‌ خۆ نه‌گرتبوو، یان چه‌ند بڕگه‌یه‌ك له‌ به‌نده‌ یاساییه‌ كارپیكراوه‌كانی‌ تێدابوو ، یاخود ئه‌گه‌ر داوای‌ ڕاستكردنه‌وه‌و كێشانه‌وه‌ی‌ چه‌ند بڕگه‌یه‌كی‌ لێكرابوو. ئه‌گه‌ر ئه‌ندام سووربوو له‌سه‌ر بۆچوونه‌كه‌ی‌ پێویسته‌ له‌سه‌ری‌ یاداشتێكی‌ نووسراو  پێشكه‌ش به‌ سه‌رۆكی‌ ئه‌نجومه‌نی‌ نوێنه‌ران بكات‌و تیێیدا بۆچوونی‌ خۆی‌ بخاته‌ ڕوو له‌ماوه‌ی‌ هه‌فته‌یه‌كدا له‌ ژێر ڕۆشنایی‌ ئه‌و ئاگاداریه‌ی‌ پێی‌ گه‌یشتووه‌، پاشان سه‌رۆكی‌ ئه‌نجومه‌نی‌ نوێنه‌ران بابه‌ته‌كه‌ ده‌خاته‌ به‌رده‌م ده‌سته‌ی‌ سه‌رۆكایه‌تی‌. دواتر سه‌رۆكی‌ ئه‌نجومه‌نی‌ نوێنه‌ران به‌ نووسراو ئه‌و لایه‌نه‌ ئاگادار ده‌كاته‌وه‌ كه‌ پێشنیاره‌كه‌ی‌ پێشكه‌ش كردووه‌ سه‌باره‌ت به‌ بڕیاری‌ ده‌سته‌ی‌ سه‌رۆكایه‌تی‌ له‌وباره‌یه‌وه‌، ئه‌گه‌ر ئه‌و لایه‌نه‌ی‌ كه‌ پێشنیاره‌كه‌ی‌ پێشكه‌ش كردووه‌ هه‌ر سوور بوو له‌سه‌ر بۆچونه‌كه‌ی‌، ئه‌وا له‌پاش هه‌فته‌یه‌ك سه‌رۆكی‌ ئه‌نجومه‌نی‌ نوێنه‌ران بابه‌ته‌كه‌ ده‌خاته‌ به‌رده‌م ئه‌نجومه‌نی‌ نوێنه‌ران تا بڕیاری‌ پێویستی‌ لێ بدرێت. 

به‌ندی‌ ژماره‌(122)

سه‌رۆكی‌ ئه‌نجومه‌نی‌ نوێنه‌ران هه‌ر پێشنیارێك ده‌رباره‌ی‌ پڕۆژه‌ یاساییه‌كان ڕه‌وانه‌ی‌ لیژنه‌ی‌ یاسایی‌ ده‌كات تاوه‌كو لیژنه‌ی‌ یاسایی‌ له‌ بۆچوونه‌كه‌ بكۆڵیته‌وه‌و ڕاپۆرتێك له‌باره‌یه‌وه‌ ئاماده‌بكات بۆ ئه‌نجومه‌نی‌ نوێنه‌ران‌و بۆچوونی‌ لیژنه‌كه‌ بخاته‌ ڕوو له‌باره‌ی‌ گونجاوی‌ بۆچوونه‌كه‌ یان ڕه‌تكردنه‌وه‌ی‌ یا دواخستنی‌، سه‌رۆكی‌ ئه‌نجومه‌نیش ده‌توانێت پێشنیار بكات بۆ ئه‌نجومه‌نی‌ نوێنه‌ران به‌ ڕه‌تكردنه‌وه‌ی‌ پێشنیاره‌كه‌ له‌به‌ر چه‌ند هۆكارێك كه‌ په‌یوه‌ندیان به‌ بابه‌ته‌كه‌وه‌ هه‌یه‌ به‌ شێوه‌یه‌كی‌ گشتی‌. ئه‌گه‌ر ئه‌نجومه‌نی‌ نوێنه‌ران ڕه‌زامه‌ندی‌ نیشاندا له‌سه‌ری‌ ئه‌وا پیشنیاره‌كه‌ ڕه‌وانه‌ی‌ لیژنه‌ی‌ په‌یوه‌ندیدار ده‌كات.

به‌ندی‌ ژماره‌(123)

ئه‌گه‌ر پڕۆژه‌ی یاسایه‌ك پێشكه‌شكرا كه‌ په‌یوه‌ندی‌ هه‌بوو به‌ پڕۆژه‌ یاسایه‌كی‌ پێشنیاركراوی دیكه‌ كه‌ ڕه‌وانه‌ی‌ یه‌كێك له‌ لیژنه‌كان كرابێت، ئه‌وا سه‌رۆكی‌ ئه‌نجومه‌نی‌ نوێنه‌ران ڕاسته‌وخۆ ڕه‌وانه‌ی‌ ئه‌و لیژنه‌یه‌ی‌ ده‌كات، به‌مه‌رجێك لیژنه‌كه‌ ده‌ستی‌ نه‌كردبێت به‌ لێكۆڵینه‌وه‌ی‌ بڕگه‌كانی‌ پڕۆژه‌كه‌ یان پێشنیاره‌كه‌. 

به‌ندی‌ ژماره‌(124)

سه‌باره‌ت به‌و پێشنیارانه‌ی‌ په‌یوه‌ندیدارن به‌ پڕۆژه‌ی‌ یاسایاكان، هه‌مان ئه‌و ڕێوشوێنانه‌ ده‌رباره‌یان ده‌گیرێته‌ به‌ر كه‌ تایبه‌ته‌ به‌ تاووتوێكردنی‌ پڕۆژه‌ یاساییه‌كان كه‌ له‌م په‌یڕه‌وی‌ ناوخۆیه‌دا ئاماژه‌ی‌ پێدراوه‌، له‌گه‌ڵ ڕه‌چاوكردنی‌ ئه‌و بابه‌تانه‌ی‌ كه‌ ده‌قی‌ تایبه‌ت له‌باره‌یانه‌وه‌ هاتووه‌.

 به‌ندی‌ ژماره‌(125)

ئه‌و لایه‌نه‌ی‌ پڕۆژه‌یه‌كی‌ یاسایی‌ پێشنیار كردووه‌ ده‌توانێت پاشگه‌زببێته‌وه‌ به‌ داوایه‌كی‌ نووسراو بۆ سه‌رۆكی‌ ئه‌نجومه‌نی‌ نوێنه‌ران له‌ هه‌ر كاتێكدا، پێش ده‌ستكردن به‌ تاووتوێكردنی‌ به‌نده‌كانی‌ پڕۆژه‌ یاساكه‌. پاش ئه‌وه‌ی‌ ئه‌ندامی‌ ئه‌نجومه‌نی‌ نوێنه‌ران پاشگه‌زده‌بێته‌وه‌ له‌ پێشنیاره‌كه‌ی‌ وه‌كو ئه‌وه‌ وایه‌ هه‌ر پێشنیاره‌كه‌ی‌ نه‌خستبێته‌ڕوو به‌مه‌رجێك یه‌كێك له‌ ئه‌ندامانی‌ ئه‌نجومه‌نی‌ نوێنه‌ران له‌لایه‌ن خۆیه‌وه‌ داوا نه‌كات پێشنیاره‌كه‌ درێژه‌ی‌ پێبدرێت به‌ پێشكه‌شكردنی‌ نووسراوێك له‌وباره‌یه‌وه‌ بۆ سه‌رۆكی‌ ئه‌نجومه‌نی‌ نوێنه‌ران.

به‌ندی‌ ژماره‌(126)

یاسا پێشنیاركراوه‌كان كه‌ ئه‌نجومه‌نی‌ نوێنه‌ران ڕه‌تی‌ كردۆته‌وه‌ یان كه‌سی‌ پێشكه‌شكار لێی‌ پاشگه‌ز بووبێته‌وه‌ نابێت جارێكی‌ دیكه‌ له‌ هه‌مان خولی‌ یاساداناندا پێشكه‌ش بكرێـته‌وه‌. سه‌رۆكی‌ ئه‌نجومه‌ن له‌ خوولی‌ یاسادانانی‌ دواتردا ده‌توانێت پرۆژه‌كه‌ له‌گه‌ڵ ئه‌و زانیاریانه‌ی‌ په‌یوه‌ندیداره‌ پێی‌ بخاته‌ به‌رده‌می‌ ئه‌نجومه‌نی‌ نوێنه‌ران پاشان ڕه‌وانه‌ی‌ لیژنه‌ی‌ په‌یوه‌ندیدار ده‌كرێت، هه‌روه‌ك سه‌رۆك ده‌توانێت ڕاسته‌وخۆ ڕه‌وانه‌ی‌ لیژنه‌ی‌ په‌یوه‌ندیداری‌ بكات له‌گه‌ڵ ئاگاداركردنی‌ ئه‌نجومه‌ن له‌یه‌كه‌م دانیشتنی‌ دوای‌ ئه‌م كاره‌.


به‌شی‌ پازده‌یه‌م

په‌یماننامه‌ و ڕێككه‌وتنه‌ نێوه‌ده‌وڵه‌تیه‌كان

به‌ندی‌ ژماره‌(127)

ڕێكخستنی‌ پرۆسه‌ی‌ په‌سه‌ندكردنی‌ په‌یماننامه‌و ڕێككه‌وتنه‌ نێوده‌وڵه‌تیه‌كان به‌ یاسایه‌ك ده‌بێت كه‌ له‌لایه‌ن زۆرینه‌ی‌ 23ی‌ ئه‌ندامانی‌ ئه‌نجومه‌نی‌ نوێنه‌ران داده‌نرێت.


به‌شی‌ شازده‌یه‌م

ڕێوشوێنه‌ یاساییه‌كان

به‌ندی‌ ژماره‌(128)

سه‌رۆكی‌ ئه‌نجومه‌نی‌ نوێنه‌ران ئه‌و پڕۆژه‌ یاساییانه‌ی‌ له‌لایه‌ن ده‌سه‌ڵاتی‌ جێبه‌جێكردنه‌وه‌ پێشكه‌ش كراوه‌ ، ڕه‌وانه‌ی‌ لیژنه‌ په‌یوه‌ندیدار ده‌كات، تاوه‌كو بۆچوونی‌ خۆی‌ له‌باره‌وه‌ بخاته‌ڕوو پێش خستنه‌ڕووی‌ له‌ ئه‌نجومه‌نی‌ نوێنه‌ران بۆ تاووتوێكردنی‌، له‌كاتی‌ خستنه‌ڕووی‌ له‌ ئه‌نجومه‌نیشدا نوێنه‌ری‌ ئه‌و لیژنه‌یه‌ی‌ پڕۆژه‌كه‌ پێشكه‌ش ده‌كات ئاماده‌ده‌بێت.

به‌ندی‌ ژماره‌(129)

هه‌موو ئه‌ندامێكی‌ ئه‌نجومه‌نی‌ نوێنه‌ران مافی‌ ئه‌وه‌ی‌ هه‌یه‌ پێشنیار بكات بۆ هه‌مواركردن یان لابردن یان زیادكردن یان په‌رت كردنی‌ به‌نده‌كان كاتێك ده‌خرێته‌ ڕوو به‌ مه‌به‌ستی‌ هه‌مواركردنی‌ پڕۆژه‌كه‌. پێویسته‌ گۆڕانكاریه‌ پێشنیاركراوه‌كه‌ به‌ نووسراو پێشكه‌ش به‌ سه‌رۆكی‌ لیژنه‌ بكرێت پێش بیست و چوار كاتژمێر به‌لانی‌ كه‌م له‌ ئه‌نجامدانی‌ دانیشتنه‌كه‌ كه‌ تێیدا ئه‌و مادانه‌ تاووتوێده‌كرێت كه‌ هه‌مواركردن ده‌یگرێته‌وه‌ .

به‌ندی‌ ژماره‌(130)

پێویسته‌ لیژنه‌ی‌ دارایی‌ بۆچوونی‌ حكومه‌ت وه‌ربگرێت سه‌باره‌ت به‌ هه‌ر پێشنیارێك كه‌ لیژنه‌كه‌ ده‌یخاته‌ ڕوو ده‌رباره‌ی‌ ئه‌نجامدانی‌ گۆڕانكاری‌ له‌ پڕۆژه‌ی‌ بودجه‌دا، هه‌روه‌ها پێویسته‌ ڕاپۆرتی‌ لیژنه‌كه‌ بۆچوونی‌ حكومه‌ت‌و بیانوه‌كانی‌ له‌مباره‌یه‌وه‌ له‌ خۆبگرێت. ئه‌م بڕیاره‌ش جێبه‌جێده‌بێت به‌سه‌ر هه‌ر پێشنیارێكدا كه‌ یه‌كێك له‌ لیژنه‌كانی‌ ئه‌نجومه‌نی‌ نوێنه‌ران یا یه‌كێك له‌ ئه‌ندامانی‌ ئه‌نجومه‌نی‌ نوێنه‌ران پێشكه‌شی‌ ده‌كات بۆ هه‌مواركردنی‌ پڕۆژه‌ی‌ یاسایه‌ك، ئه‌گه‌ر ببێته‌ هۆی‌ بارگرانی‌ دارایی‌.


به‌ندی‌ ژماره‌(131)

سه‌رۆكی‌ ئه‌نجومه‌نی‌ نوێنه‌ران، ڕاپۆرتی‌ لیژنه‌ی‌ په‌یوه‌ندیدار ده‌خوێنێته‌وه‌ هاوكات بۆچوونه‌ ناته‌باكانیش له‌گه‌ڵ بۆچوونی‌ زۆرینه‌ی‌ ئه‌ندامانی‌ لیژنه‌كه‌ ده‌خاته‌ ڕوو له‌ دانیشتنێكی‌ تایبه‌تدا بۆ تاووتوێكردنی‌ ڕاپۆرته‌كه‌ . له‌ هه‌موو بارێكیشدا تاووتوێكردنه‌كه‌ به‌ پێی‌ ئه‌و پڕۆژه‌یه‌ به‌ڕێوه‌ده‌چێت كه‌ لیژنه‌كه‌ پێشكه‌شی‌ كردووه‌.

به‌ندی‌ ژماره‌(132)

به‌شێوه‌یه‌كی‌ گشتی‌ ده‌ست ده‌كرێت به‌ تاووتوێكردن‌و ئاڵوگۆڕكردنی‌ بنه‌ما سه‌ره‌كیه‌كانی‌ پڕۆژه‌كه‌، ئه‌گه‌ر ئه‌نجومه‌نی‌ نوێنه‌ران به‌ زۆرینه‌ی‌ ده‌نگ له‌ بنه‌ڕه‌ته‌وه‌ ڕازی‌ نه‌بوو له‌سه‌ر پڕۆژه‌كه‌، ئه‌وه‌ ده‌گه‌یه‌نێ‌ پڕۆژه‌كه‌ ڕه‌تكراوه‌ته‌وه‌.

به‌ندی‌ ژماره‌(133)

دوای‌ ڕازیبوونی‌ ئه‌نجومه‌نی‌ نوێنه‌ران له‌ ڕووی‌ بنه‌ڕه‌ته‌وه‌ له‌سه‌ر پڕۆژه‌كه‌، ده‌ست ده‌كرێت به‌ تاووتوێكردنی‌ یه‌ك به‌ یه‌كی‌ به‌نده‌كان دوای‌ خوێندنه‌وه‌یان. هه‌ر به‌ندێكیش به‌ جیا بۆچوونه‌كان له‌باره‌یه‌وه‌ وه‌رده‌گیرێت‌و ده‌نگی‌ له‌سه‌ر ده‌درێت، پاشان له‌سه‌ر پڕۆژه‌كه‌ به‌ گشتی‌ بۆچوونه‌كان وه‌رده‌گیرێت‌و ده‌نگی‌ له‌سه‌ر ده‌درێت دوای‌ ته‌واوبوونی‌ خوێندنه‌وه‌ی‌ به‌نده‌كانی‌.

به‌ندی‌ ژماره‌(134)

دوای‌ كۆتاییهێنان به‌ تاووتوێكردنی‌ به‌نده‌كان‌و خستنه‌ڕووی‌ ئه‌و پێشنیارانه‌ی‌ بۆ هه‌مواركردن ده‌خرێنه‌ ڕوو، له‌سه‌ره‌تاوه‌ ڕاوبۆچوونه‌كان وه‌رده‌گیرێت ده‌رباره‌ی‌ پێشنیاره‌كانی‌ هه‌مواركردن، به‌ڵام به‌و پێشنیارانه‌ ده‌ست پێده‌كرێت كه‌ فراوانترین بواری‌ هه‌یه‌و زیاتر دووره‌ له‌ ده‌قه‌ بنه‌ڕه‌تیه‌كه‌وه‌ ، پاشان بۆچوونه‌كان له‌سه‌ر كۆی‌ به‌نده‌كه‌ وه‌رده‌گیرێت.

به‌ندی‌ ژماره‌(135)

ئه‌گه‌ر ئه‌نجومه‌نی‌ نوێنه‌ران بڕیارێكی‌ ده‌ركرد سه‌باره‌ت به‌ یه‌كێك له‌ به‌نده‌كان، بۆ هه‌مواركردنی‌ به‌ندێك كه‌ پێشتر ڕه‌زامه‌ندی‌ له‌سه‌ر نیشاندراوه‌، ئه‌وا ئه‌نجومه‌نی‌ نوێنه‌ران ده‌توانێت جارێكی‌ دی‌ ئه‌و به‌نده‌ تاووتوێ بكاته‌وه‌. هه‌روه‌ها ئه‌نجومه‌نی‌ نوێنه‌ران ده‌توانێت جارێكی‌ دی‌ تاووتوێی‌ به‌ندێك بكات كه‌ پێشتر بڕیاری‌ له‌سه‌ردراوه‌، ئه‌گه‌ر هۆكاری‌ نوێ‌ هاته‌پێش، پێش كۆتایی‌ هاتن به‌ تاووتوێكردنه‌كی‌ پڕۆژه‌كه‌. ئه‌مه‌ش له‌ سه‌ر داوای‌ حكومه‌ت یان سه‌رۆكی‌ لیژنه‌ یاخود په‌نجا په‌رله‌مانتار ده‌بێت.

به‌ندی‌ ژماره‌(136)

نابێت ده‌نگ له‌سه‌ر پڕۆژه‌ی‌ یاسا بدرێت پاش تێپه‌ڕبوونی‌ چوار ڕۆژ نه‌بێت به‌لانی‌ كه‌م له‌ كۆتاییهێنان به‌ تاووتوێكردنه‌كه‌و به‌م شێوه‌یه‌ی‌ خواره‌وه‌:

یه‌كه‌م: خوێندنه‌وه‌ی‌ یه‌كه‌می‌ پڕۆژه‌ی‌ یاساكه‌ پێشكه‌ش ده‌كرێت.

دووه‌م: خوێندنه‌وه‌ی‌ دووه‌می‌ پڕۆژه‌ی‌ یاساكه‌ لانی‌ كه‌م پاش دوو ڕۆژ پێشكه‌ش ده‌كرێت دوای‌ وه‌رگرتنی‌ پێشنیاره‌كان به‌ شێوه‌ی نووسراو بۆ هه‌مواركردنی‌، پاشان گفتوگۆكردنی‌ پڕۆژه‌كه‌ به‌ڕێوه‌ده‌چێت.


به‌شی‌ حه‌ڤده‌یه‌م

ناڕه‌زایی‌ له‌سه‌ر پڕۆژه‌ یاساییه‌كان

به‌ندی‌ ژماره‌(137)

ئه‌نجومه‌نی‌ سه‌رۆكایه‌تی‌ ده‌توانێت هه‌ر یاسایه‌ك كه‌له‌لایه‌ن ئه‌نجومه‌نی‌ نوێنه‌رانه‌وه‌ ده‌رده‌كرێت په‌سه‌ندبكات له‌ماوه‌ی‌ ده‌ ڕۆژ له‌به‌رواری‌ وه‌رگرتنی‌، جگه‌ له‌و بارانه‌ی‌ كه‌ له‌ هه‌ردوو ماده‌ی‌ (118)و (119)ی‌ ده‌ستور ئاماژه‌ی‌ پێكراوه‌. ئه‌گه‌ر یاساكه‌ ڕه‌زامه‌ندی‌ له‌سه‌ر نیشان نه‌درا ئه‌وا دووباره‌ ده‌گه‌ڕێته‌وه‌ بۆ ئه‌نجومه‌نی‌ نوێنه‌ران.

به‌ندی‌ ژماره‌(138)

یه‌كه‌م: ئه‌نجومه‌نی‌ نوێنه‌ران دانیشتنێك ئه‌نجام ده‌دات به‌و مه‌به‌سته‌، هه‌روه‌ها ئه‌نجومه‌نی‌ نوێنه‌ران بڕیاری‌ هه‌ڵوه‌شانه‌وه‌كه‌و ئه‌و ڕوونكردنه‌وانه‌ی‌ په‌یوه‌ندیان پێوه‌ هه‌یه‌ ڕه‌وانه‌ی‌ لیژنه‌ی‌ په‌یوه‌ندیدار ده‌كات بۆ لێكۆڵینه‌وه‌ له‌ پڕۆژه‌ هه‌ڵوه‌شێنراوه‌كه‌ كه‌ ناڕه‌زایی له‌باره‌وه‌ ده‌ربڕدراوه‌ له‌گه‌ڵ ئه‌و هۆكارانه‌ی‌ پشتی‌ پێ‌ به‌ستراوه‌. ڕاپۆرتی‌ لیژنه‌ په‌یوه‌ندیداره‌كه‌ش ده‌خرێته‌ به‌رده‌می‌ ئه‌نجومه‌نی‌ نوێنه‌ران بۆ چاوپێداخشاندنه‌وه‌ی‌ به‌زووترین كات. ئه‌گه‌ر ئه‌نجومه‌ن پڕۆژه‌ی‌ یاساكه‌ی‌ به‌زۆرینه‌ په‌سه‌ندكرد ئه‌وا ڕه‌وانه‌ی‌ ئه‌نجومه‌نی‌ سه‌رۆكایه‌تی‌ ده‌كرێت تا ڕه‌زامه‌ندی‌ له‌سه‌ر نیشان بدرێت.

دووه‌م: ئه‌گه‌ر بۆ جاری‌ دووه‌م‌و له‌ماوه‌ی‌ ده‌ ڕۆژدا له‌به‌رواری‌ گه‌یشتنی‌ پڕۆژه‌ی‌ یاساكه‌ بۆ ئه‌نجومه‌نی‌ سه‌رۆكایه‌تی‌ ڕه‌زامه‌ندی‌ له‌سه‌ر نیشان نه‌درا، ئه‌وا ئه‌نجومه‌نی‌ نوێنه‌ران ده‌توانێت به‌زۆرینه‌ی‌ 35ی‌ ئه‌ندامانی‌ په‌سه‌ندی‌ بكات‌و  ئه‌م جاره‌شیان به‌په‌سه‌ندكراو داده‌نرێت.


به‌شی‌ هه‌ژده‌یه‌م

رێوشوێنه‌كانی‌ به‌رزه‌فته‌كردن

به‌ندی‌ ژماره‌(139)

ئه‌گه‌ر ئه‌ندامی‌ ئه‌نجومه‌نی‌ نوێنه‌ران یاسای‌ تێكدا، ئه‌وا سه‌رۆكی‌ ئه‌نجومه‌نی‌ نوێنه‌ران یه‌كێك له‌م ڕێوشوێنانه‌ی‌ خواره‌وه‌ ده‌رهه‌قی‌ جێبه‌جێده‌كات:

1.       یادخستنه‌وه‌ی‌ ئه‌ندام به‌ په‌یڕه‌وی‌ دانیشتنه‌كه‌.

2.       ئه‌گه‌ر ئه‌ندام ملی‌ نه‌دا ئه‌وا سه‌رۆكی‌ ئه‌نجومه‌نی‌ نوێنه‌ران ده‌توانێت ئاگاداری‌ بكاته‌وه‌و به‌و پێیه‌ش وته‌كانی‌ له‌ كۆنووسی‌ دانیشتنه‌كه‌دا ده‌كوژێنرێته‌وه‌.

3.       له‌ به‌شه‌كانی‌ دیكه‌ی‌ دانیشتنه‌كه‌ بواری‌ به‌شداریكردنی‌ پێنادرێت.

به‌ندی‌ ژماره‌(140)

ئه‌گه‌ر ئه‌ندامه‌كه‌ ملی‌ نه‌دا بۆ بڕیاری‌ ئه‌نجومه‌نی‌ نوێنه‌ران، ئه‌وا سه‌رۆكی‌ ئه‌نجومه‌نی‌ نوێنه‌ران مافی‌ ئه‌وه‌ی‌ هه‌یه‌ هۆكاری‌ دی‌ بگرێـته‌ به‌ر بۆ مسۆگه‌ركردنی‌ ئه‌و بڕیاره‌ دوای‌ ووریاكردنه‌وه‌ی‌ ئه‌ندامه‌كه‌ له‌و باره‌یه‌وه‌. هه‌روه‌ها سه‌رۆك ده‌توانێت دانیشتنه‌كه‌ ڕابگرێت یان كۆتایی‌ پێ‌ بهێنێت، له‌م باره‌شدا بێبه‌شكردنه‌كه‌ دووقات زیاتر ده‌بێـت له‌وه‌ی‌ ئه‌نجومه‌نی‌ نوێنه‌ران بڕیاری‌ له‌سه‌رداوه‌.

به‌ندی‌ ژماره‌(141)

ئه‌ندامی‌ ئه‌نجومه‌نی‌ نوێنه‌ران كه‌ بێبه‌شكراوه‌ له‌ كاره‌كانی‌ ئه‌نجومه‌نی‌ نوێنه‌ران، ده‌توانێت داوای‌ ڕاگرتنی‌ بڕگه‌كانی‌ ئه‌م بڕیاره‌ بكات به‌وه‌ی‌ له‌ نووسراوێكدا بۆ سه‌رۆكی‌ ئه‌نجومه‌نی‌ نوێنه‌ران دانبنێت به‌وه‌ی‌ (داوای‌ لێبوردن ده‌كات كه‌ ڕێزی‌ له‌ په‌ێره‌وی‌ ئه‌نجومه‌نی‌ نوێنه‌ران نه‌گرتووه‌)، ئه‌مه‌ش له‌ دانیشتنه‌كه‌دا ده‌خوێنرێته‌وه‌، پاشان ئه‌نجومه‌نی‌ نوێنه‌ران بێ‌ مشتومڕ بڕیاری‌ خۆی‌ ده‌دات له‌مباره‌یه‌وه‌.


به‌شی‌ نۆزده‌یه‌م

بودجه‌ی‌ ئه‌نجومه‌نی‌ نوێنه‌ران

 به‌ندی‌ ژماره‌(142)

ئه‌نجومه‌نی‌ نوێنه‌ران بودجه‌یه‌كی‌ تایبه‌تی‌ هه‌یه‌ كه‌ به‌ هاوئاهه‌نگی‌ له‌گه‌ڵ لایه‌نه‌ داراییه‌ تایبه‌ته‌كان دیاری‌ ده‌كرێت‌و له‌ چوارچێوه‌ی‌ بودجه‌ی‌ گشتی‌ ده‌وڵه‌ت داده‌نرێت.

به‌ندی‌ ژماره‌(143)

به‌شی‌ دارایی‌ له‌ ئه‌نجومه‌نی‌ نوێنه‌ران خه‌رجیه‌ كۆتاییه‌كانی‌ ئه‌نجومه‌نی‌ نوێنه‌ران ئاماده‌ ده‌كات‌و ده‌یخاته‌ به‌رده‌ستی‌ ده‌سته‌ی‌ سه‌رۆكایه‌تی‌ بۆ نیشاندانی‌ ڕه‌زامه‌ندی‌ له‌سه‌ری‌ پاشان ڕه‌وانه‌كردنی‌ بۆ لیژنه‌ی‌ كاروباری‌ دارایی‌، هه‌روه‌ك لیژنه‌كه‌ش ڕاپۆرتێك له‌وباره‌یه‌وه‌ به‌رز ده‌كاته‌وه‌ بۆ ئه‌نجومه‌نی‌ نوێنه‌ران تا په‌سه‌ندی‌ بكات.

به‌ندی‌ ژماره‌(144)

خه‌رجیه‌كانی‌ ئه‌نجومه‌نی‌ نوێنه‌ران ده‌چێتـه‌ ژێر چاودێری‌‌و ووردبینی‌ دیوانی‌ چاودێری‌ داراییه‌وه‌.


به‌شی‌ نۆزده‌یه‌م

بڕیاره‌ كۆتاییه‌كان

به‌ندی‌ ژماره‌(145)

یه‌كه‌م: ئه‌نجومه‌نی‌ نوێنه‌ران مافی‌ ئه‌وه‌ی‌ هه‌یه‌ شاند له‌ نێو ئه‌ندامانی‌ بنێرێ‌ بۆ ده‌ره‌وه‌ی‌ عێراق، سه‌باره‌ت به‌ كاروباری‌ تایبه‌ت به‌ ئه‌نجومه‌نی‌ نوێنه‌ران. له‌مباره‌یه‌شه‌وه‌ تایبه‌تمه‌ندی‌ لیژنه‌كان ڕه‌چاو ده‌كرێت.

دووه‌م: ئه‌نجومه‌نی‌ نوێنه‌ران ده‌توانێت بانگهێشتی‌ شاندو كه‌سایه‌تیه‌كان بكات به‌مه‌به‌ستی‌ ئه‌نجامدانی‌ دیدار له‌گه‌ڵیان بۆ ئاگاداربوون له‌ بارودۆخی‌ عێراق.

به‌ندی‌ ژماره‌(146)

یه‌كه‌م: نابێت هیچ كه‌سێك یان هێزێكی‌ چه‌كدار بچێته‌ ناو باره‌گای‌ ئه‌نجومه‌نی‌ نوێنه‌رانه‌وه‌ یان له‌ نزیك ده‌روازه‌كانی‌ بمێنێـته‌وه‌ ته‌نها به‌ ڕه‌زامه‌ندی‌ ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران نه‌بێـت.

دووه‌م: ڕێگه‌ نادرێت هیچ جۆره‌ چه‌كێكی‌ سوك‌و قورس یان برینداركه‌ر، كه‌ ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران جۆره‌كه‌ی‌ دیاری‌ ده‌كات، ببرێته‌ نێو باره‌گای‌ ئه‌نجومه‌نی‌ نوێنه‌ران.

سێیه‌م: ڕێگه‌نادرێت به‌هیچ كه‌س بچێته‌ نێو باره‌گای‌ ئه‌نجومه‌نی‌ نوێنه‌ران مه‌گه‌ر به‌ مۆڵه‌ت وه‌رگرتنی‌ پێشوه‌خت نه‌بێت له‌ سه‌رۆكی‌ ئه‌نجومه‌ن.

به‌ندی‌ ژماره‌(147)

یه‌كه‌م: ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران به‌رپرسه‌ له‌ دیوانی‌ ئه‌نجومه‌نی‌ نوێنه‌ران.

دووه‌م: به‌رێوه‌بردنی‌ كاروباره‌كانی‌ دیوانی‌ ئه‌نجومه‌نی‌ نوێنه‌ران له‌لایه‌ن سه‌رۆكی‌ دیوانه‌وه‌ ده‌بێـت به‌ پله‌ی‌ تایبه‌ت، ئه‌ویش ئه‌ركه‌كانی‌ خۆی‌ به‌ گوێره‌ی‌ یاساو ئه‌و ده‌سه‌ڵاته‌ی‌ له‌لایه‌ن ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌رانه‌وه‌ پێی‌ ده‌به‌خشرێت جێبه‌جێده‌كات. هه‌روه‌ها به‌رپرسه‌ له‌به‌رده‌م ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران، له‌مڕوه‌شه‌وه‌ ژماره‌یه‌ك له‌ كارمه‌ندان به‌ پێی‌ پێویستی‌ ئه‌نجومه‌نی‌ نوێنه‌ران هاوكاری‌ ده‌كه‌ن.

سێیه‌م: ڕاوێژكاران ڕاسته‌وخۆ په‌یوه‌ندیان به‌ ده‌سته‌ی‌ سه‌رۆكایه‌تیه‌وه‌ ده‌بێت، هه‌روه‌ك به‌رپرسن له‌ به‌رامبه‌ر ده‌سته‌ی‌ سه‌رۆكایه‌تی‌ له‌ پێشكه‌شكردنی‌ ڕاوێژو پسپۆڕی‌ بۆ ئه‌نجومه‌نی‌ نوێنه‌ران‌و لیژنه‌ هه‌میشه‌ییه‌كان‌و ئاماده‌كردنی‌ ڕاپۆرت‌و لێكۆڵینه‌وه‌و توێژینه‌وه‌ كه‌ په‌یوه‌ندی‌ به‌ كاره‌كانی‌ ئه‌نجومه‌نی‌ نوێنه‌ران‌و تایبه‌تمه‌ندیه‌كانی‌ هه‌بێت یان هه‌ر ئه‌ركێكی‌ دیكه‌ كه‌ ده‌سته‌ی‌ سه‌رۆكایه‌تی‌ ئه‌نجومه‌نی‌ نوێنه‌ران پێیان بسپێرێ‌.

به‌ندی‌ ژماره‌(148)

ده‌كرێـت گۆڕانكاری‌ له‌م په‌یڕه‌وی‌ ناوخۆیه‌دا بكرێـت له‌سه‌ر پێشنیاری‌ ده‌سته‌ی‌ سه‌رۆكایه‌تی‌ یان په‌نجا ئه‌ندام له‌ ئه‌ندامانی‌ ئه‌نجومه‌نی‌ نوێنه‌ران‌و به‌ڕه‌زامه‌ندی‌ زۆرینه‌ی‌ ژماره‌ی‌ ئه‌ندامان.

به‌ندی‌ ژماره‌(149)

بڕیارو فه‌رمانه‌كانی‌ ئه‌نجومه‌نی‌ نوێنه‌ران ده‌نوسرێته‌وه‌و به‌هه‌ردوو زمانی‌ عه‌ره‌بی‌‌و كوردی‌ بڵاو ده‌كرێـته‌وه‌.

به‌ندی‌ ژماره‌(150)

چاوده‌خشێنرێته‌وه‌ به‌م په‌یڕه‌وی‌ ناوخۆیه‌و ئه‌و به‌ندانه‌ی‌ ده‌گۆڕدرێت كه‌ ناگونجێت له‌گه‌ڵ ده‌ستور، پاش هه‌مواركردنی‌ ده‌ستورو په‌سه‌ندكردنی‌.

به‌ندی‌ ژماره‌(151)

نوسینگه‌ی‌ ئه‌نجومه‌نی‌ نوێنه‌ران له‌ پارێزگاكان ده‌كرێته‌وه‌ بۆ مسۆگه‌ربوونی‌ په‌یوه‌ندی‌ له‌ نێوان ئه‌ندامانی‌ ئه‌نجومه‌نی‌ نوێنه‌ران‌و جه‌ماوه‌ر.

به‌ندی‌ ژماره‌(152)

یه‌كه‌م: ئه‌م په‌یڕه‌وی‌ ناوخۆیه‌ له‌ به‌رواری‌ په‌سه‌ندكردنیه‌وه‌ له‌لایه‌ن ئه‌نجومه‌نی‌ نوێنه‌رانه‌وه‌ كاری‌ پێده‌كرێت.

دووه‌م: ئه‌م په‌یڕه‌وی‌ ناوخۆیه‌ له‌ ڕۆژنامه‌ی‌ فه‌رمیدا بڵاوده‌كرێته‌وه‌.

 


12/27/2011 11:41:09 AM Read Count [3507] Big Font Small Font

بیروڕاکان


بیروڕای‌ خوت بنێره‌
ناو :  
ئیمه‌یڵ :    
کۆمێنت :  
   

یاسای هەمواركراوی هەڵبژاردنی ئەنجومەنی نوێنەران ...

دووەم هەمواری یاسای هەڵبژاردنی ئەنجومەنی نوێنەران، ژمارە (45)ی ساڵی 2013

2/15/2018 10:59:52 AM
دووهه‌مین هه‌موارکردنی یاسای هه‌ڵبژاردنی ئه‌نجومه‌نی پارێزگاو قه‌زاو ناحییه‌کان ...

 دووهه‌مین هه‌موارکردنی یاسای هه‌ڵبژاردنی ئه‌نجومه‌نی پارێزگاو قه‌زاو ناحییه‌کان

3/9/2013 1:17:21 PM
یاسای هەڵبژاردنی ئەنجومەنی پارێزگا و قەزاو ناحیەكان ...

یاسای هەڵبژاردنی ئەنجومەنی پارێزگا و قەزاو ناحیەكان

1/16/2012 11:30:04 AM
یاسای هەڵبژاردنی ئەنجومەنی نوێنەرانی عێراق ...

لەسە ر بنەمای ئەوەی كە ئەنجومەنی نوێنەران بریاری لێداوە و...

1/16/2012 11:19:56 AM
دەقی یاسای پێكهێنانی هەرێمەكان لەعیراق ...

دەقی یاسای رێكارییەكانی تایبەت...

1/16/2012 10:47:45 AM
یاسای كۆمسیۆنی هەڵبژاردنەكان 2010 ...

یاسای كۆمسیۆنی سەربەخۆی هەڵبژاردنەكان كە لەلایەن...

1/9/2012 10:05:23 AM
یاسای كۆمسیۆنی هەڵبژاردنەكان 2007 ...

یاسای كۆمسیۆنی سەربەخۆی هەڵبژاردنەكان كە لەلایەن...
 

1/9/2012 9:49:45 AM
دەستوری كۆماری عێراق ...

ئێمە ڕۆڵەکانی دۆڵی ڕافیدەین، نیشتمانی نێردراوان و پێغەمبەران، جێگای حەوانەوەی پێشەوایان و

12/27/2011 11:09:20 AM

  1   

له‌ په‌ڕه‌ی 1 له‌ 1 ( 8 هه‌واڵ )